Гаиләдә тавыш чыкмасын өчен нишләргә кирәк? Гап-гади 4 киңәш  

 

 

 Тормыш булгач, савыт-саба шалтырамый тормый инде ул анысы. Моны барыбыз да беләбез. Әмма аерма шунда гына: кемнәрдәдер ул савыт-саба көн саен шалтырый, һәм тавышы бик еракларга барып ишетелә. Ә икенчеләрдә чыңлап кына куя... Кызганыч, ир белән хатын арасында тавыш чыгарга кайчак кечкенә генә сәбәп тә җитә. Шул кечкенә сәбәпне ничек итеп вакытында туктатып калырга, зурга җибәрмәскә соң? Моны эшләү мөмкинме икән? 

Ә нигә мөмкин булмасын ди?! Тырышканда, моңа ирешеп булачак. Әмма икеңнең дә  – ирнең дә, хатынның да теләге һәм күпмедер көч куюы гына кирәк. Әйе, сезгә тәкъдим иткән бу киңәшләр, чынлап та, бик гади. Аларны белмәгән, ишетмәгән кеше дә юктыр. Әмма кабат искә төшерү берәүгә дә комачау итмәс. Укыгыз һәм тормышта шул кагыйдәләр буенча яшәргә тырышыгыз.   

 
Ир белән хатын бер-берсенә ышанырга тиеш. 

Гаиләдә ир белән хатын арасында бернинди дә сер булырга тиеш түгел. Бер-береңә сөйләмәгән серләрең, әйтеп бетермәгән сүзләрең була икән, бу кайчан да булса ике арада аңлашылмаучанлык тууга, бәхәс чыгуга, аралар суынуга китерергә бик мөмкин.  

Бер-берең белән барлык темаларга да ачыктан-ачык сөйләшергә өйрәнегез. Ә моңа якын дусларга әйләнгәндә генә ирешеп була. Яныңдагы хәләлеңнән уйларыңны, борчуларыңны яшерергә гадәтләнмәгез. Көн дәвамында ниләр булган – барысын да сөйләгез, уртаклашыгыз. Ихлас булудан курыкмагыз. Сез ничек булсагыз – ул да шулай җавап бирер.   

 

 
Бер-берегезгә юл куя белергә тырышыгыз. 

Акыллырак булыгыз: конфликтлы ситуация килеп туганда, моны эшләү бик авыр булса да, дәшми калырга тырышыгыз. Якын кешегез, яраткан кешегез хакына кайчакта юл куя, нәрсәдәндер баш та тарта белегез. Үзегез хәтта хаклы булганда да гафу сорарга көч табыгыз. Бу очракта сез гауганы зурга җибәрүдән генә туктатып калмыйсыз, үзегезнең никадәр көчле кеше икәнегезне дә күрсәтәсез. Өстәвенә, тормыш юлдашыгыз каршында ихтирам, хөрмәт яулауның бер юлы да әле бу.  

 

 
Бер-берегезне һәрвакыт гафу итегез.  

Гафу итү – бар начар нәрсәне дә оныту дигән сүз ул. Гаиләдә яхшы мөнәсәбәтләр моннан башка корыла алмый. Ирегезнең (хатыныгызның) соңгы вакытта сезгә карата эшләгән аерым бер начарлыгын гына түгел, гомер буе кылган барлык начарлыкларын гафу итү турында сүз бара монда. 

 

 
Бер-берегезнең үткәндәге ялгышларын гел искә төшереп тормагыз. 
Һәм, әлбәттә, бер-берегезне яратыгыз. Ике арада чын ярату, чын хисләр булганда гына барлык сынауларны да кичеп чыгарга мөмкин.  

 

 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
  • 7983
    10
    249
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    8423
    9
    198
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    8409
    6
    129
  • Ике туй – бер ир «Ике тапкыр кияүгә чыгарсың», – диде миңа чегән хатыны. Күзләремә яшь килде...
    7276
    3
    111
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    6960
    0
    106
Соңгы комментарийлар
  • 29 гыйнвар 2020 - 09:03
    Без имени
    Зур рәхмәт Сезгә матур фикерләрегез өчен! Быел сабакташлар белән очрашуга кайткач, "ияреп" килгән хикәяләремнең берсе. "Сынау", "Рәнҗеш" дигән хикәяләремнең дә сюжетлары шушы очрашу мизгелләрендә туды. Алар "Сөембкә" сайтында басылдылар. Укучыларым белән бәйләнештә тоткан өчен "Сөембикә" кызларына олы рәхмәтләремне белдерәсем, сәламәтлек, иҗат уңышлары теләсем килә. Үрнәк булырлык та, сабак бирерлек тә, файдалы һәм кирәк язмалары белән "Сөембикә" алдагы көннәрдә дә барыбызны да куандыоып торсын! Люция Әблиева
    Кайтаваз
  • 29 гыйнвар 2020 - 10:19
    Без имени
    Әйе, сүзне әйткәнче уйларга кирәк тә, кайчак авыздан чыгып оча шул! "Каргышның тиешлесе дә уртак төшә" дия иде әнием. Шуңа күрә каргау түгел рәнҗергә дә куркам, Алла сакласын каргыш- рәнҗешләрдән. Бик гыйбрәтле язма, рәхмәт, ошады.
    ​Каргыш – каргыштан аерыла
  • 29 гыйнвар 2020 - 12:34
    Без имени
    Гыйбрәт!!! Аллам сакласын дияргә генә кала монда. Рәхмәт, уйландыра торган, тәрбияви , тирән эчтәлекле.
    Кичерү
  • 28 гыйнвар 2020 - 19:42
    Без имени
    Юк, хозай курхэтмэсен, ошондай азымга этэргэн Ир менэн бер кондэ тормас инем...
    ​Ачы көнбагыш
  • 29 гыйнвар 2020 - 03:22
    Без имени
    Бик матур язма! Дорес язылган.Узе сайлаган хонэргэ гомер буе тугры булган,яратып башкарган ,ярдэмгэ килергэ хэрвакыт эзер булган медицина кешелэренэ дан!!! Мин дэ язмадагы Рэшидэ гэ ошаган фельдшерны белэм.40 елдан артык бер авылда яшэп,эшлэп тирэ-яктагы 6 авылга медицина ярдэме курсэтуче Зилэ Кинзяшева хакында язасым килде.Зилэ узе Башкортостаннын Авыргазы районында туып ускэн.Кырмыскалы районынын Тансаит авылына медучилищены беткэч эшкэ жибэрелэ 1978 елда .шул елдан башлап элеге конгэ кадэр , пенсиядэ булуына карамастан,Зилэбез хэрбер ярдэмгэ мохтаж кешегэ медицина хезмэте курсэтэ.КЕМ.кайсы авылда,жэйме,кышмы ,буран,янгырмы -йогереп ярдэмгэ килэ. Шулай ук ул узенен тормышында кешелэр конлэшерлек итеп алып бара.Тормыш иптэше Анур белэн якты матур йорт салып кереп ике эзмэвердэй егет устереп ,аларны ойлэндереп ,оныкларына шатланып яшилэр.Зилэбез авылда гына тугел район кулэмендэ хормэтле кеше. Чын кунелемнэн килэчэктэ дэ аларга исэнлек саулык белэн озын гомер,шатлык телим!
    Кайтаваз
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...