«Әнигә әйтәм...»

 Моңа күп еллар үтеп китсә, оныта алмыйм, чөнки тормышта андый мисаллар гел кабатланып тора. Бигрәк тә соңгы вакытта... 

Бервакыт йомышым төшеп, Балалар клиник хастаханәсенә бардым.  Чиста-якты палаталар буйлап нәни авыруларның хәлен белешеп йөргәндә, табибә, түрдәге караватта бөгәрләнеп яткан нәни бер малай янында тукталды.  

– Йә әле, Рөстәм, күрсәт әле үзеңне апага. Синең хәлеңне белергә килгән әнә, – дип тезеп китте ул. Аннары, бертуктаусыз сөйләнә-сөйләнә, малайның колагын чистарта башлады. 

– Авырттырсаң, әнигә әйтәм, – диде малай.  

– Син бит егет кеше, түзәрсең, – диде табибә, аның битеннән үбеп алып. 

Малайны дәваланырга Балалар йортыннан алып килүләре турында соңыннан белдем. «Әнигә әйтәм» диюе дә хыялындагысы гына икән сабыйның. 

– Шундый тагын бер кызыбыз бар әле, – дип сөйләп китте табибә. – Ул да гел әнисен сорый. «Килгәндер, минем кайда ятканымны белмидер», – дип, көн саен коридорга чыгып, әнисен көтә. 

Аның сөйләгәннәреннән тетрәнеп киттем. Ана белән бала арасында күзгә күренмәс җепләр бар... Кендек җебе өзелгәннән соң да алар беркая китми. Шуңадырмы, ятим бала әнисе хакында беркайчан да начар итеп сөйләми. Беркая да китмәгән ич аның әнисе. Ул монда, якында гына. Тиздән килер, аны кочагына алыр. Бала тәрәзәдән күзен алмый айлар, еллар көтә. Килер дип көтү аңа көч бирә. Чөнки ана баланың җирдәге фәрештәсе, яклаучысы, саклаучысы. Ул гомер буе шулай булып калыр да. Ятимнәрнең  телләрендә дә гел әни сүзе. Балалар йортына аяк баскан һәр кешедә алар «әтисен, әнисен» күрә. Кочакка ташланып: «Син минем әниме?» – дия. Йә булмаса, сиңа шундук үзенең әнисе турында сөйли башлый. Болай диюгә шундук күз алдына дүрт яшьлек бәләкәй Катя килеп баса. «Минем әни – иң матуры, иң әйбәте, – ди ул, зур зәңгәр күзләрен миңа текәп, – тиздән ул мине килеп ала. Ул ярата мине», – дип тә өсти бәләкәй кызчык, әйткәненә үзе дә ихлас ышанып. 

Әйткәнемчә, әни кеше бала өчен начар була алмый. Ул, Катя әйтмешли, «принцесса»... Балалар йортларында үскән ятимнәрнең, инде үзләре өлкәнәюгә барган бер мәлдә, әниләрен эзләргә керешүләренә гаҗәпләнмим дә. Күреп кенә булса да каласылары, үзләренә эләкмәгән җылылыкны әниләренә биреп карыйсылары киләдер, бәлкем, аларның.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7039
    1
    63
  • 6881
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4669
    2
    49
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6814
    1
    47
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»