Ике айдан соң икенче кат әни булырга җыенам. Олы кызыма 5 яшь, монысын да кыз була диделәр. Ирем өйләнешкәнче үк малай дип хыяллана иде. Шулкадәр ышана иде ул улыбыз туасына, шакката идем. Аны хоккейга йөртәм дип хыяллана иде. Авылда үскәч, үзенә чын хоккей белән шөгыльләнергә мөмкинлекләр булмаган бит. Гел шуны сөйли иде ул. Шәһәрдә үссәм, миннән чын хоккейчы чыккан булыр иде дия иде. Беренче балабыз кыз була дигәч, ничек кәефе төшкәнен белсәгез?!
