Нәфис куллар тылсым тудыра

Гүзәллек дөньяны коткара дип борынгылар белми әйтмәгәннәрдер. Әнә шул гүзәллекне тудыручы, башкалар күңеленә илһам орлыклары җиткерүчеләр белән «Сөембикә» журналы таныштыра.

Казан Кремленең «Манеж» күргәзмәләр залында «Назлы куллар тылсымы» дигән үзенчәлекле күргәзмә эшли башлады. Проектта хатын-кызларыбыз өчен атап чыгарылган «Сөембикә» журналы битләрендә дөнья күргән сәнгать әсәрләре урнаштырылган.

«Безнең арабызда гаҗәеп талантлы хатын-кызлар бар. Безнең редакция талантлы кызларыбыз һәм аларның шөгыльләре белән укучыларны даими таныштырып бара. Әлеге күргәзмәнең максаты – аларны башкаларга да таныту, аларның кул эшләрен якыннан күреп кешеләр бәя бирсеннәр, соклансыннар. Кем белә, бәлки күргәзмәгә килүчеләр арасында «мин дә шулай эшли алам бит», дип китүчеләр дә булыр. Гүзәллекне һәркемнең тудырасы киләдер дип беләм», - ди журналның баш мөхәррире Ләйсән Юнысова.

Күргәзмәгә иҗат җимешләрен урнаштырганнарның күбесе кайчандыр эшләп карыйм әле дип хобби рәвешендә генә шөгыльләнә башлаган. Зөлфия Сәлимҗанова, мәсәлән. унҗиде ел укытучы булып эшләгән. Гаилә сәбәпләре аркасында яшәү урынын алыштыргач, ул эшсез кала. Зөлфия аптырап калмый, өйдә кыйммәтле ташлардан бизәнү әйберләре ясый башлый. Менә инде сигез ел дәвамында ташларны сәйләннән чигелгән үрнәкләр эчендә калдырып, күз явын алырлык затлы колакса, муенса, беләзекләр ясый. «Бу минем хоббием. Төрле ташлар белән эш итәргә яратам. Сәйләннәрнең көмеш, алтын белән капланганнары да бар. Андыйларны бик яратып сатып алалар. Япон сәйләннәре бик сыйфатлы һәм матур. Беренче карашка, ювелир хезмәт дигән фикер дә туарга мөмкин. Ә күргәзмәгә килгәндә, оештыручыларга рәхмәт әйтәсе килә. Безне халыкка таныталар, эшләребезне данлыйлар», - ди Зөлфия Сәлимҗанова.Миллиметрдан да кечерәк булган сәйләннәрне җыеп, төрледән-төрле формалар ясау үтә дә сабырлык һәм тырышлык сорый. Әммә Зөлфия үз шөгылен ташларга җыенмый, киресенчә, бу юнәлештә камилләшә генә бара. Хатын-кыз муенын бизәп торырдан ефәк шарфларны да мәрҗәннәр белән бизи башлаган. Чит илләрдән дә заказ биреүчеләр бар икән.

Экспозициядә курчаклар, милли колоритны саклаган киемнәр, күн мозаикасы, рәсем сәнгате, сәйләннәрдән эшләнгән шәмаилләргә кадәр бар.

Анастасия Бузунеева - профессиональ рәссам. Аның картиналарыннан җылылык, хатын-кыз нәфислеге бөркелә. Татар этносын да нечкә тоемлавы сизелә. «Татарларны җентекләп өйрәндем. Мәкал, әйтемнәренең асылларына төшенергә тырыштым. Еш кына татар филологлары, тарихчылар белән дә киңәшләшәм. Биредә минем татарлар темасына багышланган әсәрләрем урын алды», - ди Анастасия Бузунеева. Ул төрле илләрдә сәяхәт итәргә ярата. Кайда гына булса да, хатын-кыз образына игътибар итә. Кылкаләм остасы фикеренчә, нәкъ менә гүзәл затларыбыз үзләренең нәфислеге белән дөньяны үзгәртә ала.

Сөембикәлеләрнең бу күргәзмәсе беренчесе. Алар киләчәктә дә талантлар белән таныштырып барырга ниятләп торалар. «Зилә ханым Вәлиевага рәхмәт. Безнең идеяне күтәреп алды, Казан Кремлендә урнашкан гүзәл залда күргәзмәбезне уздырырга ярдәм итте. Ул үзе дә тырыш, уңган, булдыклы ханымнарны якын күрә. Хатын-кызларыбызның потенциалына сокланып яшәүче шәхесләребезнең берсе бит», - дип «Казан Кремле» музей-тыюлыгы директоры Зилә Вәлиевага олы рәхмәтләрен дә җиткерделәр проект авторлары.

«Нәфис куллар тылсымы» күргәзмәсе барышында мастер-класслар да оештыру каралган. Теләгән һәркем «Манеж» күргәзмәләр залына килеп, үз куллары белән сәнгать әсәрләре тудыру серләренә төшенә ала.

фото: Солтан Исхаков
мәгълүмат һәм фотолар биредән алынды: http://intertat.ru/tt/society-tt/item/42034-n%D3%99fis-kullar-tyilsyim-tudyira.html

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 8352
    4
    110
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    9797
    2
    63
  • Дәва Авылына кайтты. Авыл үзгәрмәгән, ул – үзгәргән. Хәтта исәнләшеп үткән авылдашлары да, танымыйча, артыннан карап калды. Нәфис гәүдәле, сара чәчле хатын ят иде аларга. Ә ул бер ел элек кенә дегет кебек кара чәчле, интегеп яшәгәне йөзенә чыккан Мәрсилә иде бит. Тик аның тормышындагы авырлыклар узды. Ак полосадан бара ул. Чәчен дә шуңа буятты...
    5434
    4
    54
  • 4711
    0
    40
  • Дус кызым ирем белән очраша бугай Кайдан башларга икән? Минем әле бу турыда беркемгә дә сөйләгәнем юк. Әни аны дөрес аңламаячак.
    7985
    20
    33
Реклама
Соңгы комментарийлар
  • 6 август 2020 - 11:58
    Без имени
    Бик матур язгансыз Венера !Э чынлыкта бу булган хэл !Фэридэ ул чыннан да бик лаеклы ,хормэтле ,бик чибэр дэ унган да хатын -кыз !Исеме генэ узгэртелгэн .
    Күз яшьләрең булып мин тамам...
  • 6 август 2020 - 15:36
    Без имени
    Сабак алмаган бу хатын
    «Тасма теленә ышанып, аферистка 400 мең акча бирдем»
  • 6 август 2020 - 19:21
    Без имени
    Йозлэтэ чыгар ул аферисттан-узе генж тугел-7 буынына кадэр тошэр лэгьнэте!
    «Тасма теленә ышанып, аферистка 400 мең акча бирдем»
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...