Шәфкать - кыйммәт

Кеше матур булырга тиеш. Үзе дә, киеме дә, уйлары да...
Мин матур түгел. Табигать мине ямьсез итеп яраткан - тумышымнан ук чирле, зәгыйфь, гарип мин. Балачактан церебраль параличлы...
Мин берәүгә дә үпкәләмим. Үпкәли алмыйм. Әти-әниемә ник мине шундый итеп тудырдыгыз, дип рәнҗи алмыйм. Чөнки аларга миңа караганда да авыррак. Бердән, алар үзләрен гаепле тоя, шуңа күрә дә мине кадерләргә-аярга, михнәт-газаплардан кулдан килгәнчә сакларга азаплана. Икенчедән, авыру бала белән интегү берәүгә дә җиңел түгел. Әтиемә дә, әниемә дә түземлелекне жәлләмәгән Хо­дай, алар искиткеч яхшы кешеләр. Әнием - шәфкать тута­шы, инвалид балалар хастаханәсендә эшли. Әти - эшче. Куллары оста, күңеле миһербанлы. Ашатучы-туйдыручы ул безне, әле сеңлем дә бар бит. Эчкечеләр, җинаятьчеләр гаиләсендә туган мескен балаларны уйлыйм да, “шөкер” ^ип куям. “Ашарга икмәк” дип тилмергәннәр дә әллә ниткадәр бит.
Сиздермәскә тырышса да, эштән әни бик йончып, арып- талып кайта, аңа булыша алмавыма җаным әрни. Иелеп идән дә, кер дә юа алмыйм шул. Савыт-саба юу - минем вазифам. Озаклап, мыштырдап юсам юам, әмма гаиләгә ярдәм итә алуыма сөенеп эшлим. Кайчакларда эшкә тотын­ганымны көтмичә, әни үзе тиз-тиз генә җыештырып куя. “Ник алай итәсең, әллә чиста юмыйммы, мин юганны яратмый- сыңмыни?” - дим. “Яратам, кызым, кулларың болай да көчкә
кыймылдый. Жәллим”, - ди әни. Без, инвалидлар, әллә нин­ди кызык халык бит, жәлләгәнне яратмыйбыз, мескен бу­ласыбыз килми, әгәр игътибарсызлык күрсәтсәләр, күңел рәнҗи.
...Тайгак, бозлавыклы, кара көз иде. Әни төнгә эшкә ба­расы. Әзрәк ятып ял итсен әле, үзем ипи-сөт алып кайтыйм, дип кибеткә киттем. Берзаман аягым таеп китте дә пычрак күлдәвекнең уртасына ук егылдым. Ялгыш егылганга кай­сыдыр сөягем каймыктымы шунда, һич тора гына алмыйм. Кузгала, күтәрелә башлавым була, тагын лыпылдап пыч­ракның “күзенә” үк килеп төшәм. Матур гына ханым узып бара иде, ялварып шуңа дәштем: “Булышсагызчы! Зинһар, кулыгызны сузыгыз!” - дидем-диюен, тик ник әйткәнемә үкендем. Борынын җыерып: “Мин сиңа ничек кул бирим, пычракка баткансың, кулым буяла ич!” - диде дә, китте дә барды.
Кулы чиста ханым шулчак күңелен, җанын таплаганын, өстенә зур гөнаһ алганын аңладымы икән?! Рәнҗемәскә тырышса да гарипләрнең күзе яшьле, күңелләре китек була бит. Югыйсә, ул да хаклы сыман. Әмма... Ке­шеләрдән аз булса да миһербан өмет итеп дәшүче мәзлүмне күрмәмешкә салышып, башын горур тотып китеп баруны гөнаһка санамаучы тәкәбберләр ялгы­ша. Шәфкать бушка эшләнә, ләкин кыйммәт бәяләнә.
Бик кыйммәт!
Алия.
Казан.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6619
    2
    46
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7518
    0
    35
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3985
    0
    33
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2039
    0
    30
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2176
    0
    19
Реклама
Соңгы комментарийлар
  • 28 июнь 2022 - 10:56
    Без имени
    Сез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!
    Врач буласы урынга авылда әбиләр карыйм
  • 28 июнь 2022 - 11:47
    Без имени
    Узегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.
    Врач буласы урынга авылда әбиләр карыйм
  • 24 июнь 2022 - 19:54
    Без имени
    Бик позитив, укып чыккач, кунелгэ рэхэт булып калды
    Галим
  • 24 июнь 2022 - 20:10
    Без имени
    Азаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.
    Балдаклар, туй күлмәге калды, ә мин...
  • 24 июнь 2022 - 23:53
    Без имени
    Гаеп синдэ бит
    Аздан гына кылынмаган хата
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда