Үзизоляция вакытында ир-ат үз янәшәсендә нинди хатын-кызны күрергә тели? Уенын-чынын кушып

Хатын-кызга таләпләр башка вакытта да гел югары инде аңа. Ә хәзер – бигрәк тә. Гаиләне бу шартларда саклап калу – бары аның кулыннан гына киләчәк. Язып торалар: карантин тәмамлангач, Кытайда күпләр иң беренче эш итеп аерылышу турында гариза илткән диләр. 
Шулай итеп башлыйбыз. Үз-үзебезне өйгә бикләргә мәҗбүр булган бу көннәрдә  ир-ат үзе янында нинди хатын-кызны күрергә тели? 

1. Әйбәт холыклы булсын
Мондый шартларда – көннәр генә түгел, атналар буе бергә булганда, бер түбә астыннан чыкмаганда хатын-кызның буй-сыны, йөз-кыяфәте идеаль булмавы да артык мөһим түгел шул. Иң беренче урынга башка сыйфатлар чыга: компромиска бара белсен, юк өчен тавыш чыгармасын, бәхәсләшеп теңкәгә тимәсен – үз сүзен сүз итмәсен.

2. Акча эшли белсен
Бу хәлләргә кадәр: «Андыйларга ир-ат кирәк тә түгел бит», – дип мондый хатын-кыздан бераз өркәләр иде Ә кризис вакытында хатын-кызның мөстәкыйльлеге хуплана гына. Проблемалар килеп тугач, «Нишлибез?» – дип ирнең күзенә мөлдерәп карап утырмасын ул, ситуациядән чыгу юлларын үзе дә таба белсен. 
 
3. Рухи яктан иргә бәйле булмасын
Үз-үзенә шөгыль таба белсен. «Әйдә, бергә кино карыйк», – дип артыңнан йөрмәсен, «Син мине һаман да яратасыңмы?» – дип минут саен сорау биреп аптыратмасын. Яраткан шөгеле яки берәр хоббие булган хатын-кыз үз күңелен ничек күтәрергә икән яхшы белә – иренә беркайчан бәйләнмәячәк. 

4. Хисләренә хуҗа булсын
Паникага бирелмәсен, атна буе авыз салындырып йөрмәсен, өйдә бикләнеп ятарга мәҗбүр булган өчен бөтен дөньяга үпкәләмәсен, ул үпкәсен сезгә чыгармасын. Адым саен зарланмый гына сабыр итсен. 

5. Ярата һәм яраттыра белсен
Хатыннарына бары тик яратып кына өйләнгән ирләр бәхетле хәзер. Хатын-кыз никадәр генә сиңа ярарга тырышса да – өйне тәртиптә тотса да, носкиеңны теләсә кайда салып калдырганың өчен битәрләп тормаса да, тәмледән тәмле ризыклар пешереп сыйласа да, әгәр аны яратмыйсың икән, дүрт стена эчендә озак бергә яшәп булмаячак: һәр сүзе, һәр эше ачуыңны чыгара башлаячак.


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    11877
    4
    110
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    11379
    4
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9258
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    8576
    1
    51
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4078
    0
    48
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда