Чирмешән районындагы Лашман авылындагы 13 яшьлек үсмер кызның ата-анасы 28 яшьлек Рәсүл Салихов белән никах укытырга ризалык биргән. Тик хокук саклау органнары моны җинаятькә санап, кияүне кулга алганнар. Хәзер тикшерү эшләре бара.
Чирмешән районындагы Лашман авылындагы 13 яшьлек үсмер кызның ата-анасы 28 яшьлек Рәсүл Салихов белән никах укытырга ризалык биргән. Тик хокук саклау органнары моны җинаятькә санап, кияүне кулга алганнар. Хәзер тикшерү эшләре бара.
Райондагы үз чыганакларыбыз сүзләренә караганда, никах укыту әнисе инициативасы белән булган. Бу адымга ул «кызы Коръән өйрәнүен дәвам итәр өчен» барган. Моннан кала яшьләр арасында мәхәббәт чаткылары да узган. Татарстан Диния нәзарәтенең бу уңайдан биргән рәсми мәгълүматларына караганда, Рәсүл Салихов имам түгел, дөрес, ул мәчеткә йөргән, ләкин аның халыкны укытыр өчен кирәкле документлары булмаган. «Шаһәдәтнамә алыр өчен даими рәвештә квалификацияне күтәреп торырга, аттестация узарга кирәк», – дип белдерде нәзарәтнең матбугат хезмәте җитәкчесе Резеда Закирова.
Диния нәзарәте әлеге никахны якламый, чөнки Голәмәләр шурасы тарафыннан расланган, Россия кануннарын исәпкә алып, хәнәфи мәсхәбенә туры китереп имам-хатыйблар өчен язылган Нигезләмәдә никахка керү яше күрсәтелгән. Имамнар бары тик балигъ булган яшьтәгеләргә генә никах укый ала.
Бу факт буенча әлегә тикшерү эшләре алып барыла. Үз чыганагыбыз сүзләренә караганда, кызның әнисе киявен яклый. Ана сүзләренә караганда, никах яшьләр ялгызлары калып аралаша алсын өчен (шәригать кануннары буенча, кыз бала чит ир-ат белән ялгыз калырга тиеш түгел) укылган. Аларның зөфаф төне булмаган. Моның өчен кызның балигъ булуын көткәннәр. Диния нәзарәте дә суд карары чыкканчы шикләнүчегә вакытыннан алда гаеп такмаска өйди. Барысын да әнә шул экспертиза документы хәл итәргә мөмкин.
Бала язмышы да бар бит әле. Яңа гына дөньяга аяк басып, чәчәк атарга бөреләнә башлаган баланың киләчәге ничек булыр? Күрәсең, дини кануннар белән яшәгән ана бу хакта уйлап җиткермәгәндер. Без дөньяви җәмгыять дәүләтендә яшибез. Җәмгыятьтә яшәп, аннан ирекле булу мөмкин түгел шул...
Следите за самым важным и интересным в Telegram-каналеТатмедиа
Чулпан ГАЛИӘХМӘТОВА,
Комментарийлар
0
0
Әхлаксыз яшәү рәвеше алып баручы яшүсмерләр кем белән, кайда, нинди кеше белән интим бәйләнештә керсәләр дә ярый, ә алдан никах укытып, кыз балигъ булгач гаилә тормышы белән яшәргә ниятләгән кешеләрне бөтен дөньяга шәрран ярып фашлау, аларны гаепләү дөрес булдымы? Нигә егетне кулга алырга? Ул нинди җинаять кылган??????? Ә? Мин аңламыйм. Безнең җәмгыятьтә миллиардлап урлаганнарны "күрмиләр. Амораль тормыш алып баручылар - гламур, глянец. Яулыктан йөрүчеләр, озын күлмәк киючеләр - тәнкыйтьләнә, Шәрәләргә - сүз юк. Нинди кешеләр, нинди җәмгыять Төкерергә төкерек тә җәл "хокук саклаучы"ларга ...
0
0
0
0
Уз баланны ничек яратмаска киряк, 13 яшьтя ул бала нярся анлый ала? Никах укытып куеп алдагы юлларын ябу була тугелмя? Кечкеня бала эни кушканны эшли, узе эле анламый бит.бэлки аны алдагы кондя зур мяхябят котядер? Ашык маска киряк,кыз чаклар болай да тиз уза. Э хязер нярся инде, егет кулга алынган,э бялякяй кыз баланын кунгеле китек. Без олылар ,тормыш тяжрибябез бар,баланын бяхетле булуы безнен кулда, укытыйк,тярбиялик,устерик язмышына аяк чалмыйк, кулына профессия бирик. Э алдагы конендя уз бяхетен табар,
0
0