«Байларча» яшибез

Бер көнне «Россия» каналында байлар тормышын күрсәтеп яталар. Студиягә 23 яшьләр тирәсе бер кызны чакырып чыгардылар. Алып баручы аның гардеробы белән кызыксына. Ә ул исе китмичә генә, гадәти әйбер сөйләгәндәй: «Минем гардеробымда 150 миллион сумлык кием эленеп тора. Мин киемнәрне әледән-әле алыштырырга яратам. Бер кигәнне өч-дүрт мәртәбә кимим», – дип тезеп китте. Моны тыңлап утырган тамашачы аңа гөрләтеп кул чапты.

 Минем шуңа җен ачуларым чыкты. Нигә аны алкышлый халык. Әллә алары да акылдан язганмы?! Баксаң, бу кыз бай әти-әнисенең җилкәсен кимереп ятучы икән. «Ә нәрсә, – ди ул, – егетләр исәбенә яшәгәнче, мин әти-әни исәбенә яшим». Тагын гөрләтеп кул чабалар. Менә сиңа тамаша.

Хәер, акчасын кая куярга белмәгән адәмнәрнең бүген чуты-саны юк. Алар үзләренең нинди тормышта яшәүләрен кешедән яшерергә уйламыйлар да. Тик «кесә тулы алтынга» ирешү маҗаралары турында гына ләм-мим алар. 

Үзәк матбугатта юк-юк та күренгәләп киткән исемлектә череп баючылар арасында дәүләт чиновниклары да, Дәүләт Думасы депутатлары да, министрлар, төрле ведомство вәкилләре дә бар. Аларның халыкка түгел, үз кесәләренә актив эшләп ятуларын белгәч, тагын йөрәк әрнеп куя. Әле күптән түгел генә, мәгълүм банкларның берсеннән Дәүләт Думасы депутатының 7 миллион доллар акчасы алынды. Сахалинның элеккеге губернаторы Александр Хорошавинның «намуслы хезмәте» белән җыелган 1,1 миллиард сум акчасын да каян килгән дип уйлыйсыз? Әйе, әйе безнең кесәдән. Безне, хезмәт кешесен талыйлар угрылар. Моның ише мисалларның исәбе-саны юк. Хәтта Россия эстрадасындагы атаклы җырчыларыбыз да алардан калышмый. Тагын бер мисал гына китерәм дә... Россиянең беренче вице-премьерының хатыны О. Шувалова: «Үзебезнең самолетта этләребезне халыкара дәрәҗәдәге күргәзмәләләргә йөртәбез. Россия данын яклыйбыз», – дип гаҗәпкә калдыра. Дөресен әйткәндә, этләргә түгел, әле безгә дә самолет тәтеми. Чөнки кесә такыр.

Танышымның сөйләгәне хәтердән чыкмый. «Пенсия акчасы алдым да, кибеткә барып бөтен тәмле әйберләрне алып кайтып, балаларыма өстәл кордым. И-и, рәхәтләнеп, бер туйганчы ашадылар. Оныгым: «Дәү әнием, байларча утырабыз, әйеме?!» – дигән була ди. «Шулкадәр нәрсәләр алган идең соң?» – дип кызыксынам. «Тәмле булкалар, сөт-май, колбаса ише әйберләр инде, үзең беләсең, безнең өчен шунысы да байларча...» 

Безнең өчен шунысы да байларча. Артыгына акча юк. Кая ул көн саен гардероб алыштыру?! Елына бер-ике кием алыштырсаң, шунысына да бәхетле без.

Шәһәр урамнарында хәер сорашып утыручы әбиләр янында еш тукталам, аз гына булса акча салып китәм, сөйләштерәм. «Ун мең пенсиягә ничек яшисең, балам?» – диләр алар. Тормышлар елдан-ел катлаулана. Хезмәт хаклары артмаса да, кибетләрдә бәяләр артканнан-арта. Әбиләргә генә түгел, тир түгеп, тиеннәр эшләп алган хезмәт кешесенә дә яшәүләре яман. «Бөтен акчам фатир өчен түләүгә, даруга китеп бара. Ходай сөт белән ипидән, бәрәңгедән аермасын». Кем белән генә сөйләшмим, шуның ише сүзләрне ишетәм. Шулай шул, пенсионерларга гына түгел, күп балалы гаиләләргә дә, балаларын ялгыз үстерүче әниләргә дә, эш таба алмый урамда каңгырып йөрүче яшьләргә дә бик авыр. Шәһәрдән авылга күчеп китүчеләргә бер дә гаҗәпләнәсе түгел. Хет анда җир алырга, шул җирдә тырышкан кешегә нидер үстерергә, кош-кортын үрчетергә, мал-туарын карарга була. Бәлкем, бөлгенлеккә төшеп, хәерчелеккә чыгудан котылуның бер юлы шушыдыр. Юк, мин барыгыз да авылга китегез, дип, берегезне дә өндәмим. Кеше бу фикергә үзе килмәсә, берни дә майтарып булмаячак. 

Ил байларга һәм ярлыларга бүленде. Уртача хәлле дигәне дә, дөресен әйткәндә, хәерчелек чигендә. Бу хәлләрне илдәге кризиска сылтыйлар. Нинди кризис ул?! Байларга гади халыкны тагын да ныграк сыгу өчен сылтау гына түгелме икән ул? Яшиләр бит әнә: үз самолетлары, миллиардлаган акчалары, чит илләрдә өчәр-дүртәр виллалары...  Ә халыкны һаман билләрен кысыбрак буарга чакыралар. Өзелеп чыкмагае... Кинәт кенә баеп китүчеләрнең нәрсә исәбенә кояш елмаюын беләбез: бюджетны имәләр, башкача берничек тә түгел, ягъни янә сезнең һәм безнең акчаларны суыралар, гади халык кесәсен талыйлар...

Тиздән Дәүләт Думасына сайлаулар. Татарстаннан без халык илчеләре итеп, мохтаҗларга хезмәт итәргә әзер торучыларның иң булдыклы, иң зирәкләрен сайлаячакбыз. Тормышларпыбызның имин-тыныч, мул булырына ышанып-өметләнеп, ихлас күңелләребездән тавыш бирәчәкбез.  Әлегә бит алар ышанычыбызны аклый килделәр.    
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3132
    5
    121
  • Сихерләнгән йөзек Лилиананы бүлмә уртасындагы урындыкка утыртты Һаҗәр апа. Үзе, уң кулын кызның башына куеп, дога укый башлады. Биш минут чамасы үтте бугай. Шул вакытта кеше ышанмаслык хәл булды...
    10641
    5
    103
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10180
    5
    67
  • «Бүтән әнием юк...» – Әнием Картлар йортында минем...
    8748
    11
    61
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    5446
    0
    57
Реклама
Соңгы комментарийлар
  • 26 ноябрь 2021 - 08:49
    Без имени
    Элбэттэ, мондый очракта хатын-кыз бик авыр хэлгэ юлыга. Кунакларны хезмәтләндерү хатын-кызга тошэ, эзерлэу, юу, якты йөз курсэту. Ботен кеше дә алай булдырылмый. Монда аңлашу юлын эзләргә кирэк. Болай хисләренә ирек биргәндә, узенне алама кеше итеп курсэтергэ момкинсен. Мондый очракта ир кеше дә башын эшлэтергэ тиеш. Кэусэр
    Иремнең туганнары...
  • 24 ноябрь 2021 - 17:17
    Без имени
    Безнен авылга мед училишаны бетереп яшь фельдшер килде каядыр бер 60 елларда.Без элдя балаларгына идек Узе урыс идеТося апа дия идек. Гомере буе эшляде ,кон или тон дими иде.Безнен авылда иргядя чыкты ике баласыда булды. Бик матур тормош иттеляр.Тося апа бик яхшыкеше..Бик куплярне улемнян коткарды эчудян калдырды.Эле инде анарга каядыр 86 яшендя ул.Тагын сауляклы бяхетле аллахы умер бирсену узеня.Без аны эледя яратабыз и хормят итябез.А
    Кайтаваз
  • 24 ноябрь 2021 - 13:13
    Без имени
    🙏👍
    Кышкы былбыллар. № 2.
  • 24 ноябрь 2021 - 12:42
    Без имени
    Баланы ирга алыштырган хатыннарны бер кайчан да анламаячакмын. Ничек итеп уз баланны шул хатле мескен итарга була? Ани кеше баланы ботен жил-давылдан сакларга.якларга тиеш. А ул узен гена уйлый. А Разия исемле кеше узе укытучы булып эшлаган. А узе шундый усал.кешелексез кеше. Ул мина калса лаеклы тугел укытучы исемен йеретерга. Ничек ул балаларга акыл бирган? Исем кита
    Канатсыз кош баласы
  • 24 ноябрь 2021 - 18:07
    Без имени
    Нэсимэ апа бик акыллы яхшы кунелле иде. Урыны жэннэттэ булсын.
    Син янымда булган чакта гына...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан