Кирәкмәгән кершәнне һәм кремны нишләтергә?

 

Һәр хатын-кызда исе, төсе ошамый яисә туры килми торган крем, кершән ише косметика булмый калмый. Кызыгып алабыз да, аннары нишләтергә белми аптырыйбыз. Ташларга да кызганыч. Хәер, ташларга ашыкмагыз. Аларны көнкүрештә дә кулланып була бит.

Тоник. Күпчелек тоникларның составында спирт бар. Димәк, ул – бер дигән антисептик. Шулай ук аның белән телефон экранын яки компьютер клавиатурасын да чистартырга була. Тоник андагы бактерияләрне үтерә.

Косметик май. Күгәрми торган корычтан эшләнгән кулъюгычны чистарту өчен бара. Чүпрәккә бер тамчы косметик май тамызыгыз да кулъюгычны яхшылап сөртегез, соңыннан май калдыкларын кәгазь салфетка белән сөртеп алыгыз. Бу хәйләкәр ысулны кибетләрдә дә кулланалар: кулъюгычлар ялтырап торсын өчен, аны косметик май белән сөртеп чыгалар.

Үтәкүренмәле лак. Тырнак лагы яхшы җилем дә әле ул – кечкенә детальләрне ябыштыру өчен ярый. Мәсәлән, яраткан күзлегегез сынып чыкса, аны лак ярдәмендә ябыштырырга мөмкин. Шулай ук йорт җиһазларының кыршылган урынына да үтәкүренмәле лак тидерәләр – ул кыршылган эзне каплый, ялтыратып җибәрә.

Кершән. Составында минераль тозлар булган кершән дымны сеңдерә. Спорт залына барыр алдыннан тәннең тирли торган җирләренә – култык астына, кулның терсәктән бөгелгән өлешенә, уч төпләренә кершән тидереп чыгыгыз, соңыннан ул төшләр әчетмәс өчен кирәк бу. Тарала торган кершән коры шампуньне алыштыра. Чәч тамырларына бераз гына кершән тидерегез. Ул баштагы майны үзенә сеңдерә. Бераз тоткач, башны аска иеп, чәчләрне яхшылап (кершәне коелып бетәрлек итеп) тарагыз.

Лак бетерү сыеклыгы. Аның составында ацетон бар, ә ул тапларны бетерү өчен әйбәт. Бармагыгызга җилем тиеп, ул катып калса, аңа лак бетерү сыеклыгы тидерегез һәм 30 секунд тотканнан соң сөртеп алыгыз. Кафельне чистартырга теләсәгез, җылы суга лак бетерә торган сыеклыкны кушып, шул су белән юыгыз.

Крем. Сезгә туры килмәгән кремны күннән эшләнгән әйберләрегез һичшиксез яратачак. Сумка яки аяк киемен яңартып җибәрү өчен аңа тән тиресенә тидерә торган кремны тидерү дә җитә. Кышкы аяк киемен шкафка алып куяр алдыннан шулай ук крем тидерергә мөмкин.

Ирен бальзамы. Күбесенең нигезе – вазелин, ә ул йомшарта һәм дымландыра. Икеләнә торган чәч бөртекләренең очына ирен бальзамын тидереп карагыз – нәтиҗәсе сезне сөендерер. Бальзамны шулай ук шыгырдый торган ишек тупсасына да тидерергә мөмкин – ишек җиңел ачыла башлаячак.

Чәчкә сиптерә торган лак. Киемне йон, чәч бөртекләреннән чистарту өчен, сөлгегә куп итеп чәч лагы сиптерегез һәм шуның белән киемне яхшылап сөртеп чыгыгыз. Йон, чәч бөртекләре коелачак. Шарларга чәч лагы сиптерсәгез, алар шартламыйча озаграк торачак, өстенә тузан да кунмаячак.

Скраб. Аның составында каты кисәкчекләр була. Бакчада эшләп кергәннән соң кулыгызны скраб белән ышкысагыз, ул катып калган балчыктан бик тиз чистартыр.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11372
    5
    142
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6990
    1
    92
  • 7960
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9005
    1
    50
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...