Казанның «Эрмитаж» концерт-холлында хатын-кызның матурлыгына, аналарга, гаилә бәхетенә дан җырлаган «Нечкәбил» конкурсы – Татарстан гаиләләре фестивале узды.
Әлеге гаилә бәйрәме Республикабыздагы социаль акцияләр марафоны һәм «Безнең Республика: горурланабыз һәм яратабыз!» проекты кысаларында үтте.
Татарстан Президенты Рөстәм Нургали улы Миңнехановның ярдәме белән бу бәйрәмдә республикабызның төрле районнарында яшәүче ханымнар катнашты. Бәйрәмне Татарстан гаиләләре фестиваленең жюри рәисе, ТР Дәүләт Советы Рәисе урынбасары Римма Ратникова ачып җибәрде. Бәхетле гаиләләр – һәр авыл, һәр шәһәрнең йөзек кашы ул. Гаиләнең тоткасы исә Хатын-кыз. Аның йөрәгендә элгәре буыннар хакындагы хатирәләр, бүгенгеләргә карата игътибар һәм кайгырту яши. Аналарның аяк очыннан кешенең олы тормыш юлы башлана.
Полуфинал нәтиҗәләре буенча өч җиңүче билгеле булды. Беренче урынны Казан шәһәреннән Эльмира Ибраһимова яулады. Эльмира Эчке эшләр министрлыгында референт булып эшли. Ул тамашачыларга «Адамслар гаиләсе стилендәге күңел ачу кичәсе» дип аталган бәйрәм әзерләгән. Икенче урынга Тәтеш шәһәрендә теш табибы булып эшләүче Людмила Вавилина лаек булды. Ул «Безнең мәхәббәт көне» дип аталган бәйрәм әзерләгән. Өченче урында – Казаннан Ләйсән Хәлилова. Ләйсән А. Н. Туполев исемендәге КДТУда эшли. Аларның гаиләсе «Мактаулы кара билбау белән бүләкләү тантанасы» дип аталган бәйрәм күрсәтте.
Татарстан гаиләләре фестивале – кешеләрнең гаилә җылысы, буыннар чылбыры аша, мәрхәмәтлелек, мәхәббәт, Туган илне, Туган җирне ярату аша рухи берләшүе ул. Татарстан: горурланабыз һәм яратабыз!
Следите за самым важным и интересным в Telegram-каналеТатмедиа
Комментарий юк