Февраль, 2016

Кучкар.


Эшләгән эшләрегезнең нәтиҗәсен күрерсез. Ләкин моның өчен шактый тырышырга туры килер. Көтелмәгән хәлләргә дә әзер торыгыз. Эштәгеләр белән сүзгә килүегез ихтимал. Яңалыктан курыкмаучы кешеләргә март ае уңыш вәгъдә итә.
 

Үгезбозау.


Ыгы-зыгылы, мәшәкатьле ай булырга охшаган. Ачу килгән, теңкәгез корыган чаклар аз булмас. Яңалыкларга бай ай. Иҗади кешеләргә уңыш елмаячак. Мөмкинлек чыкса, ял итеп алырга тырышыгыз, сезгә хәзер ял бик кирәк.
 

Игезәкләр.


Күңелле вакыйгалар, куанычлы хәлләр көтелә. Яңа эшкә керешәсез икән, ул уңышлы төгәлләнер. Шулай да артык җитди, зур игътибар сорый торган эшләргә алынудан тыелыгыз. Дәрманыгыз ташып торса да, ул озакка бармас.
 

Кысла.


Тыныч ай. Эшләрегез җай гына барыр. Яңа эшләргә алынмый торыгыз, мәшәкатеннән ничек котылырга белмәссез. Дусларыгыз янында сүзләрегезне уйлап әйтегез. Чын дус санап йөргән кешегез белән уйламый әйтелгән сүз аркасында араларыгыз бозылуы ихтимал.
 

Арыслан.


Эшләрегез муеннан һәм аларның һәрберсе галәмәт зур тырышлык таләп итә. Ай ахырына таба тәмам йончысагыз да әллә ни зур нәтиҗәләргә ирешүегез икеле. «Кәҗәсе түгел, мәзәге кызык» дип йөрүчеләр генә үзләреннән канәгать калыр. 
 

Сөмбелә.



Яңа эшләр һәм...  яңа хаталар ае булырга ошаган. Шулай да яңалыклардан курыкмагыз. Тирә-юньдәгеләрнең игътибары гел сездә булыр. Чыгышлар ясау, кемгәдер мөрәҗәгать итү, ярдәм сорау өчен кулай вакыт – гозерегез үтәлми калмас.
 

Бизмән.


Үзегезне күрсәтү өчен яхшы гына форсат чыгып тора. Иҗади сәләтегез ачылыр. Алдан күрүчәнлегегез аркасында күп кенә күңелсезлекләрдән котылып кала алырсыз. Акылыгызны, гаделлегегезне бәяли торган сүзләр ишетерсез. 
 

Чаян.


Үсеш юлының яңа чорына керәсез. Айны бер зур эш белән башлап җибәрерсез.Ул көчегезне шактый суырачак. Күңелегез гел яңалыкка, тормышыгызга үзгәрешләр кертергә омтылачак. Авырлыклар алдында каушап калмасагыз, теләкләргә ирешү ихтималы бик зур.
 

Укчы.


Яңа теләктәшләр табарсыз. Алдыгызда зур мөмкинлекләр ачылыр, йоклап ятып, аларны кулдан ычкындырмагыз. Тирә-юньдәгеләрнең сезне дөрес аңламаулары ихтимал, нәрсәдер эшләргә җыенасыз икән, кат-кат уйлагыз.
 

Кәҗәмөгез.



Четерекле мәсьәләләрне хәл итәргә туры килер. Өстәвенә, болар барысы да ашыгуны таләп итәчәк. Бу исә барысын да уйлап эш итәргә яраткан кәҗәмөгезләрнең фикерен чуалтачак.Үзегез бик ышанган кешенең сүзләренә колак салыгыз. 
 

Сукояр.


Зур үзгәрешләр белән бәйле ай көтелә. Яңа вазгыятькә күнегү җиңел булмас. Тирә-юньдәгеләр сездән  гамәл көтә, әмма сез әле яңа адым ясарга әзер түгел кебек. Ышанычлы кешедән киңәш сорарга тайчанмагыз, бу айда хата җибәрү ихтималы зур. 
 

Балык.



Мәшәкатькә бай булса да, уңышлы ай. Ай башында көчегез бетеп киткән сыман күренсә дә, ай урталарына таба дилбегә кабат сезнең кулда булыр. Алдыгызда яңа мөмкинлекләр тора, авыз ачып калмаска тырышыгыз, активрак булыгыз.

фото: http://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4596
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13204
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2847
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11387
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13819
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда