Изге Вәли көне: бәйрәмгә... кирпеч бүләк итәм

Назлыгөл МӘСӘЛИМОВА

Соңгы вакытта урамда гашыйк парлар күбәеп китте кебек. Миңа гына шулай тоеламы соң? Автобуста, метрода, кибетләрдә – кая барсаң, шунда кулга-кул тотынышкан, бер-берсенә мәхәббәт тулы караш ташлаган яшьләр очрый. Күңелләрне кузгатырга яз да ерак бит әле...  

Кызык, нинди эпидемия бу? Бөтен шәһәр берьюлы гашыйк булмагандыр бит?!

Телефонымдагы датага күзем төшкәч, барысы да аңлашылды. 14 февраль –Изге Вәли көне җиткән ләбаса! Ә мин бөтенләй онытканмын да...

Мәктәп елларында бу бәйрәмгә әзерлек бер-ике атна элек үк башлана иде. Һәр сыйныф биремнәр үтәүгә әзерләнә. «Валентинка»лар өчен зур гына йөрәк рәсеме төшерелгән тартмачык куела. Күзгә-күз карашып мәхәббәтен аңлатырга кыймаган яшьләр өчен менә дигән мөмкинлек. Ә конкурслар... Нинди кызык конкурслар үткәрә идек бу көнне! Гәҗит өстенә басып бию, шарга теләкләр язу, бер-береңә матур сүзләр әйтү... Әллә никадәр вакыт узса да боларның барысын елмаеп искә төшерәм. 

Югары уку йортына кергәч, бөтен нәрсә үзгәрде. Лекцияләр, семинарлар, курс эшләре, имтиханнар... 14 февраль түгел, үзеңнең туган көнеңне дә онытырсың... Тик дөнья бит син университетка укырга кердең дип кенә туктамый, дәвам итә. Кемнәрдер бер-берсен эзләп таба, гашыйк була... Андый парлар өчен бу бәйрәм, әлбәттә, мәхәббәтеңне аңлату өчен тагын бер сәбәп булып тора. Нинди бүләк алу, бәйрәмне кая үткәрү турындагы күңелле мәшәкатьләр белән йөриләрдер. Дөрестән дә, бер-берсенә алар нинди бүләкләр алалар, нинди көтелмәгән сюрпризлар ясыйлар икән?

Әдилә (18 яшь. Казан):

– Мин егетем белән ике елга якын йөрим. 14 февраль көнне без үзебез танышкан кафега барабыз. Бүләк сайлавы гына елдан-ел авырлаша. Хатын-кызга бүләк табуы җиңел бит ул. Ә егетләргә... Озак уйлагач, таптым нәрсә бүләк итәргә. Узган ел үзем бәйләгән йөрәк бүләк иткән идем, быел парашют белән сикерергә сертификат алдым.

Эльвира (19 яшь. Казан):

– Очраша башлаганыбызга әле ике генә ай. Шулай да, Изге Вәли көнен түземсезлек белән көттем. Егетемә җылы свитер алдым. Җыр яздырдым. Аңа ошар дип өметләнәм. Ә планнарга килгәндә, төне буе шәһәр буйлап йөрергә хыялланам.

Айдар (22 яшь. Казан):

– Йөри торган кызым Алинә белән Санкт-Петербург шәһәренә барырга уйлыйбыз. Аның күптәнге хыялын чынга ашырасым килде, бүген билетларны алдым. Бәйрәмне түземсезлек белән көтәм. Тизрәк аны сөендерәсем килә. 

Ярый, яшьләрнең фикерләрен белдем, ә өйләнешкән парлар Изге Вәли көненә әзерләнә микән? Әллә инде вакыт узу белән бу бәйрәм алар өчен гадәти көнгә әйләнгәнме? 

Ильяс-Альбина (Казан):

– Өйләнешкәнебезгә алты ел. Очрашкан вакытта, әлбәттә, нинди бүләк  алыйм, дип уйлап кайгырасың. Кермәгән кибет калмый, дусларыңнан, интернет форумнардан мәгълүмат туплыйсың. Өйләнешкәннең беренче елында Альбина бүләккә бантикка төрелгән... кирпеч тоттырды, ә мин исә аңа ашарга пешерергә өйрәтә торган китап алып бирдем. Кирпечнең кирәге чыкты – нәкъ Альбина теләгәнчә аны булачак өебезнең фундаментына беренче итеп салдык, тормыш иптәшем дә хәзер телеңне йотарлык итеп пешерә.


Ә парлары булмаган, үз мәхәббәтләрен әлегә тапмаган яшьләр бу көнне ничек уздыра икән? Башкаларга карап, сагышка батып, көепмеме, яисә күңел ачып, дуслар өчен сөенепме?

Надир, 20 яшь:

– 14 февраль минем өчен гадәти көн. Дуслар белән футбол карарга җыенам. Яшьләрнең бу көннән бәйрәм ясауларын да аңламыйм. Миңа калса, яраткан кешеңне бәйрәм җиткәч кенә котларга түгел, ә көн саен яратканыңны белгертеп торырга кирәк.

Әлфия, 19 яшь:

– Мин бәйрәмне туганнарым белән үткәрергә уйлыйм. Торт пешереп, якыннарымны сыйлыйсым килә. Алар өчен открыткалар, кечкенә генә бүләкләр әзерләдем. Туганнарымны, якыннарымны яратуымны белдерергә менә дигән сәбәп бит бу бәйрәм...


Изге Вәли көнен дуслары, туганнары янында үткәргән кешеләр күп. Шулай ук, парсызлар өчен махсус дискәтүкләр дә үткәрелә бу көнне.

Ничек кенә булса да, 14 февраль матур үтсен: бер-берсен эзләп тапкан парлар төрле оригиналь сюрпризлар ясасыннар, гашыйк булганнар, үзләре сайлаган ярларга хисләрен аңлатсын, әлегә мәхәббәтен тапмаганнар – күңелсезләнмәсен. Безнең әле барысы да алда! Ә мин... мин бантик белән кирпеч эзләргә киттем. Тормыш булгач, миңа да кирәге чыгып куюы бар. Бүләк өчен менә дигән идея...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9469
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9604
    8
    79
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5280
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4075
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6477
    2
    30
Реклама
Соңгы комментарийлар
  • 31 июль 2021 - 14:13
    Без имени
    Аллаһыга сыенырга кирэк, догалар укырга, дога ярсыган йорэкне тынычландыра ул.
    Ничек онытырга?
  • 31 июль 2021 - 23:11
    Без имени
    3 тапкыр ташлаган нинди кинэш сезгэ. Бер нинди кинэш тэ сезгэ булышмый.
    Ничек онытырга?
  • 31 июль 2021 - 22:51
    Без имени
    Азрак гордость диган айбкр булырга тиеш сина аягын сорткан да сорткан бит и биграк исар булгансын бит.
    Ничек онытырга?
  • 1 август 2021 - 20:56
    Без имени
    Җуләр, нәрсә дип әйтим...
    Ничек онытырга?
  • 1 август 2021 - 21:15
    Без имени
    Ачу кила башлады инде, бер да узенне ихтирам итмисен икан.
    Ничек онытырга?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан