«Үдебеднең» Әлфия апа иде ул...

Кайгылы хәбәр үзәкләрне өзеп, күңелне елатты: Әлфия апа Афзалова арабыздан киткән... Халкыбызның бөек җырчысы, гаҗәеп шәхес, ихлас һәм ягымлы, шаян һәм тиктормас, кемгә дә үз кеше була алган Әлфия апабыз... 
Минем өчен ул аеруча якын һәм кадерле. Әлфия апа безнеке, Актанышныкы да бит әле! Якташларын әллә каян танып, үз итеп, «үдебеднекеләр» дип, «апаем» дип, бары ул гына әйтә иде! Кышын да, җәен дә автобуста бергәләп җырлашып Актанышка кайткан чаклар булды. 4-5 сәгатьлек юлда мәзәк сүзләр сөйләп көлдереп тә, уртак танышларны сагынып искә төшереп тә, җырлары белән иркәләп тә, гел үзенә каратып кайтыр иде... Озын юллар аның белән кыска тоелыр иде... Актанышы сәхнәсеннән һич ялындырып тормыйча җырлар иде...
«Кайтам инде», «Актаныш таңнары», «Актаныш басмалары», «Сөясеңме дип ник сорыйсың?», «Яшь гомер», «Сагыну» җырлары... Күп, бик күп алар! Кылт итеп искә төшкәннәре генә болары...
...«Быелгы Сабантуйга, их, Әлфия апа да кайтса иде Актанышка!» – дип, никтер җәй башында ук күңел әллә нишләп кубарылып, җан, үзенә урын табалмыйча, бәргәләнеп куйган иде. Шушы тетрәнгеч хәбәргә булган икән...
Агыйдел әрәмәләре, Актаныш басмалары, Әлем тугайлары өстеннән Әлфия апа тавышы, Әлфия апа җырлары ишетеләдер кебек: «Сагындым авылымны, кайчан кайтырмын икән?..» «Юанычым, таянычым, талчыгып кайтыр төшем», дип җырлаган изге туфрагы бүген ямансулап, сагынып Әлфиясен юксынадыр.
Бөтен Казан, бөтен Татарстан, бөтен татар халкы Әлфиясен – яраткан кызын, моңлы сандугачын, зур талантын – соңгы юлга озата.
Җырларыбыз синсез адашып, ятим калган төсле... Моңсу. Авыр...

 Хуш, Әлфия апа! Урының оҗмахта булсын! 
   

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4621
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13232
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2868
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11456
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13879
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда