Күңел тынычлыгына ирешү өчен 10 кагыйдә

Мәхмүт хәзрәт ШӘРӘФЕТДИН, 
Шамил мәчете имам-хатыйбы.  

Күңел тынычлыгы – кеше өчен иң зур нигъмәтләрнең берсе. Әгәр дә кешенең күңелендә тынычлык булмаса, ул ашаган ризыгының да, йоклаган йокысының да тәмен тапмый. 
Кешенең бәхете, шатлыгы, сөенече нәрсәдән тора дип сораганнар Локман Хәким дигән зур галимнән. Ул болай дигән: «Һәрбер кешенең, ул кем генә булмасын, яшь кеше булса да, карт кеше булса да, әгәр аның күңелендә өч әйбер бергә җыелмаса, ул бәхетле булмый». 
Аның беренчесе – сәламәтлек. Тәнеңдә кечкенә генә бер яра булса да, ул тормышның ямен ала. Урын өстендә ятучылар турында әйтмим дә... Бәхетле булып яшәр өчен беренче шарт – сәламәтлек, ди Локман Хәким. 
Икенчесе – өстәлендә ризыгың булу. Моның белән килешми мөмкин түгел. Сәламәтлегең булып, ашарга әйберең булмаса, ничек үзеңне бәхетле тоясың?! Өченче шарт та бар, анысы – җан тынычлыгы. Күз алдына гына китерегез: сәламәтлек тә, өстәлдә ризык та бар, әмма күңел тыныч түгел. Бәхет турында әйтеп буламыни монда? Бүген мондый кешеләрне – тормышның тәмен, ямен тоймаучыларны еш очратабыз. Күңелең тыныч булмаса, эшең дә килеп чыкмый. Күңелең тыныч булмаса, сәламәтлегең дә какшый башлый. Шуңа күрә галимнәр әйтә: кеше тыныч күңелгә ия булса, эчендә гармония барлыкка китерсә, ул тормышының барлык өлкәләрендә дә чагылачак. Әйе, күңел тынычлыгы бик кадерле әйбер һәм бөтен нәрсә аңа нигезләнгән. 
Күңел тынычлыгы барлыкка килсен өчен нәрсә эшләп була? Хикмәт ияләре менә нәрсә диләр. «Әй кеше, әгәр син күңел тынычлыгына һәм аңа нигезләнгән бәрәкәтләргә ия булырга теләсәң, түбәндәге ун кагыйдәне үзеңдә барлыкка китер», – диләр. 
Менә ул кагыйдәләр.

1. Бел шуны, бу дөнья – бер мәктәп, һәм бу мәктәптә син бер укучы. Тормышыңда булган һәрбер авыр хәл һәм юлыңда очраган һәрбер кеше – синең өчен остаз һәм дәрес.  

2. Бел шуны, Аллаһ тарафыннан сиңа бирелгән гәүдәң, гәүдәңдә булган һәрбер әгъзаң – ул Аллаһның бер нигъмәте: син аны кабул итсәң дә, итмәсәң дә, сөйсәң һәм сөймәсәң дә ул соңгы сулышка кадәр синең белән булыр. Шуңа күрә Аллаһ биргән гәүдәңне, Аллаһ биргән әгъзаларыңны хәерле юлда сөенә-сөенә куллан һәм алар да сине сөендерер. 

3. Бел шуны, дөньяда сиңа бирелгән һәрбер мәшәкать – синең чишмәгән (яки чишәргә теләмәгән) дәресең. Әгәр син аны чишсәң – күтәреләсең, рухи яктан байыйсың. Бу дәресне үзләштердең икән, алга таба барасың, юк икән, артта каласың. 

4. Бел шуны, һәрбер синең килеп чыккан мәшәкатең – асылда синең эчеңдә булган проблемаларыңнандыр. Әгәр дә син эчеңдә булган проблемаларны чишсәң, синең тышкы дөньяң да үзгәрер. Кешенең күп проблемалары тышта түгел, эчтә. 

