Очрашу урыны – «тын бакча»

Чабабыз, ашыгабыз, кемнәрнедер көйлибез... Үз-үзебез белән япа-ялгыз калып, күңелебезнең хәлен белешергә һич вакыт юк. Ләкин психологлар вакыт-вакыт иң кадерле кешебез – безнең үзебез белән очрашып, аңа охшаган эшләр белән шөгыльләнергә, ул яраткан җырларны тыңларга, аның яраткан әсәсрләрен укырга, аның белән сөйләшергә, борчуларын тыңларга куша. Сәгатьләр багышларга кирәкми аңа, күп булса, 15-20 минут вакыт җитә. Очрашу урыны – «тын бакча».

 

«Тын бакча» – ягъни беркем дә борчымый торган урын ул иртәнге аш бүлмәсе дә була ала. Гаиләгез торганчы уянып, бер чынаяк хуш исле чәй яки кофе эчә-эчә үз күңелеңә сәяхәт кылырга һичкем комачауламый. Әле беркая да ашыгырга кирәкми, эшкә киткәнче шактый вакыт бар. «Тын бакча»ны ачып керегез дә, ашыкмыйча бизәнегез, каударланмый гына эшкә җыеныгыз. Андый релакстан соң көн дә уңышлырак була. Вакыт юк, эш күп, димәгез. Хатын-кызның мәшәкате күбрәк булган саен, аның күңелен ныграк күрергә кирәк.

 

Америка язучысы Джулия Кэмерон «тын бакча»га «иртәнге язу өстәле» куярга тәкъдим итә. Бик матур блокнот башлап, һәр иртәне башыңа килгән фикерләрне, уйларны теркәп барасың. Язарлык әйберең булмаса – язарлык сүзем юк, дип язасың. Шул рәвешле без фикер агымын ерып җибәрәбез. Баштагы уйлар – алар бер нәрсә, ә шул уйларны дәфтәргә язып, кабаттан уку – үзең белән танышырга, чын йөзеңне ачарга булыша.

 

Яраткан шөгыль дә «тын бакча»ны ачып керү өчен шәп мөмкинлек.

 

Чынлыкта, «тын бакча»ны теләсә кайда оештырып була бит. Әйтик, эштән кайтканда. Үз-үзеңә чумып, уйларыңны тыңлап, хыялланып кайтырга беркем дә комачауламый.

 

Аның нинди һәм кайда булуы мөһим дә түгел, иң мөһиме – анда ниләр «үсүе» һәм ул «бакчага» илтүче сукмакның булуы. Тормыш мәшәкатьләренә бирелеп, «бакча»ның юлын югалткан кеше үзен бәхетсез, кирәксез итеп тоя. Кеше үзен капылт кына үзгәртә алмый, алай да атнага бер булса да «тын бакча»га сугылып чыгыгыз.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7140
    1
    64
  • 6967
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4796
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6936
    1
    47
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»