Мүк җиләге белән алма пирогы  

 

Һәрбер хуҗабикәнең яратып әзерли торган аерым бер ризыгы була инде аның. Мин дә бу пирогны пешерергә бик яратам. Әмма иң мөһиме – кемгә дип пешерсәм дә, аны бар да яратып ашый. Хәтта табындагы бөтен нәрсәне авыз иткәннән соң: «Инде булды, бер кабарлык та урыным калмады!» – дигән кунаклар да, берне генә кабалар да... ашап та бетерәләр. Хуҗабикәнең иң бәхетле чагы шул инде аның... 

Мин аны, гадәттә, табынга суынган килеш чыгарам. Әмма соңгы пешерүләрдә өйдәге егетләрем (ә алар өчәү минем!) суынганын көтмәделәр һәм: «Кайнар килеш тә тәмле икән!» – дигән нәтиҗә ясадылар. Шуңа күрә суынганын көтәргәме-юкмы икәнен үзегез карасыз.  

 

Кирәк: 

1 стакан мүк җиләге; 

400 г он; 

200 г сыер мае; 

4 йомырка сарысы; 

200 г шикәр комы; 

5 аш кашыгы сөт; 

6-7 алма (яшел алма булса әйбәтрәк). 

(Теләгән кеше корица, ванилин да кушарга мөмкин.) 

 

 

 Эш тәртибе: 

Майны аз гына алдарак, эшкә тотынганчы, алып куегыз – җылына, йомшый торсын. Онга 4 аш кашыгы шикәр комы кушыгыз һәм аны май белән уыгыз. Аерым савытта йомырка сарыларына сөт кушып туглагыз һәм он өстенә салыгыз. Камыр баскач, аны икегә бүлеп, аерым пакетларга салып, 30 минутка суыткычка куегыз.  

 

Хәзер эчлек әзерлибез: 

Алмаларның уртасын алып, берничә кисәккә бүләбез. (Артык юка итеп турарга кирәкми.) Аларны микроволновкага куярга ярый торган савытка салабыз. Өстенә шикәр комы коябыз. Башта микроволновканың иң югары күәтенә куеп, 10 минут тотабыз. Алып, алмаларны сак кына бутыйбыз һәм кабат куябыз: бу юлы микроволновканың иң түбән куәтенә куеп, 10 минут тотабыз.  

Әзер булгач, алабыз һәм артык сыеклыкны агызабыз.  

 

Инде камырны алырга вакыт: 

Мин бу пирогны уртача зурлыктагы дүртпочмаклы пыяла табада пешерәм. Камырның берсен уклау белән табага куя торган пергамент кәгазь өстендә генә җәябез. Аны табага урнаштыргач, өстенә алмаларны җәябез, тигез итеп мүк җиләген сибәбез.  

Камыр йомшак булганлыктан, куна тактасыннан алып каплавы җайсыз, шуңа күрә камырның икенче өлешен җәя башлаганчы, камыр салган пакетның бер кырыен һәм астын аерам һәм камырны шул пакет өстендә генә җәям. (Камырны җәйгәннән соң, аны пакеты белән рулет кебек төреп, пирогның өстен каплаганда «рулет»ны кирегә сүтеп кенә бару бик җайлы.) Пирогның кырыйларын әйбәт итеп тоташтырырга, өстен берничә урыннан чәнечке белән тишәргә кирәк.   

Пирог 180 градус кызулыктагы духовкада 20–25 минут пешә.  

 

Чәйләрегез тәмле булсын!  
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 26 июль 2019 - 20:08
    Без имени
    Бу пирогны пешерү өчен базарда мүк җиләге сата башлаганны көтеп тормагыз тагын. Туңдырылганны гына кушам, анысы кибетләрдән гел бар. Вагына туры килү генә авыр, гел чия кадәр зурларны гына саталар.
  • 26 июль 2019 - 17:58
    Без имени
    Тагы кайчан пешершсең, пешерә башлагач мине дә чакыр.
Хәзер укыйлар
  • 7631
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5447
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7498
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3785
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»