Федераль Сабантуй (Томск)

Быелгы Федераль сабан туе Томск каласының – 410, Томск губернасының – 210, Томск өлкәсенең 70 еллыгын бәйрәм иткән көннәргә туры китереп уздырылды. Томск төбәге, вакытлыча гына булса да Бөтенроссия татар мәдәнияте үзәгенә әйләнде. Россиянең төрле өлкәләреннән ике меңгә якын кунак агылды ул көнне Томскига. Татарстан Президенты Рөстәм Миңнеханов бәйрәмнең мәртәбәле кунагы булды.

Сабантуй Томскида сан ягыннан икенче урында торучы татар халкының бай мәдәниятен тасвирлаучы искиткеч гүзәл бер бәйрәмгә әверелде.

Татар мәдәнияте фестивале 14 июнь көнне Зур Концерт залында Татарстан Республикасы сәнгать осталары концерты белән башланып китте. Татарстанның халык артисты Айрат Хәмитов җитәкчелегендәге Татар дәүләт җыр һәм бию ансамбленең яңа программасын тамашачылар аягүрә алкышласа, татар эстрада йолдызлары – Татарстанның халык артистлары Фердинант Сәлахов, Хәмдүнә Тимергалиева, «Казан егетләре» төркеме – концертның чын бизәге иделәр. 

Зур Сабантуй үзе 15 июнь көнне «Хезмәт» стадионында иртәнге сәгать унда тантаналы төстә башланып китте. Татарстан Президенты Рөстәм Миңнеханов Томск халкын һәм барлык кунакларны бәйрәм белән тәбрикләп, Томск каласының татар милли-мәдәни автономиясенә микроавтобус бүләк итте. Бәйрәм трибунасында башка мәртәбәле кунаклар белән беррәттән, Томск өлкәсе губернаторы Сергей Жвачкин һәм Томск мэры Иван Кляйн да бар иде. Республикабыздан махсус кунаклар – Татарстан мәдәният министры Айрат Сибагатуллин, Бөтендөнья татар конгрессы җитәкчесе Ринат Закиров та килгән. 

Сабантуйда илебезнең 60 төбәгеннән килгән кунаклар катнашты. Трибуналарда – Владивостоктан алып Санкт-Петербургка кадәр сибелеп яшәгән татар халкы вәкилләре. Татарстанда яшәүче татар халкы өчен Сабантуй ел саен уздырылучы яз бәйрәме булса, Томск халкы өчен бу татар мәдәниятенең бер чагылышы гына түгел, ә Себер татарларының үз милләттәшләре белән сагынышып күрешүе дә иде.

Бәйрәм кунаклары рәхәтләнеп милли уеннарда катнашты,Татарстаннан ук килгән иҗат коллективларының чыгышларын карап кинәнде, милли көрәшне тамаша кылды, халкыбызның милли ашларыннан авыз итте, татар осталары ясаган көнкүреш һәм сәнгать әйберләрен сатып алды. Түбән Каманың аш-су осталары бәйрәм кунакларын сыйларга дип ике йөз килограммлы чәкчәк пешергән. Татлы тәгам бөтен кешегә авыз итәргә җитте.

Әйтәсе дә юк, Сабантуйның иң дулкынландыргыч мизгелләре ул – милли көрәш. Быелгы федераль Сабантуйда бил алышырга дип, Россиянең төрле төбәкләреннән 70 спортчы килгән булса да, ахыргы хәлиткеч алышта исә тәкә белән «Volkswagen» автомобиленә ия булу өчен мәйдан уртасында Татарстанның Теләче егетләре генә калды. Бәйрәмнең абсолют батыры – 23 яшьлек Раил Мараков.

Шул ук көнне шәһәр бакчасында Томск өлкәсендә яшәүчеләр ел саен үткәрә торган тагын бер бәйрәм – Халыклар дуслыгы бәйрәме дә узды. Ә чын татар сабан туе бик күпләрнең хәтерендә озак сакланыр әле. Федераль Сабантуй-2014 Томск өлкәсендә узган Мәдәният елы кысаларында үткәрелде. Киләсе елда Сабантуй кунакларын Красноярск шәһәре кабул итәчәк

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4554
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13170
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2825
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11325
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13778
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда