2016 нчы елга йолдызнамә

Кучкар

Һөнәри һәм иҗади сәләтегезне күрсәтү өчен бик яхшы ел булачак. Тормышның теләсә кайсы өлкәсендә уңышка ирешерсез. Һөнәрегезне үзгәртергә уйласагыз, отарсыз. Бу сезгә җан тынычлыгы да бирер, дәрәҗәгезне дә арттырыр.

 

Үгезбозау

Сезне уңыш, һөнәри үсеш, керемнәрнең артуы көтә. Гаиләгездә дә куанычлы хәлләр, шатлыклар күп булачак. 2016 елда гаилә корырга яки бәләкәч алып кайтырга ниятләгән булсагыз, ахыры хәерле булыр.

Игезәкләр

Шатлыгы да, мәшәкате дә җитәрлек булыр. Эшегезне җиренә җиткереп башкарырга тырышыгыз, югыйсә җитәкчегезнең начар мөнәсәбәтенә юлыгуыгыз бар. Эш алыштыру өчен кулай ел түгел. Тормышыгызда зур үзгәрешләр көтелми.

 



Кысла

Һөнәри яктан күтәрелешләр булмаса да, финанс ягыгыз тотрыклы калыр. Эш сөюегез, тырышлыгыгыз һәртөрле киртәләрне дә җиңәргә булышыр. Ялгызыгыз гына калырга теләгән, ялыккан мизгелләр булыр.


 

Арыслан

Тормышыгыз зебраны хәтерләтер. Берара уңай булса, берара – авыррак. Авырлыкларның вакытлыча гына булуын онытмыйча, үзегезне кулда тотсагыз, уңышка ирешми калмассыз. Таныш булмаган кешеләр белән серләр бүлешмәгез, зыяны тиюе бар.

 

Сөмбелә

Шәхси тормышта да, эштә дә искитмәле уңыш көтелә. Бар яктан да яхшы үзгәрешләр булачак. Яңа эшкә керешсәгез, отарсыз. Ялгызлар быел насыйп ярларын очратып, гаилә корачак. Гаиләлеләрне дә күңелле сюрпризлар, хисләрнең кабат дөрләве куандырачак.

 

Бизмән

Катлаулы, четерекле мәсьәләләрне хәл итәргә туры килер, башкарган вазыйфаларыгыз бик зур көч, игътибар сорый. Аның каруы, әҗерен дә мулдан алырсыз. Шәхси тормышыгыз үз җае белән барыр, зур вакыйгалар көтелми.


Чаян

Елның үтеп киткәнен дә сизми калырсыз. Яңа сәфәрләр, яңа танышлар, яңа хисләр бөтереп алыр. Шундый сәфәрләрнең берсе язмышыгызны бөтенләй дә үзгәртеп ташларга мөмкин. 2016 ел – яңа эшкә күчү, һөнәр үзгәртү өчен менә дигән вакыт.

 

 

Укчы

Көчегез артыр, һөнәр баскычында югарырак күтәрелерсез, керемегез дә кимемәс. Сизгерлегегез низаглардан котылып калырга ярдәм итәр. Дус-ишләрегез арасында дәрәҗәгез артыр. Яңа танышлар белән сак булыгыз. Читләргә серегезне ачмагыз.
 

 

 Кәҗәмөгез

Теләсә нинди мәсьәләне дә хәл итәрлек көчкә ия булырсыз. Хыялларны, теләкләрне чын итә торган ел бу сезнең өчен. Тырышлыгыгыз да, хезмәтегез дә тиешенчә бәяләнер.


 

Сукояр

Һөнәри вазыйфаларыгызны башкарганда аеруча игътибарлы һәм тыныч булырга тырышыгыз. Ашыгуыгыз зыян салырга мөмкин. Якыннарыгыз белән дә түземле булыгыз. Ел катлаулырак башланып китсә дә, тора-бара уңай якка үзгәреш тоярсыз.


 

Балык

Тыныч, рәхәт ел көтелә. Уңышларыгыз күңелегезне генә куандырып калмас, акчалата әҗерен дә кайтарыр. Шәхси тормышыгызда да мәхәббәт, аңлашу, хөрмәт кебек якты хисләр өстенлек итәчәк. Бергә уздырган ял сезне әле тагын да якынайтачак.

фото: http://pixabay.com

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6271
    7
    62
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5674
    3
    49
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4057
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2679
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8926
    6
    35
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда