ЯРАТУ УЛ ЯЗДАН ГЫНА ТОРА

Луиза Янсуар 
 
* * *
Бу язга бер үпкәм юк минем – 
Елмая көннән-көн яктырак.
Сабырым сынганда...
Еласам...
Тик тора мөлдерәп... аптырап...
 
Ул бары яз гына. Нарасый.
Ул белми язларның бүтәнен:
Мин ничек таңнарда уянып,
Сагынып, күзләрең үпкәнем.
 
Һәм ничек сагыштан... үлгәнем,
Синнән соң яшәгән дәвердә.
Бу язга бер үпкәм юк минем.
Ул миннән,
Мин аннан – 
Бәхилләр.

 
* * *
Грустные люди мы друг без друга… 
Диана Арбенина 
 
Сине сагынып чыгам юлларга,
Сине сагынып керәмен кайтып.
Һәм чынаякка хуш исле җәйме
Ага челтерәп? Әллә соң вакыт?
 
Онытып тәмам барлыгын җирдә
Эш сәгатьләре, кеше сүзенең
Мин табам, кайтып, синдә үзеңнән,
Хәтта үземнән үзрәк үзеңне.
 
Моңсу бу җирнең моңсу икәве – 
Хәзер дә шул без. Тик ул моңсулык,
Икегә бүлгәч, яктыра төшә...
Шуңа кайтасың син дә – юксынып.
 
Ашыкмый гына. Кадерең тоеп.
Җилли чәчләрең. Күзләрең көлә.
Бүген. Шушында. Бар без.
Калганын...
Икебезгә бер – 
УЛ гына белә.
 
 
Гөлназ Газизова 
 
* * * 
Син киткән тарафтан җил исми.
Су акмый. Таң атмый.
Һичьюгы, юлыннан тайпылган мосафир,
Бер йотым су сорап,
Бусагам аркылы атламый.
Тып-тынлык.
Ә миңа бары бер сүз җитә. 
Сәламең булмасын,
Булмасын ул – миңа әйтелгән. 
Бары сүз. Бары ым. Бары бер ачыклык – 
Йокысыз төннәргә тезелгән.
Мин үзем сине бер сулышлык арага китердем.
Җылыга тартылды күңелем.
Чигәне ватардай акылым сулкылдый
Мин – сиңа, син миңа түгелен.
Ирек бир... Бер сулыш алырга,
Син киткән тарафтан тик хәбәр бирсеннәр.
Килсеннәр дә, карап күземә:
«Сагынмый!» – дисеннәр. 
 
* * * 
Ә кешегә... кеше кирәк икән – 
Салкын төндә өстен ябарга,
Эштән кайтып кергән чакларында
Ашын салып көтеп торырга.
 
«Миңа язган тиңем», – диеп дәшеп,
Иң яхшысын җирдә эзләмичә, 
Кирәк икән, кирәк кемдер берәү: 
«Үземнеке» диеп яшәр өчен.
 
Ә кешегә кеше кирәк икән – 
Салкын кичтә учак ягардай, – 
Сулар һава өчен сихәт булып, 
Эссе көндә яуган яңгырдай. 
 
Иптәш булыр өчен кеше кирәк:
Таңнар каршыларга җәйләрдә.
«Ә киләчәк шундый ерак», – диеп,
Һәр кич саен бергә чәйләргә.
 
«Кайтуыңны хәбәр ит!» – дияргә
Озатучы кирәк – сәфәргә. 
Ерак юлдан кайтып кергән чакта
Каршылаучы кирәк һәркемгә.
 
Чәчләреңнән сыйпап: «Син бүгеннән
Ялгыз түгел бит», – диюче кирәк. 
Көзләрендә җылы булсын өчен – 
Кешегә бит бары кеше кирәк.
 
* * * 
Кышның кыйпылчыгы,
Адашыпмы,
Кызыл таҗлар сыйпый буранда.
Алдануын кичермәгән – җете,
Басып тора өмет сагында...
...Язгы кардан эзләр салып барыш.
Бер-береңдә дөнья гизеп йөреш...
Әмма, белмим, нинди көтә сәяхәт.
Мине бу үтәли салкын яздан
Алып калган җылың өчен 
Рәхмәт! 


Эльвира ҺАДИЕВА

* * *
Синеңчәрәк – чакырмыйча – керде бер төн.
Һәм дәшмәде...
Келәмнәргә сеңгән кыргый шәүләң – күрде –
Көнләшмәде.

Синең исне саклар гөлләр арасында
Адашмады.
Толымнарым – син үргәннән, сүткән идем –
Тарашмады.

Керфегемдә яшең калган – мин белмәдем,
Сизелмәгән...
Ишетелде тик чың, һәм таң белән керде
Яз бүлмәгә...

Ул чакларда – беренче яз, онтылырлык,
Тоям тәмен...
Хәзер беләм инде чыңлап...
Горур төннең 
Өзелгәнен.

Һәм кызганмыйм, үкенмим дә төннәр кебек,
Җанны ярып...
Бөек горурлыктан нәни генә сөю хәтта
Мең югары!


Эльмира ҖӘЛИЛОВА
ЯРАТУ УЛ ЯЗДАН ГЫНА ТОРА

«Гомереңнең җылы җәе», – дисең,
«Минем җаным тулы көзге моңнар!»
Көзләр, дисең,
           Көзләргә ни булган?!
Көзләрнең дә матур көннәре бар!

«Җәйләреңне көзгә алыштырма,
Ашыкмале, – дисең, – бераз уйла!»
«Син – җәйләрдә!» – дисең,
                       Синсез булгач,
Җәйләрдә дә елак көннәр була.

Көзләрне – җәй,
Җәйләрне яз итү
Бары үзебездән генә тора!
Мин – җәйләрдә,
                       Син – көзләрдә икән –
Мәхәббәтнең үз язлары була!
Ярату ул яздан гына тора!!!

* * *
Гөрләвекләр кушылырлар төсле,
Бар җиһанны иңли яз җыры.
Мәхәббәтнең күз яшьләре булып,
Яшь чирәмдә калган таң чыгы.

Пар тирәкне кочып таң аттырдык, –
Сөю белән тулды бар болын.
Синле төнем хатирәсе булып,
Таң чыгында калган җан моңым.

Син бит минем күңелемә тулып,
Җырланмаган тәүге яз җырым.
Яратып та яр булалмый калган
Утка салган моңлы җан җылым!..

* * *
Йолдызлардан келәм чигәм.
Күккә күз сал,
Юл табалмый өзгәләнсәң әгәр.
Аз да, күп тә түгел. Безнең ара –
Яратудан яратуга кадәр!..

Зәңгәр күлдәй күзләремә чумган
Йолдыз нуры. Шуны эзләвеңме?!
Эзләмәдем, димә! Мин таныдым
Ай битендә калган эзләреңне!

Сине көтәм. Күңел капкаларын
Бикләү түгел, юктыр япканым да!
Яратудан яратуга кадәр келәм –
Өмет җебе энәм сапларында!.. 
           

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9850
    11
    116
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9873
    9
    80
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5554
    4
    64
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4501
    0
    46
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6704
    2
    30
Реклама
Соңгы комментарийлар
  • 4 август 2021 - 13:40
    Без имени
    Нигэ бэхетне чит илдэн эзлисен? Кузенне зуррак ачып тирэ ягына кара,может сине бэхетле итэр кеше янында гына йоридер!
    Чит ил кияве
  • 4 август 2021 - 09:01
    Без имени
    Берни дэ ан,ламадым. Ужасное состояние семейнлй жизни. Э балалар?
    Эшләмәскә ничек өйрәнәсе?
  • 4 август 2021 - 00:24
    Без имени
    Сезнен барыбер узегезчэ эшлэгэнегезне белеп нервагызны ашый хорэсэн ирегез. Узе кайсысын устерешергэ олеш кертэ, шуны гына ашатыгыз узенэ, узегезгэ нэрсэ ошый, шуны устерегез дэ ашагыз. Узегезне яратырга ойрэнегез. 1 атна булса да ул эйткэнчэ эшлэгез, идэн я кер юа башлагач мырлый икэн, туктагыз да, 2 че диванга барып ятыгыз, тик анын янына тугел. Хэм шулай, 7-10 кон дэвам итегез, туктамас жиреннэн туктар, бэлкем. Хотя, бокерене кабер генэ турайта.
    Эшләмәскә ничек өйрәнәсе?
  • 4 август 2021 - 07:57
    Без имени
    Тугри фикирлар язылган
    Башыңны сакла, балам...
  • 2 август 2021 - 19:02
    Без имени
    Оендэ жыеп укырсын бигрэк кыланасыз ботен шарты туры килми ул
    Марсель Вагыйзов аэропортта күңелсез хәлгә тарыган
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан