Җир шарын әйләндерә-әйләндерә музыка тыңлыйк әле!.. 

 

Тормыш дәвам итә! Классташлар җибәргән хәбәрләрдән яз исе, җир исе килә, шаулап авыл тормышы килеп керә. Әйтерсең, бернинди коронавирус та юк. Рәхмәт, дуслар! Күңелләр күтәрелеп китә икән җанга ятышлы хәбәрләрдән. 

Әнә Сафура яза: «Ирем яңа сыерчык оялары ясап элгән иде, ошаттылар кошкайлар! Шатлыгыбызны сезгә дә җибәрергә булдым. Кечкенә генә куаныч та яшәү көче өстәсен!» 

Җәүһәрия яза: «Сылтаманы ачып карасагыз, Җир шары картасын күрерсез. Анда бик күп яшел нокталар сибелгән. Алар – җирле радиостанцияләр! Кайсына кагылсагыз да, җырлый башлыйлар! Гаҗәп бит! Дөньяның теләсә кайсы радиостанциясен тыңлый аласыз! Җир шарын әйләндерә-әйләндерә, матур музыка тыңлагыз, дуслар!»

Әлфия шалтырата! Шат тавышы яңгырый: 

–  Мин авылда, малай! Монда рәхәт: кошлар сайрый, дөнья уяна.Чәчүгә төштеләр... Әллә нинди моңарчы күренмәгән ят кошлар өерләре белән тыкрыкка килеп куна да, дәррәү күтәрелеп тә китә. Көртлеккә дә, күгәрченгә дә охшаган үзләре... Петрушка, редискалар чәчтем. Флокслар, тюльпаннар баш калкыта. Сиреньнәр бөредә утыра. Кар эрүгә үк чыга торган кара суган яшел түтәл булып утыра. Икенче кат тәрәзәләрен юган идем, бөтен тирә-як, Сөн буйлары, Сабантуй урыннары, урманнар, «Тимер тырнак» әрәмәләре и матур булып күренә инде! Әнә, сезнең өйне, капка төпләрегезн күрәм. Бар да тәртиптә! Әле юлны кырдырып чистартып китте трактор... 

Хәнә белән Фәйрүзә җанны иркәли торган җырлар җибәрә. 

Тизрәк туган якларга кайтасы, җыенысы белән күрешәсе, балачактагыча ваемсыз булып йөрисе килә. Урманга барып каен суы эчеп, төпсез күлдән умырзая өзеп, яланда карга боткасы пешереп... 

Ә әни кычыткан ашы пешереп көтәдер кебек... 

Ә монда нәркисләр, лаләләр уянган. Күзне иркәлиләр...   

 Ә без, әйдәгез, Җир шарын әйләндерә-әйләндерә музыка тыңлыйк хәзер: https://radio.garden/

 

                                                         

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8416
    1
    108
  • 8868
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9835
    1
    55
Реклама
Соңгы комментарийлар
  • 30 сентябрь 2020 - 09:42
    Без имени
    Шамсия ярата белмэгэн,анламыйда яратунын ничек булганын.
    Парлы ялгызлар
  • 30 сентябрь 2020 - 15:34
    Без имени
    Аңлашылмады. Ире белән язылышмыйча яшәгәннәрмени? ЗАГСка барабыз дигән.
    Күз белән каш арасы...
  • 30 сентябрь 2020 - 16:46
    Без имени
    Ике тиле...
    Парлы ялгызлар
  • 29 сентябрь 2020 - 20:37
    Без имени
    Шундый матур язылган!Укыйсы да укыйсы гына килэ!
    Яшел кар
  • 28 сентябрь 2020 - 10:18
    Без имени
    Гел белмэсэ бик эйбэт. Бер ачуланышканда йорэк озгеч сузлэр ишетэсегез килмэсэ белдермэгез. Иргэ таянган иделгэ таянган дилэр. Таяк та бер ата. Гомер озак.
    Аналыгыңны алганнарын иреңә әйтергәме, юкмы?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...