Баланы үбү - ГАЕП!

Бөекбритания җырчысы һәм модельеры, футболчы Дэвид Бэкхемның хатынын Викторияне социаль челтәрләрдә утыручылар нык тәнкыйтьләде әле.
Виктория Instagram сәхифәсендә биш яшьлек кызы Харперны ирененнән үпкәндә төшерелгән фотосын урнаштырган булган. Җырчының аккаунтын 11,6 миллионнан артык фолловер күзәтеп бара. Кадр астына Виктория Бэкхем баласына мәхәббәт хисләрен аңлатып та язган. Фолловерлар исә балага булган хисләрне шул рәвешле күрсәтүне җирәнгеч дип тапты. (Шуңа да карамастан, фото 568 меңнән артык лайк җыйган.)



Лилия МУЛЛАГАЛИЕВА. Җырчы. 


Үбәм. Мин моңа каршы түгел. Ул яратуны белдерә! Иркәләп үбудән зыян юк, минемчә.


Ләйсән САФИНА. «Идел» яшьләр үзәге.

Безне гел кочаклап, үбеп, сөеп үстерделәр. Моның начарлыгын күрмим. Ләкин бала үсә төшкәч аны ирененнән үбүне кирәк дип санамыйм.



Сөмбел ВӘЛИДИ. Журналист.


Беренчедэн, ул гигиена ягыннан дөрес нәрсә түгел. Балага үз бактерияләреңне күчерүнең бер файдасы юк. Икенчедән, этик яктан да сәер, минемчэ. Иреннән үбешү - ул интим нәрсә, баланың әтисе белән әнисе арасында гына була торган, анысы да балалар күз алдында түгел. Өченчедән, якыннарын иреннән үбәргә өйрәнгән бала өчен урамдагы дусларын үбү дә табигый хәлгә әвереләчәк. Дин ягыннан да бу дөрес күренеш түгел, минемчә. Фәтвәсен гыйлемлерәк кешеләр әйтер.



Гөлчәчәк ГАЙФЕТДИНОВА. Г. Камал театры актрисасы.

Мин мона тискәре карыйм. Һәм үзем дә үпмәскә тырышам. Балага да иреннән үбәргә ярамаганын аңлатырга тырышам.



Гөлназ ФӘЙЗРАХМАНОВА. «Болгар» радиосы.

Үбүгә уңай карыйм. Кайсы вакытта нинди очракта икәнен белергә генә кирәк. 
Улымны битеннән, маңгаеннан үбәм, авызыннан үпкәнне хәтерләмим: үпкәнем юк бугай, булса да бәләкәй вакытында гына. Кызым белән башкачарак, пәп итешеп алабыз. Бер гадәт ул безнең, әйтик, саубуллашканда.



Ләйлә ҖӘЛӘЛОВА. «Тәртип-Fm» радиосы.

Мин моңа тискәре карыйм. Беренчедән, инфекция таратасын бит. Гигиена, санитария ягын уйлаганда бу. Икенчедән, балага нәни чактан психикасына тискәре йогынты ясарга мөмкин дип уйлыйм. Үсә төшкәч, җенси тайпылыш барлыкка килу ихтималы зур. Ә битеннән рәхәтләнеп үбәргә буладыр. Тик кайбер әниләр нәниләрен чама белмичә, чупы-чупы китереп, озаклап үбәләр. Бу да дөрес түгелдер. Бала инде яратмыйча, көйсезләнә башлый, ә әни кеше туктый алмый. Чама кирәк. 


Артур ИСЛАМОВ. Җырчы.

Миңа калса, бала сабый чакта алай үбәргә ярый. Аеруча кыз бала булса. Безнеке үзе үбә иреннән!


Зөлфәт ЗИННУРОВ. Шоумен.

Баланы иреннән үбеп алуда бернинди куркыныч күрмим.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2714
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7408
    2
    108
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан