Алмалы иҗат

Алланып пешкән зур-зур алмалар, алмалар… Һәм каядыр артта, икенче планда, башка яссылыкта – башка дөньяда яулыгын артка чөеп бәйләгән хатын-кыз сыны. Алма җыючы хатын-кыз...



Мин генә күрәмме аны, әллә башкалар да күрә микән? Киндер тукымага төсле буяулар белән төше-релгән картина – мизгелне төп-төгәл чагылдырган фотосурәт кенә түгел шул.  Монда рәссамның үз кичерешләре – алмалы балачакны сагынуы да өстәлгән.

Рәссам Гөлназ ӘДҺӘМОВАның иҗади эшләре беренче карашка бик хыялый, хәтта әкияти кебек. Әмма шунысы кызык – аларның һәрберсенең гап-гади тарихы бар. «Беренче чәчәкләр»дәге умарталык та, әнә, уйлап чыгарылган түгел. Вазага куелган чәчәкләр – күңел түренә салынган бер якты хатирә: әтиләре җәй хәбәре итеп ел саен урманнан беренче чәчкәләрне җыеп алып кайта торган булган. Шушы ике истәлекне бергә кушкач, нинди сихри күренеш килеп чыккан. Умарталык еракта, әйтерсең лә, томан артында.

Ә чәчәк бәйләме яп-якында – анысын үрелеп алырга да булыр сыман. Шушы үзенчәлек – ике яссылыкта эшләү – рәссамның күп картиналарында чагылыш тапкан.
Икенче үзенчәлек – Чаллы кызы булса да, Гөлназ иҗатында авыл тематикасы күп. 

– Минем рәссам булып китүем дә табигатькә якынлыктан, – дип сөйли Гөлназ. – Җәйне гел авылда үткәрә идек без. Ә бабабыз (исеме дә гадәти түгел – Заман бабай!), ышанасызмы, айга карап, һава торышын фаразлый белә иде. Менә шундый – табигать белән бербөтен булып яшәүче кешеләр...

Гөлназ Әдһәмова 2005 елда Татарстан һәм Россия рәссамнар берлегенә кабул ителә. 2011 елда Чаллыда «Ел рәссамы» булып таныла. Аның эшләре Төркиядә узган Чаллы рәссамнары күргәзмәсендә дә урын ала. Бүген үзенчәлекле иҗаты белән ул Россиякүләм, Халыкара күргәзмәләрдә даими катнашып килә. Педагог буларак, шәһәрдәге рәсем сәнгате белән бәйле уку йортларында булачак рәссамнарга белем бирә.   

Гөлназ Әдһәмова – реалист-рәссам. Яраткан эш алымы – күзе күргәнне тукымага төшерү, ягъни натурадан язу. Хәер, күзе күргәнне генә дисәк, дөрес тә булмас. Күңеле тойганны, башкалар күрмәгәнне дә, ягъни мәсәлән.  Рәссамнар телендә бу «сурәткә стиль бирү» дип атала икән. Чынбарлыкны аз гына үзгәртеп, мөһим санаган элементларны күпертебрәк бирү, дип аңларга кирәктер инде моны. 

Гөлназның иҗат эшләре арасында кәгазьгә ясалган график хезмәтләр дә күп. Кайберсе үзенчәлекле алым белән – юеш кәгазьгә ясалганнар. Кәгазь кибеп беткәнче (бу күп булса ике сәгать эчендә), рәсем ясалып бетәргә тиеш! Мондый хезмәтләр үзенчә матур! Рәссамның һөнәри осталыгын, ягъни башкалардан өстенлеген хезмәттәшләре төсләрне сайлый, алар белән «уйный» белүдә дә күрәләр икән. 

Гомумән, иҗат кешесе һәрвакыт эзләнүдә, һәрвакыт үзгәрүдә. Гөлназның быел октябрь аена планлаштырылган чираттагы шәхси күргәзмәсенә декоратив бизәк-орнаментлар белән бәйле хезмәтләре тупланачак. Бу аның иҗатында яңа этап. Һәм монысы, һичшиксез, тагын да кызыклырак! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8557
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7558
    1
    109
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5560
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4657
    6
    50
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8090
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...