​Утлы хәбәр

Көтте кызый, мәхәббәтен көтте –
Яңгыр көткән кыргый дала сыман.
Коендырып чыкта тез башларын,
Чабып узды гөлләр арасыннан.

җитү кыздай оеп, йоклап ята
Яшел болын изүләрен ачып.
Кояш түгел, сөю күтәрелә! –
Офыкларга шулай тып-тын басып.

Чыклар кибә, күз яшьләре кибә…
Ялкынланып яна татлы сагыш.
Дәва булыр, таллар, кыз күкрәген
Дымлы яфрак белән капласагыз.

Син оялма, гаҗәпләнмә, чишмә,
Күреп кызның үзеңә иелгәнен, –
Тидерсен ул салкын суларыңа
үбелмәгән кайнар иреннәрен.

Сөю булып кояш күтәрелә –
Мәхәббәттән гүя утлы хәбәр.
…җиде диңгез кичәр иде егет
Шушы кызның барын белсә әгәр.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...