Гүзәлем белән Салават ничек танышкан?

Артистлар арасында матур итеп яулык бәйләүне кертеп җибәргән Гүзәлем белән Салават Миңнехановлар гаиләсендә бәйрәм. Алар агач туйларын бәйрәм итә – никахланышуларына 5 ел. 


Аларга, ничек таныштыгыз, дигән сорауны бирү урынсыз. Чөнки алар икесе дә Азнакайныкы һәм икесе турында да сәхнәдә үскән дип әйтеп була. Аларны чын мәгънәсендә сәхнә таныштырган. Әле күптән түгел генә бу матур пар редакциябезнең кунагы булып, уй-фикерләре, иҗади планнары белән уртаклашкан иде. «Сөембикә»нең июль санында алар катнашында узган мастер-класс та басылып чыкты.



Танышуларына килгәндә, ул тарихны безгә Гүзәлем үзе сөйләде.

– Мин 3 класста укыганда, Салават сәхнәдә иде инде. Без аны Салават абый дип йөрттек, чөнки ул миннән 13 яшькә олырак.


Миңа 12-13 яшьләр булганда, Салават бер төркем артист белән кайтып, Азнакайның Боз Сараенда концерт куйды. Араларында яраткан җырчым Гүзәл Уразова да бар. Концерттан соң яраткан артистыма чәчәк бүләк итәргә дип, сәхнә артына кердем. Шунда барыбыз бергә фотога төштек. Ул фото миндә әле дә саклана.



Институтны тәмамлагач, мин Азнакайның мәдәният идарәсенә методист булып эшкә кайттым. Салават үзе дә бу вакытта Азнакайда иде. Ләкин без аның белән Азнакайда түгел, Әлмәттә күрештек. «Нефтьче» Мәдәният йортының сәхнә артында.



«Йөзегез бик таныш», – ди Салават. «Салават абый, мин дә Азнакайдан бит», – дим. Безнең дуслык әнә шулай башланды.

Аннары ул кабат Казанга китте, мине дә үзе белән чакырды. Бөтенләй үк Казанга күченмәсәм дә, ул оештырган чараларда чыгышлар ясый идем. Әни белән Салават кайчандыр бергә эшләгәннәр. Гаиләләребез дә таныш. Хәер, безнең төбәктә аларны, бигрәк тә әниләрен белмәгән кеше юк.

Әнә шулай башланган дуслыгыбыздан мәхәббәт кабынды. Салаватның тәкъдименә әти-әниләрем дә каршы килмәде. Абруйлы, төпле нәсел баласы, иманлы, итәгатьле булуы белән аларның күңелләрен күптән яулаган иде инде ул.
 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
  • 6969
    9
    224
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    7536
    7
    178
  • 7598
    5
    130
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    7619
    6
    118
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    6305
    0
    98
Соңгы комментарийлар
  • 25 гыйнвар 2020 - 04:57
    Без имени
    Йөрәкне актара торган хикәя бер сулуда укып чыктым👍
    ​Инә
  • 25 гыйнвар 2020 - 04:57
    Без имени
    Бу гаилэгэ бэхетле тормыш телим
    Ике туй – бер ир
  • 25 гыйнвар 2020 - 04:57
    Без имени
    Хикэйэне укыным бик матур эйтелгэн, азагыла матур боткэн. Мин уземден язмышымды уйлап уйга калдым. Беззе улем айырзы, юкхыныу косло.
    Ике туй – бер ир
  • 25 гыйнвар 2020 - 04:57
    Без имени
    Барсына да кайнана гаепле.фануза.
    Гафу итәргәме?
  • 25 гыйнвар 2020 - 04:57
    Лилия Гараева
    Хәерле көннәр! Хикәя язу өчен берәр язучы белән танышасым килә, дигән автор, сезгә бу мәсьәлә буенча «Казан утлары» журналына мөрәҗәгать итү урынлырак булыр кебек. Язучылар союзы да гозерегезне кире какмастыр.
    Гаиләме, карьерамы? 
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...