​Зөлфия ВӘЛИЕВА: «Бәхет мендәрчекләремне оятсызларча урладылар»



Тинчурин театры артисты, «Зө-Ләй-Лә» триосы җырчысы, Татарстанның атказанган артисты Зөлфия Вәлиеваның гадәти булмаган шөгылен күпләр белә. Үзе уйлап тапкан схема буенча «бәхет мендәрчекләре» чигә ул. Аның ул сувенир мендәрчекләре кая гына таралмады инде! Ә берничә көн элек Зөлфия Вәлиева мендәрчекләргә бәйле күңелсез хәбәр җиткерде.

Бактың исә, кемдер Инстаграмда «Подушечки на счастье» (podushechki_na_schaste.rt) дигән аккаунт булдырып, бер мендәрчекне 800 сумнан сатып ята икән. Әлеге мендәрчекләрнең схемасы да, орнаменты да, детальләре дә – барысы-барысы да Зөлфия Вәлиевадан «күчереп алынган». Артист үзе моны оятсызларча урлау дип бәяли. «Бу кешеләр минем өч ел дәвамында уйлаган авторлык идеямне урлаганнар! Бер бизәген дә, детален дә үзгәртмәгәннәр – барысы да нәкъ мин уйлап тапканча. Мендәрчекләрне ясавын үзләре ясаганнар. Минекеләр булса, таныр идем, чөнки мин һәр ясаган мендәрчегемне хәтерлим. Бөтен Россия буенча җибәрәбез, бәясе 800 сум, дип язып куйганнар. Мин ясый торганнары 650 сум, ул акча мендәрчекне эшләүгә тотылган материалларның бәясен каплау өчен генә куелды. Сатудан кергән акча хәйрия максатларында тотыла. Мин һәр мендәрчеккә күңел җылымны кушып эшлим, шуңа күрә бу эшкә акча эшләү дип карамый.



Тик иң мөһиме минем идеяне урлаулары да түгел. Алар бу мендәрчекне саклаучы талисман итеп күрсәтә. Ә бу ислам диненә каршы килә. Мин мендәрчекләрне тегәргә алынгач, бу теманы яхшылап өйрәндем, дин әһелләре белән дә киңәшләштем. Кечкенә вакытта минем кызыл тукыма тегелгән өчпочмаклы тукыма кисәге бар иде, эченә дога тыгылган – бөти була инде ягъни. Балага исем кушарга килгәч, мулла калдырып китә торган булган аны. Бөти эчендәге дога, бала үзе дога укыр яшькә җиткәнче, аны саклый, дип ышанганнар. Бүген дә бар ул гадәт. Тик бөти түгел, дога саклый кешене – хәзрәтләр миңа шуны аңлатты. Шуңа күрә мендәрчекләремнең идеясен урлаган кешеләр, аларны талисман дип алдалап сатып, өсләренә икеләтә гөнаһ ала. Рамазан аенда, «Аллаһ» сүзе белән коралланып, акча эшләргә уйлаган инде ул кешеләр. Мин мендәрчекләрне чигәр алдыннан аңа заказ биргән кешедән сорыйм: бу мендәрчек кайда торачак, дим. Өй түрендә яки машинаның алгы тәрәзәсендә, дисә, мендәрчекнең арткы ягына «Аллаһ» сүзен чигәм. Ул кеше Аллаһ турында исенә төшереп торсын, мендәрчекне күргән саен дога укысын өчен генә. Әгәр сумкага тагу өчен алсалар, «Аллаһ» сүзен чикмим. «Аллаһ» сүзе теләсә кайда булырга тиеш түгел», – дип сөйләде Зөлфия Вәлиева.

«Бәхет мендәрчекләре»н ничек ясый башлавын да искә алды ул:

– Бервакыт иптәш кызымның ун яшьлек кызына бүләккә нәрсә алыйм икән дип сайланып йөрдем дә, энә белән чигү җепләре җыелмасы сатып алдым. Тик минем алда гына икенче бер дус кызыбыз чигү җыелмасы бүләк итте. Мин дә шундыйны ук бирә алмыйм бит инде, дидем дә, сумкамда калды бу.

Кәрим башлангыч классны тәмамлый, укытучысына ниндидер бүләк бирәсе килә. Теге җепләрне тартып чыгардым. Карале, бу бик тиз чигелә икән, дип уйладым да бер утыруда чигеп тә бетердем. Эченә мамык тутырып, мендәрчек ясап бүләк иттем. Берничә көннән бу укытучы шалтырата: «Зөлфия, минем яныма бер укытучы керде, мендәрчеккә кызыкты, каян алдыгыз аны?» – ди. Үзем ясадым, дим. Аңа да шундыйны ясап булмасмы икән, акча түләр идем, ди бу. Ярар, ясармын, дидем. Җепләр калган иде, тагын берне чиктем, монысы кечерәк булды.

Шуннан китте инде. Кайвакыт концертка киләбез дә чыгышыбызны ике-өч сәгать көтеп утырабыз. Тик утырганчы, шушыны чигеп утырырмын, дидем. Тора-бара рәсемен үзгәрттем. Танышлар бүләккә дип ала башладылар. Минем мендәрчекләрем әкренләп бөтен дөньяга тарала: Австралиядә бар, Лондонда аукционда саттык, берсен 50 фунтка (безнең акча белән 3000 сум тирәсе) сатып алдылар, бер биюче кыз икене Испаниягә алып китте. Ә сатудан кергән акчаны хәйриягә тотабыз. Лондонда сатылганнан кергәнен Арчадагы балалар йортына күчердек.

Бу эшкә тотынырга Аллаһы Тәгалә үзе юл күрсәткәндер, мөгаен. Мин инде аннан күптәннән: «Миңа кешегә файда китерә дә торган, үз күңелемә дә ятышлы бер эш кирәк», – дип сорый идем.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7429
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4521
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    5296
    0
    40
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    3005
    4
    37
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9844
    7
    35
Реклама
Соңгы комментарийлар
  • 2 декабрь 2022 - 11:24
    Без имени
    Көнләшү гөмерлек чир ул.Көнчел кешенең фантазияседә бик бай.Үзе уйлап чыгарган уйдырмаларына ышанып хатын-кыздан көнләшеп яшиләр алар.Минем баштан үтте инде,әледә үтә.Инде яшедә бара бит.
    Үтмә, гомер, заяга!
  • 2 декабрь 2022 - 13:15
    Без имени
    Шулай кылына башлаганнар иде..мин просто алар Килер алдыннан ойдэн баламны ала идем Дэ чыгып ыза идем .. берседэ каршы очрадылар ..типо не знакомые люди уздымда киттем дэшмэдемдэ
    Иремнең туганнары...
  • 2 декабрь 2022 - 19:55
    Без имени
    Елый елый укыдым әби белән бабай өчен шатландым гел шулай кешеләр бер берсен тапсыннар иде
    Әти өйләнә
  • 2 декабрь 2022 - 22:58
    Без имени
    Мин тормыш кургэн кеше буларак язам.Мондый хэллэрне мин дэ курдем. Кайнанам 5 ел безнен 1 булмэле малосемейкада яшэде безнен белэн. Узебез 4эу(2 бала), ул килэ кыш чыгарга, авылда ягарга утыны юк,газ кермэгэн. Октябрь аенда килэ, апрель азагында кайтып китэ. 60 яше дэ тулмаган"карчык". Кызы да шэхэрдэ 2 булмэле кв.да яши, юк,менэ бездэ ятарга кирэк малай белэн киленне саклап. Хэзер узем дэ шаккатам, ничек тузгэнмендер. Менэ безне энилэр сабыр итегез, тузегез дип устерделэр, аларга каршы бара алмадык. Хэзер булсамы? Малае белэн икесен авылга жибэрер идем, бергэлэп яшэгез дип. Эле энилэренен хэлен белергэ кияулэр,кызлар килэ шунда. Туз дип язган кешелэргэ эйтэсем килэ:узегез яшэп карадыгызмы шулай,туздегезме? Аны эйтуе жинел туз дип. Менэ шул тузгэнгэ курэ, пенсиягэ чыкмас борын чирдэн баш чыкмый. Тузмэ ,сенелем,иренэ ультиматум куй, я туганнарын,я мин диген.Я алар килеп керугэ чыгып кит. 1-2 тапкыр койлэп карасын ,аннан белер.Узе ук не рад будет, урысча эйткэндэ.
    Иремнең туганнары...
  • 2 декабрь 2022 - 22:12
    Без имени
    Эйе. Доньялар узгэрде. Эти-эни дип улеп торган буын картаеп бара. Картайгач ,балалар карар эле , дигэн омет юк дэрэжэсендэ. Барыбыз да ,авырып озак ятарга язмасын, дип телибез аллаха тэгалэдэн. Э балаларнын шундый булып усулэрендэ жэмгыятьне генэ гаеплэп калдыру дорес микэн? Бэлки менэ узебез гаепледер. Аларга булсын, алар интекмэсен диеп устеру узе ук дорес тугел бит. Хезмэт тэрбиясе юк, эхлак тэрбиясе дигэн тошенчэ, гомумэн дэ, онытылды. Уйланырлык хэллэр бу...
    Без бернәрсә тиеш түгел
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда