​ Без белмәгән эроген зоналар

Яраткан кешеңнең тәнен биш бармагың кебек белү шәп, әлбәттә. Шуңа бер-береңне өйрәнү бик мөһим. Аның тәнендә башыгызга да китермәгән сизгер нокталарын табарга мөмкинсез. Бәлки безнең исемлек тә ярдәм итәр. Шунысын да әйтергә кирәк: алар ир-ат, хатын-кызлар өчен дә актуаль зоналар.  

1. Ирен контуры  

Битегездә ләззәт бирә торган урын кайда урнашкан? Әлбәттә, ирен тирәсендәге юка тире астында. Әлеге зонада бик күп нерв очлары урнашкан. Ләкин үбешкән вакытта игътибарны күбрәк иреннәргә бирәбез. Контур карандаш белән сызган кебек, тел очыгыз белән ирен тирәгезне йөртеп чыгыгыз әле, җиңелчә генә чәнчешү сизәрсез, хәтта кытыгыгыз килер. Менә шундый трюк ясап карагыз: яраткан кешегезне гадәттәгечә үбегез дә, телегез белән өске ирен контуры буенча йөртеп алыгыз. Тагын үбегез һәм аскы иреннәр кырыена да игътибар бирегез. Аның тиз арада «янып» киткәнен үзегез дә сизәрсез.  

2. Ян сукмак  

Күкрәк куышлыгының аскы өлешендәге ян-яклардан ботка кадәр көчле нерв төеннәре урнашкан. Аларны стимуллаштыру җенес әгъзаларында рәхәт тойгыларга китерә. Әлеге зоналарга тию ир-атларда да, хатын-кызларда да рефлектор рәвештә очагы сөягендәге мускулларга тәэсир итә. Ул исә дәрт кузгалуга китерә. Ләкин сак булыгыз: ул зона кытыклауга да бик сизгер. Шуңа күрә сизелер-сизелмәс итеп кенә кагылу ярамас. Әкрен генә сыйпарга кирәк. Аны үбү белән чиратлаштырсагыз тагын да яхшырак. Болай иркәләү икеләтә отышлы: беренчедән, бик рәхәт, икенчедән, кирәкле мускулларга киеренкелек тудыру, оргазмны төсләргә баета.  

3. Койрык сөяге ( умырткалыкның түбәнге өлеше) 

Койрыкны хәтерләткән әлеге яралгы нерв очларына бик бай. Аннан иң күп файда алу өчен бер-берегезгә эротик массаж ясагыз. Арка ууны калак сөяге тирәләреннән башлагыз. Бил буена җитәрәк йомшак кына итеп сыйпый башлагыз. Койрык сөяге тирәсендә бармак очларыгызны спираль буенча әкрен генә йөртегез. Бу урын шундый сизгер ки, бөтен тәнегез аша калтырау йөгерер. Шулай ук ул ноктаны чәчләр белән тидереп кытыкларга, тырнак очлары белән әкрен генә тиеп алырга да мөмкин.  

4. Боттагы тылсымлы нокталар 

Организмдагы иң сизгер нервларның берсе ботның өске өлешендәге эчке өслегендә урнашкан. Аны инде десертка калдырсаң, яхшырак. Ул зонада әкрен генә бармакларыгызны йөртегез. Яратканыгыз тартылып ала икән, димәк, кытыклауга сизгер булган ноктаны таптыгыз. Ул урынга игътибар күбрәк бирегез. Партнерыгыз сезнең әлеге зонаны назлый икән, шунда ук сулыш алуыгыз ешайганын тоярсыз. Сере бик гади: мондагы нерв очлары баш миенә канәгатьлек сигналлары җибәрә.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Әни мине яратмады... Без тирә-яктагылар өчен идеаль гаилә идек. Гаиләсен кайгырткан ир, бәхетле хатын, талантлы уллары, тыйнак кызлары. Әмма тормышта бөтенләй башкача булды. 
    7635
    0
    53
  •  Алиментка бирсәң...  Мине әнием тәрбияләп үстерде. Миңа 3 яшь булган вакытта, әти башка хатынга өйләнгән. Ничек кенә авыр булмасын, әни зарланмады, сыкранмады.
    3269
    3
    43
  • 4423
    2
    28
  • Ул чыннан да бәхетле Шикләнерлек берни дә юк иде. Элеккегә караганда ешрак ашыйсы килүенә дә аптырамады.  Сәрия элек тә тамаксау иде. Башкалар кебек тазарудан курыкмады. Алар нәселендә ашаганга карап артык авырлык җыю булганы юк иде әле. Киресенчә, аның тәненә бераз ит кундырасы килә. Чөнки ул үзе ябык: коры сөяктән генә торган кызлар да, үзе дә ошамый. Күлмәкләре тараеп киткәндәй булгач: «Яңа кием алырга җай чыкты», – дип сөенде.
    3464
    1
    25
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан