Нижгарның иң уңган ханымы кем ул?

Түбән Новгород өлкәсенең Сергач районы Кочка-Пожар авылында өлкә татар хатын-кызларының V җыены һәм IV «Нижгарбикә» бәйгесе булып узды. Аны РНКАТНО каршында эшләүче «Ак калфак» өлкә хатын-кызлар оешмасы (рәисе – Зилә ханым Әхмәдуллина), өлкәдә нәшер ителүче «Туган як» газетасы, Сергач районының мәдәният бүлеге, Кочко-Пожар авылының администрациясе һәм клубы хезмәткәрләре оештырган иде. 

Бу көн Кочко-Пожар өчен бәйрәмгә әйләнде. Авыл гөрләде! Ә клуб тирәсендәге машиналарны аралап үтәрлек түгел иде. Пандемия аркасында бер ел буе авыл клубында бернинди дә чара үтмәгән. Тансыклаганнар!
Җыенга йөзгә якын делегат килгән иде: Түбән Новгородның үзеннән, Дзержинск шәһәреннән, Сечен, Спас, Кызыл Октябрь, Пильна районнарыннан. Казаннан да кунаклар бар иде: язучы Зифа Кадырова, «Сөембикә» журналының баш мөхәррир урынбасары Гөлнур Сафиуллина, Татарстанның халык артисты Резеда Шәрәфиева, Татарстанның атказанган артисты Алина Шәрипҗанова. 
Җыенны Зилә ханым Әхмәдуллина ачты һәм сүзне өлкә татар автономиясе рәисе Рамил Салихҗановка бирде. Ул Җыенга килгән хатын-кызларга, телебезне, мәдәниятебезне, гореф-гадәтләрне, динне саклауда һәм үстерүдә керткән бәясез хезмәтләре өчен рәхмәтләрен җиткерде. «Ак калфак» оешмасы эшчәнлегенә дә тукталды. Алда торган зур чара – җанисәп алу вакытында да беренче чиратта хатын-кызларга таяначакларын әйтте.
 Сүз Казан кунакларына бирелде. Язучы Зифа Кадырова исеме нижгар татарларына да якыннан таныш – «Туган як» газетасы инде аның берничә әсәрен үз битләрендә бастырган. Язучы бу Җыенга газета редакторы Олег Әндәрҗановның шәхси чакыруы буенча килде. Халык каршында чыгыш ясаганда Зифа ханым һәрвакыттагыча ихлас булды.
Залда «Сөембикә» журналын укучылар да бар иде. Һәрхәлдә, «Сөембикә» – «Азат хатын» исеме бу яклар өчен ят түгел. Күпләр соңыннан да журнал белән бәйле истәлекләре белән уртаклаштылар. 
Ә аннан сәхнә түренә «Нижгарбикә» конкурсында катнашучылар күтәрелде. Ул быел да бу бәйгене оештыручыларның берсе, мәрхүм Эльвира Мусинаның истәлегенә багышланды. Бәйгегә исем табучы да Эльвира булган. 
Конкурста җиде ханым катнашты. 
Спас районыннан – китапханәче Адилә Нафеева һәм тегүче Әлфия Хөсәинова. 
Сечен районыннан – җирле элемтә бүлеге мөдире Зифа Җаббарова. (Ул яшәгән Красный Остров алар районында бердәнбер татар авылы икән.)
Пильна районыннан – җирле балалар бакчасы тәрбиячесе Эльвина ИМАТОВА (ул конкурсның иң яшь катнашучысы иде). 
Сергач районыннан – балалар һәм яшүсмерләр реабилитацион үзәгендә тәрбияче булып хезмәт итүче Галия Гришина.
Кызыл Октябрь районыннан – администрациянең өлкән белгече Ирина Бардина. 
Дзержинск шәһәреннән – эшмәкәр, җирле татар автономиясенең башкарма директоры Зөһрә Абдулина.
Ханымнар, иң беренче чиратта, осталыкта, уңганлыкта, булганлыкта ярышты. Үз чыгышларында нәсел шәҗәрәләрен дә күрсәтергә тиешләр иде. Яулыкны матур итеп бәйләү буенча аерым бирем булды. Аш-суга уңганлыкларына да бәя алдылар. Җыр-моңга сәләтләрен дә күрсәттеләр. 
Иң кызыгы, җиде ханымның берсе – Ирина Бардина – милләте буенча мордва. Әмма сәхнәдә ул башка ханымнардан берничек тә аерылмады.
– Ирем татар минем, – дип сөйләде Ирина. – Ике бала үстерәбез. Икесенә дә татар исемнәре куштык. Берсе – Ренат, икенчесе – Рамил. Ирем татар була торып, мин аларга Ваня яки Паша дип куша алмыйм бит... Гаиләдә татар гореф-гадәтләрен саклап яшибез. Дөрес, мин татар телен кияүгә чыкканчы да белә идем. Безнең Уразавыл – катнаш авыл. Мәктәптә классташлар белән гел татарча сөйләшә идек. Өйдә хәзер дә татарча гына аралашабыз. Әмма малайлар мин татарча дәшкәнгә күбрәк русча җавап бирә хәзер. Анысы инде бөтенебезнең авырткан җире... Олы улыбыз рус кызын алды. Бәби көтәләр. Исемне сайлап куйдылар инде – татар исеме кушарга җыеналар... Кайнанам әле исән, 94 яшьтә. Гомер буе аралашып, бер-беребезгә барышып яшәдек... 
«Нижгарбикә-2021» исеменә Галия Гришина лаек дип табылды. Мәрхүм Эльвираның гаиләсе исеменнән махсус бүләк – «Нижгарбикә» калфагын аңа Эльвираның кызы Галия һәм ире Ибраһим Мусиннар тапшырды.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    12423
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    11565
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9394
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    8720
    1
    54
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4284
    0
    49
Реклама
Соңгы комментарийлар
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
  • 10 август 2022 - 11:06
    Без имени
    Тизрэк аерып алып кайтыгыз, тазалыгын, я ботенлэй узен бетерэ ул юньсез
    Кияү кызыбызны кыйный?
  • 10 август 2022 - 10:28
    Без имени
    ДАУАМЫН КӨТӘРГӘ ҠАЛДЫ.
     Гомерем усал кайнана, исерек ир белән үтте 5
  • 11 август 2022 - 13:57
    Без имени
    Гүзәл, син үзең дә бик гади, булган кеше. Гаилә иминлеге, матур киләчәк Сезгә!
    «Иреңнең әнисен ярат!»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда