​Бернигә карамый яшәргә!


Конкурслар белән хәзер беркемне дә шаккаттырып булмый инде. Матурлык конкурслары да уза, җитезлек конкурсы да, һөнәри конкурслар әллә никадәр... Ә менә бүгенгесе, мөгаен, иң кирәклесе һәм иң игелеклеседер.
Аларга карыйсың да, әле менә бер сәгать элек кенә тормышның ниндидер вак-төяк җитешсезлегеннән зарлаганың өчен үз-үзеңә оят булып китә. Алар дигәнем – сәхнә түрендәге 10 кыз, V Республика «Татарстан энҗесе» конкурсы конкурсантлары.
Чибәрләр, яшьләр, талантлылар! Кызлар белән бер дулкынга кушыласың да, дөньяңны онытасың. Һәрберсен сәхнәгә берәр егет озата чыгуына соңрак кына игътибар ителә. Әйе шул, чибәрлек конкурсы гына түгел бу, бу – батырлык һәм тормышны ярату үрнәген күрсәтүче конкурс та. Кызлар да гади генә язмыш ияләре түгел. Казанның «Әкият» үзәгендә узган «Татарстан энҗесе» конкурсы әнә шуның белән үзенчәлекле дә иде инде: ул барыбызны да хыялларның көннәрдән беркөнне һичшиксез чынга ашасына ышандыру өчен кирәк иде.
Ун кыз – ун язмыш. Хыяллар гына бер – тормышта үз урыныңны табу, насыйп ярны очрату, бәхетле булу. Бүгенге чара күпләр өчен әнә шул бәхеткә илткән сукмак башы булгандыр.
Конкурс булгач, билгеле, җиңүчеләр дә булырга тиеш. Ләкин... курку-шөбһәләрен, кыенсынуларын җиңеп сәхнәгә чыккан һәр кыз инде үзе үк җиңүче. Энҗеле такыялары шундый килешә кызларга. Килешмичә соң, алар үзләре дә әнә шул энҗе бөртекләре ләбаса. Диңгез төпләреннән – тирәннән табылган энҗеләр.
Балтач районы, Арбаш авылыннан Әнисә Фазылҗанова – романтик энҗе;
Казаннан Надежда Дунаева – ил күзендәге энҗе;
Әлмәттән Альбина Фролова – артистлыгы белән аерылып торучы энҗе;
Казаннан Анастасия Зайцева – креатив энҗе;
Лениногорск районы кызы Виктория Юнысова – максатчан энҗе;
Лениногорск шәһәреннән Анна Вахрамеева – грациоз энҗе;
Чүпрәле районы кызы Раилә Ситдикова – мөлаем энҗе титулларына лаек булды.
Беренче, икенче, өченче урыннарны исә Саба районы Иштуган авылыннан Регина Иванова, Казан кызы Елизавета Ли һәм Чаллы шәһәреннән Ильмира Газизуллиналар яулады.
Иң игелекле конкурсның оештыручылары: Татарстан Республикасының эш, мәшгульлек һәм халыкны социаль яклау минитрлыгы, Татарстанның депутат хатын-кызларын берләштергән «Мәрхәмәт» берләшмәсе; Татарстанның Мәдәният һәм Спорт министрлыклары, Ксения Безуглованың «Возможно все!» фонды, Казанның мәдәният институты. Ә менә биш ел элек бу конкурсның идеясе Гөлнара Заһретдиновадан чыккан булган.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 24 сентябрь 2021 - 14:54
    Без имени
    бик. матур. хикея. ошады. ахыры да. яхшы. тэмамланды. рэхмэт
    Тормышымны үзгәрткән борылыш
  • 24 сентябрь 2021 - 09:19
    Без имени
    Бу хәлләр ир-ат тарафыннан азгынлык кына. Әгәр дә үзегезнең хатыныгызга да шундый ук игътибарлы булсагыз, хатыныгызны бер кемгә дә алыштырмас идегез
    Авырлы хатынны ташлап китү – ир эшеме?
  • 23 сентябрь 2021 - 18:10
    Без имени
    Монда әйтелгән фикерләр белән килешәм. Соңгысы гына күңелгә ятмый. Кияүгә ни өчен чыгалар, белмәдеңмени? Сине көчләп бирмәгәннәр бит!!! Малаең үз әтисе белән үсәргә тиеш, балаңны яратсаң...Җитәр, уйнап алгансың!!!
    Ирем булмаса, бәхетле яшәр идем...
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан