Битне чистартканда 5 хата

 Безнең бит тиресе  һәркөнне  бик күп төрле токсиннар  белән очраша: урамда йөргәндә, ашарга әзерләгәндә, тәмәке тарткан кеше янында басып торганда... Шуңа күрә дә аны җиренә җиткереп  чистарту зарур.  

Беренче хата 

Бит тиресен мицелляр су белән генә чистарту 

 Битне тулысынча чистарту өчен көн саен өч төрле косметологик чара куллану зарур. Мицелляр су макияждан, токсиннардан арындыра. Бит юуу өчен гель тирене тагын да яхшырак чистарта, сафландыра. Ә тониктагы үлән суындагы антиоксидантлар  эпидермисның өске катламына үтеп кергән ирекле радикалларны үзара бәйләп чыгара. Болай эшләгәндә сөрткән кремның тәэсире арта.  

Икенче хата 

 Битне көнгә бер тапкыр гына юуу 

 Бит тиресен  иртән дә, кичен дә чистартырга кирәк.  Иртән  төнге крем калдыкларын юып алу өчен гель, тоник куллану мөһим. Кичен  югарыда язылган өч этаплы чистарту комплексы уздыру мөһим. Кичен бу процедураларга бармак аша гына карасаң,  иртәнгә бит  тоныклана, бетчәләр чыга,  картаю билгеләре күренә башлый.  

Өченче хата 

Биткә туры килмәгән чаралар куллану 

Чистарту чараларын да крем кебек үк бит тиресе тибына карап сайларга кирәк. Нормаль типка  теләсә нинди  чистарту чарасы килешә.  Коры тирегә  крем рәвешендәгесе генә туры килә.  

Дүртенче хата 

 Кайнар яки салкын су белән юыну 

Кайнар су тиренең мөгез катламындагы  липидларны юа, бу исә тирене корыта, купшаклата. Ә бик салкын су кан тамырлары спазмына китерергә мөмкин. Нәтиҗәдә тиренең эчтән туклануы бозыла.  Салкын белән кайнар суны чиратлаштырып юуу  капилляр челтәрләр барлыкка китерергә мөмкин. Шуңа күрә косметологлар җылымса су белән юынырга киңәш итә. 

Бишенче хата 

 Битне сөлге белән  сөртү 

Битне юганнан соң, аны сөлге белән каты итеп сөртү зыянлы. Тире тартылып, вакытыннан алда салынып төшәргә мөмкин. Тонусын саклар өчен  биткә сөлгене тидереп-тидереп алу шарт. Калган су тамчылары табигый рәвештә кибеп бетсә яхшырак.   

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4621
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13230
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2867
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11452
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13875
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда