Юл

(Кыйсса)

Яңгыр ява. Ишеп тә, биткә бәреп тә түгел — сибәләп... Салкын пар кебек, тавышсыз-тынсыз гына, әмма үзәкләргә үтәрлек итеп... Бигрәк тә олы юл чатында басып торганда, болай да еларга тулышкан җаныңа дым булып сеңә бу яңгыр...
Фәридә юешләнгән куртка якасына битен яшерде. Автобус һаман күренми.
Тукталышта аннан башка берәү дә юк. Боз кебек ялтыравык юл гына билгесезлектән билгесезлеккә таба юнәлгән. Кинәт олы юлда бер машина пәйда булды. Юл пычрагыннан үз төсен җуя башлаган “Ока” Фәридәнең янына ук килеп туктады. Машинадан 35-40 яшьләр тирәсендәге бер ир чыкты.

- Тәтешкә еракмы әле? Фәридә йөзен сакал-мыек баскан ирнең бу соравыннан тетрәнеп китте. Йа Хода, хәтеренең иң ерак почмагына бикләп куярга теләгән шәһәр исемен әйтә түгелме ул? Башка вакытта ишетсә, исе дә китмәс иде бәлки. Бүген, нәкъ менә шушы яңгырда, җан сызлавының ачысына түзә алмыйча юлга чыккан Фәридәгә нигә тагын шул шәһәр исемен искә төшерәләр?
- Без Тәтештә фатир сатып алдык. Хатыным узган атнада күченеп китте. Ә мин эштә тоткарландым. Көтәдер инде. Һава торышы менә ничек үзгәреп китте бит, юл билгеләре бөтенләй күренми. Әллә нишләп уйланып та киткәнмен. Исән-имин барып җитеп булса ярый инде. Соңга, караңгыга калмагаем, дим...
Әлеге сүзләр Фәридәне айнытып җибәргәндәй булды. “Соңга калмагаем!!!” Фәридә соңга калды инде. Югыйсә, төнгә каршы мәхәббәтеннән, Илшатыннан качып китәр идемени ул? Машинаның томанны ярып, Фәридә күрсәткән якка юл алган фаралар яктысы өмет чаткысыдай кечерәя барды.

Фәридә белән Илшатны да юл таныштырды. Укуны бетереп, укытучылык һөнәрен алгач, кызны Тәтешкә, яңа ачылган татар гимназиясенә эшкә билгеләделәр. Яңалыкны үлеп яраткан Фәридә, Татарстанның бер районына эшкә кайтуны — Кавказның иң биек ноктасын яулау кебек кабул итте. Җиңел аралашучан, чая кызны коллективта бик тиз үз иттеләр. Читтән килгән кызга күз төшергән егетләрне генә тәмам аптыратып бетерде Фәридә. Берсен дә үзенә якын җибәрмәде. Дәфтәр тикшергән, дәрескә әзерләнгән озын кичләрдә ул үзенең бердәнбере турында хыялланды. Аңа атап шигырьләр язды. Аны көтте, һәм ул килде. Көтмәгәндә.
Каникулдан соң Казаннан Тәтешкә кайтырга дип юлга чыкты. Тукталышта берәү дә булмагач, аптырады Фәридә. Көтеп-көтеп тә автобус килмәгәч, сәгатенә караса, ни күрсен, Тәтешкә баручы бердәнбер автобус киткәнгә шактый вакыт үткән икән ләбаса. Борчылудан нишләргә дә белми басып торганда, янына бер машина килеп туктады.
- Утыр, матурым, теләгән җиреңә илтеп куя алам.
Ян тәрәзәдән елмайган егетне күреп, дерт итеп китте Фәридә. Шулай да сер бирмәскә тырышты.
- Кыш уртасында алмагачлар чәчәк аткан җиргә барырга исәп. Машинаңның көче җитмәс шул, егет.
- Юлыбыз бер якка икән. Утыр. Ә машинаның көче дә, бензины да җитәрлек. Кешегә генә ул яшәү өчен хыял канатлары кирәк.
Илшат Тәтеш егете булып чыкты. Автозаправкада эшли икән. Ул вакытта озын юл да кыска булып тоелды. Кояш нурларында кызынган асфальттан машина тәгәрмәчләре мәхәббәт иленә ашыктылар.
Бер елдан Фәридәне Казанга чакыртып алдылар. Аспирантурага укырга керде, тарихи романнар буенча диссертация язарга кереште. Ә күңеле Тәтештә калган Илшатны, бергә үткәргән шатлыклы кичләрне юксынды. Яшь йөрәкләрне сөю ялкыны тәмам бөтереп алган иде, күрәсең. Акыл ияләре, гашыйкларга телефон аша гына аралашу җитми, көн саен күрешеп тору кирәк, диләр. Фәридәгә дә аралары суына башлады кебек тоелды. Соңгы бер-ике айда Илшат сирәгрәк шылтырата башлады әнә. Эше күптер дип юанса да, сөйгәненең тавышын бер ишетергә зарыккан кыз, үзе телефонга кагылмады. Әмма табигатьтән килгән горурлык хисе дә шартлап сына ала икән. Беркөнне эш белән Тәтешкә, гимназиягә җибәрүләрен ишеткәч, шатлыгыннан хыял киңлекләрендә очты Фәридә. Кайтасын алдан хәбәр итмәде. Менә, ичмасам, шәп сюрприз булачак!

Фәридә, каушап-дулкынланып таныш фатирның кыңгырау төймәсенә басты. Менә Илшат чыгар да, кочаклап алыр. Юк, зырылдатып әйләндерер. Аннан сагынышкан иреннәр берсен-берсе эзләп табыр... Йөрәк каккан тавышны басып, ишектә ачкычлар шалтырады.
- Кем кирәк? — Ишектә яшь кенә бер хатын басып тора иде.
- ...Илшат өйдәме?
- Юк. Ирем бүген кичкә кайтачак. Ә сез кем буласыз?

Бу мизгелдә Фәридә күңеленә сыймаган сагыш уты көз кочагына атылды. Димәк, ул өйләнгән... Алдануын сизеп, юлга йөгерде ул. Инде менә битен пешергән күз яшьләрен йотып, Казанга китәргә транспорт көтә...
...Адәм баласы дөньяга елап туа. Димәк, аның еларга хакы бар. Гомер юлында алданулар да, ялгышулар да була. Ләкин алар бар да үтә. Дөнья булгач, очраклы хәлләр дә булгалый. Юл чатында адашып, Тәтешкә юл эзләгән ир-атның исеме шулай ук Илшат икәнен язсак, бу да әллә ни сөйләмәс. Әмма аның Фәридәсе янында булу өчен Казанга күчеп киткән Илшат фатирын күптән түгел генә сатып алуын әйтсәк — аңлашылмаучылыкка ачыклык керер. Ә бәлки бу да очраклылык кынадыр. Ә менә шул мизгелләрдә Илшатның Фәридәсенең кайтуын аның подъезд төбендә көтеп утыруы очраклы түгел. Ул бүген аңа зур сюрприз ясаячак. “Кадерлем, без синең белән хәзер көн саен очрашачакбыз”, — дип әйтәчәк. Аның хисләрен алмагач чәчәкләре аклыгын алган бер кочак роза сөйләр. Таҗларында — яңгыр тамчылары түгел, сагыну җемелди.
Автобус тәрәзәсеннән яңгырга үртәлеп барган кызның бу минутларда Казанга якынлашкан мәле... Озак та үтмәс, күз яшьләрен ялкынлы мәхәббәт киптерер. Аңлашырлар. Сынауларсыз гына мәхәббәт була димени? Югалтулардан, газаплардан, хыянәт һәм ялган сүзләрдән чын мәхәббәт барыбер өстен ул!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 16 апрель 2020 - 14:12
    Без имени
    РАХМАТ! НДЕ ЙОРЭКЛЭРНЕ ОШЕТЕРЕП КУЗ ЯШЬЛЭРЕ ТУЛЫШЫП ТУГЕЛЭ ДИСЭМ -АЗ ГЫНА ШАТЛЫК ЯШЬЛЭРЕ ТАМДЫ.МЭХЭББЭТ! УПКЫННАРГА ТОШЕРГЭН ДЭ КУКЛЭРГЭ ОЧЫРГАН ДА МЭХЭББЭТ!!! ИСКЕТКЕЧ МАТУР ЯЗЫЛГАН! ИЖАДИ УНЫШЛАР СЕЗГЭ !!!
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9989
    5
    126
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5814
    1
    78
  • 6955
    2
    49
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8045
    1
    44
Реклама
Соңгы комментарийлар
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...