5. Шуны онытма – Аллаһыдан бирелгән бәлалар, проблемалар, мәшәкатьләр, авырлыклар – алар барысы да сиңа Аллаһыдан бирелгән бер дәрес. Әгәр дә син шушы дәресне чишсәң, ә ул дәресне чишүеңне шуннан аңларсың – синең тормышың яхшы якка үзгәрер. Һәм шуны бел, кулыңда булган аз әйбер хыялыңда булган күп әйбердән хәерлерәк. 8-9 мең хезмәт хакы алып, күбрәк акча эшләү турында хыялланучылар турында сүз бармый монда. Тормышлары бөтен булып, 100–150 мең хезмәт хакы алып та, нигә 500 меңне алмыйм икән дип,  кайгырып-хәсрәтләнеп ятучылар да бар. Күңел тынычлыгын югалтырга теләмәсәң – азның кадерен бел, зурга хыялланма. 

6. Син уйлыйсың – тегендә мондагыга караганда әйбәтрәк. Ләкин анда барганнан соң уйлыйсың – монда әйбәтрәк булган икән. 
Кешеләр әйбәт тормыш эзләп чит илләргә күчәләр, аннан йөгерә-йөгерә кире кайталар. Күршенең бакчасы гел яшелрәк булып күренә, анда гел үлән әйбәтрәк үсә кебек. Безнең күзебез гел киләчәктә.  Әгәр күңел тынычлыгына ия булырга теләсәң, бу кагыйдәне онытма: кая барсаң да, монда начар – тегендә әйбәтрәк дигән фикер сиңа барыбер киләчәк. 

7. Синең тормышыңа очраган кешеләр, сиңа проблема тудырган яки сиңа сөенеч китергән кешеләр, аларда син тап булган начар яки яхшы сыйфатлар – алар барысы да синең үзеңдә.  Син башкаларда үзеңдә булганны күрәсең. Шуңа күрә үзеңә карата тирә-юнеңдәгеләрнең мөнәсәбәтләре үзгәрүең теләсәң, үзеңнең эчке дөньяңны үзгәрт. 

8. Кеше тәкъдир мәсьәләсендә бик бутала. Алдан язылган бит инде, ничек бар, шулай яшим инде, күпме генә тырышсаң да, язылганнан узып булмый, диләр. Аллаһы Тәгалә сиңа рамка һәм кәгазь биргән, тагын буяулар биргән. Һәм син үзеңнең рәсемеңнең рәссамы. Тормышыңның рәсемен үзең ясыйсың. Әгәр үзең ясамасаң, башкалар ясаячак. Тәкъдир ул – рамка, кәгазь һәм буяулар. Калганы – синең кулыңда. Әгәр син анда эчкече тормышын сурәтлисең икән, башкаларга үпкәләмә. Һәммә кешегә дә бер үк буяулар бирелә. Шуңа күрә кыямәт көнендә беркем дә Аллаһы каршында: «Раббым, нигә миңа шундый тәкъдир бирдең?» – дип әйтә алмаячак.  Оста рәссам кечкенә генә кәгазьдә дә зур әсәрләр иҗат итә ала.

9. Аллаһның рәхмәте белән син теләгән бөтен нәрсәгә ирешә аласың. Тырышсаң! Шуңа күрә бүген син бер әйберне телисең, әмма моңа ирешмәдең икән, димәк, син әле тиешенчә тырышмагансың. Теләгән бөтен нәрсәгә, Аллаһының рәхмәте һәм үзеңнең тырышлыгың белән ирешә аласың. 

10. Күңел тынычлыгына ия булып, дөньяда Аллаһы яраткан барлык бәрәкәтләргә  ирештерә торган кагыйдә: синең башыңда барлыкка килгән барлык сорауларга җавап – синең үзеңдә. Әгәр үз йөрәгеңне ишетергә өйрәнсәң – барлык сорауларга җавап табарсың.
 

Дөньяда матур итеп яшәр өчен күп нәрсә кирәкми: гади генә шушы кагыйдәләрне үзләштереп, аларны тормышыңа кертергә кирәк.
Бу кагыйдәләрне ике генә җөмләгә кертеп, тагын болай әйтеп була: Аллаһ биргән тормышка сөен һәм башкаларны да сөендер. Шул очракта Аллаһ Тәгалә бар иткән нигъмәтләргә ирешерсең. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7242
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4485
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4927
    0
    37
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2957
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9678
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда