Орхидея – иң тырыш гөл

Мин үзем егылып китеп гөлләр үстерүче кеше түгел. Яратмаудан түгел, бик яратам, тик аларга игътибар күрсәтерлек көчем дә, вакытым да калмый. Алай да шып-шыр тәрәзә төбе дә күңелле түгел, шуңа да бик таләпчән булмаган гөлләргә өстенлек бирәм. Ә андыйлар, кагыйдә буларак, чәчәк атмый торган гына гөлләр була.

Узган ел 8 Мартка ирем бик матур чәчәкле гөл күтәреп кайткан. Аңынчы да роза һәм азалия бүләк иткән иде. Азалия бик нәзберек, аңа гел салкынча гына һава кирәк булып чыкты да, бездә яшәп китә алмады. Ә роза гөле алсу чәчәкләргә күмелгән бәләкәй куакка әверелеп, бик озак куандырды. Җәйгә үзебез белән авылга алып кайтып кына харап иттек. Көз көне, әле көннәр җылы тора дип, тәрәзә төбендә калдырып киткән идек, без китүгә суытты, тиз генә кайта алмадык, гөлебезне өшеттек. Аннары кабат яшәрмәде инде.  

Бу юлы бүләге  – шау чәчәкле орхидея гөле иде. Һәрхәлдә, мин аны башта шулай дип уйладым. Савыты кечкенә генә, өч бөртек яфрагы бар, ә үзенең чәчәк сабагы ярты метрлап булыр, һәр сантиметры саен эре-эре аксыл-саргылт чәчәкләр эленгән. Матур шулкадәр! Чәчәк атып бетерсен инде, аннары зуррак савытка күчерермен дисәм, шушы 8 март көнне булган чәчәкләре сентябрьгә кадәр коелмыйча торды. Ышанасызмы? Анда да әле, кызганган сыман, берәм-берәм генә койды ул чәчәкләрен. Әмма... тагын күчерергә өлгерми калдым, ул арада тагын чәчәк сабагы чыгарып, кабат чәчәккә бөреләнде. Шундый ук эре-эре купшы чәчәкләр! Кызгандым инде үзен. Җаныкаем, үзе уч төбе кадәр генә савытта утыра, дүрт яфрагы бар, үзе шаулап чәчәк аткан була. Соңгы көчләренә тырыша инде бу, дип, кибеттән сыек ашлама сатып алдым. Мондый тырышлыгы өчен ничек инде сыйламыйсың!

Кыскасы, мин бу гөлне бер елдан соң гына зуррак чүлмәккә күчереп утырта алдым. Орхидея (дөрес, безнең купшыкаебыз фаленопсис булып чыкты) үтә күренмәле, төбенә таба тараеп килмәгән, туры чүлмәкне ярата. Аның тамыр-бүлбеләренә кояш яктысы кирәк. Чүлмәк төбендә дренаж тишекләре дә аз булмасын, су җыелып торырга тиеш түгел. Туфракның да орхидеялар өчен махсус булганын алырга кирәк. Тыгыз туфракта үсә алмый ул. Суны күп тә, бик аз да сибәсе түгел.

Әгәр дә орхидеягез озаграк чәчәк атсын, дисәгез, атып бетергән чәчәк сабагын өзмәгез. Кипкән өлешен генә кисеп алыгыз. Ул шушыннан яңа бөре җибәреп, тагын тармакланачак. Анысы да тиз арада чәчәк атачак. Һәр тармагы чәчәккә күмелгән гөлегез искиткеч матур булачак.

Тагын бер серне генә әйтим әле: кибеттән алып кайтуга ук, гөлне полиэтилен кабыннан чыгармагыз. Болай иткәндә, аның өчен җылылык һәм дымлылык кискен үзгәрми, ул сездәге һавага акрынлап кына ияләшә.
Орхидея үстерүдән бер дә куркасы түгел икән, андый да тырыш, андый да рәхмәтле гөлне күргәнем юк иде әле моңарчы. Берүк күз генә тимәсен инде.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 1 октябрь 2022 - 05:41
    Без имени
    орхидея, фикус, драцена, юкка... бу чэчэклэр исеме тугел, чэчэклэр фамилиясы - торкемлэре э рэсемдэге чэчкнен, уз исеме бар - фаленопсис фикус
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4392
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12873
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2720
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10855
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13438
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда