Дөньяга ачылган тәрәзә

Күрмәүче кешене озата барсаң, адым саен савап языла, диләр. Ә андый кешенең тормышына ямь өстәсәң, дуслар табышсаң, җирнең матурлыгын күзләр белән түгел, куллар аша күрергә өйрәтсәң, аның өчен дөньяга киң итеп тәрәзә ачсаң, күпме савап язылыр икән?

«Ярдәм» үзәгендә беренче булуыбыз түгел. Анда эшләп килүче «Ярдәм» милли ислам хәйрия фонды турында язып та чыкканыбыз булды. Бик зур, игелекле эшләр башкарыла монда. Күзләре начар күрүче яки бөтенләй күрмәүчеләр, йөри алмаучы яки авырлык белән йөрүчеләр өчен тернәкләндерү курслары уздырганнарын,  авыр хәлдәге гаиләләргә булышканнарын, наркотикларга һәм алкогольгә бәйлелектә булучыларга ярдәм кулы сузганнарын, тоткынлыкта булып, иреккә чыкканнарга яңадан тормышка кайтырга юл күрсәткәннәрен, мохтаҗлар өчен ифтар ашлары, бәйрәмнәр уздырганнарын белә идек инде.  

Инде менә  тагын бер бик игелекле зур эш башкарганнар – күзләре зәгыйфьләр өчен махсус «Йөрәк белән күрәбез һәм ишетәбез» дигән проектны гамәлгә куйганнар. Әлеге проект белән таныштыру, ирешелгән максатларны барлау ниятеннән 17 сентябрь көнне «Ярдәм» үзәгендә зур очрашу булган иде. Игелекнең чиксезлегенә, миһербанның әле Җир шарында яшәвенә инанып кайттык аннан. Күп очракта без тормышның начар ягын гына күрергә омтылабыз, яхшы эшләр никтер күләгәдә кала. Югыйсә әнә нинди саваплы гамәлләр башкарыла Казаныбызда.

Әйдәгез, сүзне проектның авторларына һәм аны тормышка ашыручыларның  үзләренә бирик. Йөрәктән чыккан гына йөрәкләргә барып җитә бит ул. «2018 елның 1 июнендә «Ярдәм» милли ислам хәйрия фонды Россия Президентының гражданнар җәмгыятен үстерүгә юнәлтелгән грантлар бәйгесендә җиңеп чыккан иде. Аларга җиңү китергән проектның бюджеты – 22 миллион 480 мең 716 сум. Бу сумманың 9 миллион 976 мең 680 сумын Президентның гражданнар җәмгыятен үстерүгә юнәлтелгән грантлары фонд-операторы финанслады. Татарстаннан җиңү яулаган социаль яктан әһәмиятле 58 проект арасында «Ярдәм» хәйрия фондының «Йөрәк белән күрәбез һәм ишетәбез» проектына бирелгәне иң зурысы», – диде әлеге хәйрия фондының белем бирү-тернәкләндерү үзәге директоры, проектның җитәкчесе Мәликә Гыйльметдинова.

Проект  күрмәүче һәм начар күрүчеләргә белем бирү, тернәкләндерүне һәм тернәкләнгәннән соң кирәк булган чараларны да үз эченә ала. Алар – «Луи Брайль» системасы буенча укырга, махсус «Jaws» программасы нигезендә компьютерда эшләргә өйрәтү, психологик һәм медицина ярдәме күрсәтү, мәдәният белән таныштыру, кызыклы экскурцияләр, спорт чаралары, әйләнә-тирәлеккә җайлашырга ярдәм итү, йорт эшләренә өйрәтү, юридик ярдәм күрсәтү, эшкә урнашырга булышу.

Шунысы кызык, әлеге проектта катнашырга теләк белдерүчеләр Татарстаннан гына түгел, бөтен Россиядән җыелган. «Илебезнең 40 төбәгеннән 225 кеше килде», – диделәр проектны оештыручылар. Укырга теләүчеләр күп булгач, 50 кешене артыграк та алганнар. Барлыгы 5 курс уздырылган. Казанның бу тәҗрибәсен үзләрендә дә кулланырга теләүчеләр булган. Кыргызстаннан килеп белем алучы шундый бер кыз турында әйттеләр. Күзләре күрмәсә дә, ул да үзләрендә шундый курслар ачарга ният итеп кайтып киткән Айгерим.

Очрашуда сүз курсларда катнашучыларның үзләренә дә бирелде. Горбушина Галина ханым әнә Удмуртиядән килгән. «Без Удмуртиядән дүртәү килдек. Әлеге үзәктә үткәргән бер аебыз бер көн кебек үтте дә китте. Кайларда гына булмадык та, ниләр белән генә танышмадык. Тәнебез түгел, җаныбыз ял итте монда. Без монда дуслар таптык, проблемаларыбыздан арынып тордык», – дип илһамланып сөйләде ул.

Зинаида ханым Улан-Удэдан, Гөлнур ханым Кемеровадан килгән. Рәхмәт сүзләрен алар шулай тиеш булган өчен түгел, чын йөрәкләреннән әйтә.

Әлеге проект белән генә тукталып калырга җыенмыйлар, билгеле, «Ярдәм»дә. Чираттагы проект балалар церебраль параличы белән авыручыларга, авырдан йөрүче яки коляскада гына хәрәкәтләнүчеләргә юнәлтеләчәк. «Сөйләүче куллар» проекты исә начар ишетүчеләргә ярдәм итү өчен оештырала.

Фонд оешкан 2007 елдан алып бүгенге көнгәчә:

күрмәүчеләр өчен Брайль системасы белән 83 мең 600 данә китап бастырылган;

284 мең 200 кеше кайнар аш, тәмле ризык белән сыйланган;

мохтаҗларга 373 тонна азык-төлек таратылган;

39 мең 209 кешегә адреслы ярдәм күрсәтелгән;

9570 кеше ислам нигезләрен өйрәнгән.

Болар – «Ярдәм» фонды тарафыннан башкарылган эшләрнең бик азы гына әле. Аның ярдәме белән «Сөләйман» ислам агарту үзәге, «Ярдәм» мәчете территориясендә күпфункцияле спорт комплексы төзелеше дәвам итә; социаль мәсьәләләргә багышланган семинарлар һәм конференцияләр оештырыла.

Игелеккә ышану өчен үзеңә игелек кылырга кирәк, дигән Лев Толстой мең кат хаклы.

 

Фото: www.yardem.ru сайтыннан 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
  • Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
    6553
    0
    96
  • "Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
    9176
    0
    73
  • 4291
    0
    49
  • Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
    3429
    3
    37
Реклама
Соңгы комментарийлар
  • 15 апрель 2021 - 10:33
    Без имени
    Йомшак күңелле балалар үзләре башлап сөйләшергә дә белмиләр шул. Минем дә бердәнбер улымның йөрегән кызлары үзеннән олы була. Ахрысы, кызлар үзләре кыюрак минем улымнан. Берни дә әйтеп булмый. Үзе тормышын үзе корсын, дип, барысына да риза мин.
    Улыбыз өч балалы хатын алган...
  • 15 апрель 2021 - 08:49
    Без имени
    Мескен апа, жылап укыдым. Рэхмэт Фагилэ
    Сания апа бәхете
  • 15 апрель 2021 - 09:13
    Без имени
    Тиле Бергена торле булмый шул! Анны биргэн акчаларын нык жыеп тоталар иде..узендэ берэр торып урын кара Иден бу кон килэчэге кон кебек ачык иде лэбаса!
    Бумеранг законы 
  • 15 апрель 2021 - 06:36
    Без имени
    Кайчандр улда бит хатыныкы г-на булган син аны аертп алдын.алай бэхетле булп буламы. Тап башканы буйдак аерылганны. Хэм яшэ гаилэ короп балан булгач бэлхем иялэшерсен. Купме хатын ялгыз тормош алып бара. Авыр булсада. Баласы дип Яши. Парлы матур гаилэне бозоп аерп яшэмэгез. Гел тормош ак полосадангна тормый. Ометлэнеп яхшы хыяллар, эчкерсезлек уцсезлек б, н яшэргэ кирэк. Кешегэ хэттэ дошманынада яхшы телэк телэсэ, узендэ унай ягы б, н кайтр.
    Бумеранг законы 
  • 15 апрель 2021 - 06:49
    Без имени
    Гомер буе матур тороп булмый, аннан баланы сонга калп тапсан, устеруе читен. 35 тэ2 табалар.ул барбр хатынын ташламый, тормош алып баррга ул яхшы, балалары очендэ яхшы эни. Атнага 1 Ир курэм дип ят инде. Ялгзак булып. Анлаш. Анын б, н. Яшьлек утэ сизмисен олгайганны. Хатыны белсэдэ дэшми. Топле. Ул бары синен назын рэхэтлеген алыр оченгнэ килэ бит. Утрып чэйдэ эчмэгэч. Бу ярату тугел. Э син куркасын авырлыктан тормош алып бара алмам башка б, н дип. Акча эз булсада житэ. Куп булсада бетэ. Парлы булып анлашп яшэгэндэ житэ.
    Cөяркәм фатир бүләк итте
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи