Айның беренче атнасы ниятләрне чынга ашыру өчен уңай вакыт. Бик тә перспективалы ай. Мөһим карарларны да ай башында кабул итәргә тырышыгыз. Айның икенче яртысында кичектергесез эшләр килеп чыгарга мөмкин, зәер торыгыз.
Чып-чынлап тылсымлы ай булыр бу сезнең өчен. Нәрсә турында хыяллансагыз да, тормышка ашар. Шулай да бик үк иркенәеп китәргә ярамас. Эштә киеренкелек булуы ихтимал. Ел ахыры бит, барысына да өлгерергә кирәк.
Рухи киеренкелеккә, ыгы-зыгыларга әзер торыгыз. Үзегезне вулкан өстендә яшәгәндәй хис итәрсез. Шулай да йолдызбагарлар артыгын тынгысызланмаска куша. Тыныч булсагыз, күп кенә проблемалар бөтенләй дә көлке кебек кенә күренер.
Шикле гамәлләрдән, бәхәсләрдән сакланыгыз. Әгәр дә үзегезгә игътибар итүләренә өметләнәсез икән, ул фәкать сезнең тырыш хезмәтегез өчен генә булырга мөмкин. Ел ахырында ниндидер бер кызыклы кеше белән очрашырсыз.
Бер яктан көчегезнең артуын тоярсыз, икенче яктан, эшләрегез гел бер урында таптанган кебек тоелыр. Сезнең белән кызыксынучылар бар, шуңа күрә гел формада булырга тырышыгыз. Ниндидер бер мөһим мәгълүматны белми калуыгыз ихтимал, игътибарлырак булыгыз.
Тормыш шартларыгызны яхшырту белән мәшһүр булырсыз. Планнар кору өчен яхшы вакыт. Ел башыннан ияреп килгән проблемалар җиңел генә хәл ителерләр. Ансат юл белән генә акча табу форсаты килеп чыгар.
Тормышта үзләрен актив тотучылар өчен яңа капкалар ачылачак. Куйган максатларга бару юлы аерым ачык күренер. Хезмәт баскычында үсү ихтималы бар. Ерак сәфәрләргә чыкмый торыгыз.
Сүзе үтә торган танышларыгызның ярдәмен тоярсыз. Эштә дә үзегезне күрсәтү өчен яхшы форсат чыгачак. Дәрәҗәлерәк вазыйфага күчерүләре ихтимал. Тормышка аек күз белән карагыз, буш хыяллар корудан туктагыз.
Гел читкә куя килгән эшләрне төгәлләми булмас. Күмәк башкарыла торган эшләрдә катнашмый торыгыз. Түрәләр һәм җитәкчеләр белән очрашу өчен дә кулай вакыт түгел. Ә менә көнкүреш мәсьәләләре бик җайлы хәл ителер.
Кәҗәмөгез
Елны тыныч кына төгәлләрсез. Әлегә зур вакыйгалар көтелми. Көчегезне бушка сарыф итүдән сакланыгыз, кирәге шуның кадәр генә кешеләр белән аралашмаска тырышыгыз. Ай ахырында оптимизмыгыз артачак
Күңелле вакыйгаларга, кызыклы очрашуларга бай ай. Яхшы хәбәр ишеттерерләр. Тормышыгызда яхшы үзгәрешләр булуы ихтимал. Яңа эшләр башлап җибәрсәгез, отарсыз. Хезмәттәшләрегез алдында дәрәҗәгез артыр.
Ирешкән дәрәҗәгезне саклау өчен нык кына тырышырга кирәк булыр. Теләкләрегезне мөмкинлекләрегез белән тәңгәлләштерсәгез, эшләрегез майлаган кебек барыр. Шулай да мөһим эшләрне ай ахырына калдырмагыз.
фото: http://pixabay.com
Следите за самым важным и интересным в Telegram-каналеТатмедиа
Комментарий юк