Саган чәе белән танышмы сез? 

Озын кичләрдә чынаякка кайнар чәй агызып, йомшак кәнәфигә чумарга кайсыбыз яратмас! Сусауны басу, кәефне күтәрүдән тыш, чәй файдалы да булырга тиеш. Без сезне бик файдалы бер үлән чәе белән таныштырмакчы булабыз.

Саган-дайля – Алтай, Тибет, Саян тауларында гына үсүче дару үләне. Күп халыклар аны чәй буларак яратып куллана. Тибет монахлары әлеге үсемлекнең файдалы үзлекләрен инде күптәннән белгән. Тиккә генә аны «гомерне озайтучы үсемлек» дип атамаганнардыр. 

Саган-дайляның кыйммәте аның иң элек эфир майларына, кислоталарга, бөрештерүче матдәләргә, сумала, В, С, Е, төркеме витаминнарына бай булуында. Боларга тагын флавониодлар, гликозидлар, тимер, магний, кремний, йод кебек минералларны да өстәргә кирәк.  

Саган-дайля барыннан да битәр, хәл кертеп җибәрү чарасы буларак кулланыла. Ул хәтта кофены да алыштыра ала. Нәкъ менә шушы үзлеген искә алып, аны авыр хасталарга һәм өлкән яшьтәгеләргә тәкъдим итәләр. Әлеге эчемлек организмның тернәкләнү процессын тизләтә, чирләргә каршы торучанлыгын арттыра, матдәләр алмашын яхшырта. 

Саган-дайля чәе салкын тигәннән, тын юллары ялкынсынганнан файдалы. Аны дәва чарасы итеп кенә түгел, профилактика максатыннан да кулланалар. 

Бу чәй – бик көчле бәвел кудыргыч. Ул организмга артык сыеклыктан арынырга, шешенкелекне киметергә булыша. Аны цистит, бөер ялкынсынуы, бөерләрдә ком һәм ташлар булганда эчәләр. 

Саган-дайля чәе кан тамырларын ныгыта, кан басымын көйләргә ярдәм итә. 

Ул организмны һәм канны агулы матдәләрдән чистарта. 

Әлеге үләннең ялкынсынуны басу, бактерияләрне юк итү кебек сыйфатлары да билгеле. Бик көчле антиоксидант буларак, яман шешне кисәтә. Химиотерапия алганнан соң, саган-дайля чәен эчү организмга тизрәк тернәкләнергә булыша. 

Саган-дайляның дару үләне булуын һәм куллану нормасын арттырмаска кирәген дә истән чыгарырга ярамый. Аны иртән бер чынаяк эчеп кую җитә. Кич кулланган очракта исә йокыны качырырга мөмкин. 

Саган-дайляны берничә төрле кулланырга була. Иң оптималь юлы – берничә тармагын кара яки яшел чәйгә кушып төнәтү (бер-ике тармак җитә). Шуннан да арттырып җибәрсәң, кан басымын уйнатырга мөмкин. Әгәр дә гөлҗимеш яки Иван-чәй төнәтмәсе белән кушып эчсәң, файдасы тагын да арта. Үсемлек тармакларын берничә тапкыр да төнәтергә була, бу очракта чәйнең куелыгы кими һәм аны көнгә бер-ике чынаяк та эчә аласыз. 

Организмның күнегүен булдырмас өчен, бер ай эчкәннән соң, 2-3 атна тәнәфес ясап алырга кирәк. 

Саган-дайля чәенең тәме үзенчәлекле. Җиләк тәме дә бар анда, чак кына ылыс тәме дә... 

Саган-дайля – дөрес кулланган очракта бик көчле үзлекләргә ия үсемлек. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1910
    26
    209
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5752
    2
    81
Реклама
Соңгы комментарийлар
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
  • 20 октябрь 2021 - 07:38
    Без имени
    Менэ шул инде ул,гонахларын очен бу доньяда ук жэзасын алу,балан да,гаилэн дэ юк.Картлыгында берузен каласын.Бу зина кылу дип атала,Раббым,узен сакла балаларыбызны,оныкларыбызны шундый гонахтан!!!
    Көтеп яшәү
  • 20 октябрь 2021 - 08:42
    Без имени
    Аллааа, бигрэк эчтэлекле хикэя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан