Сәхнә арты

Филүс Каһиров, Ришат Төхвәтуллин... Инде өченчесе - Артур Шөгаепов нигә Рифат Фәттаховтан киткән?

автор, 20 август 2017 - 00:00
506
0
0
2015 елда Ваһапов исемендәге Яшь башкаручылар конкурсында катнашып, икенче урынга лаек булган җырчы Артур Шөгаепов Ваһапов фонды белән килешүен өзгән. "Мәдинәм", "Янам да янам, иркәм" җырлары аша халык күңеленә кергән җырчы ни өчен Ваһапов фондыннан киткән? Артур продюсеры белән ачуланышканмы, әллә дусларча аерылышканмы? Бу хакта үзеннән сораштык.

- Артур, ни сәбәпле Ваһапов фонды белән араны өздең?

- Мин үземә үзем хуҗа булып өйрәнгәнмен. Миңа шулай җайлырак. Ваһапов конкурсында катнашканнан соң, продюсер Рифат Фәттахов минем белән кызыксынды һәм бик тиздән аның белән килешү төзедек. Фонд белән ике ел хезмәттәшлек иттем. Рифат Фәттаховка зур рәхмәтем, иҗатымны үстерүгә зур өлешен кертте, бик тату эшләдек. Аның эше халыкка күренмәсә дә, ярдәме көчле булды. Контрактны зур татулыкта өздек. Тыңлады, аңлады, җибәрде. Рәхмәт!

- Синеңчә, артист кешегә продюсер кирәкме?

- Продюсерсыз, әлбәттә, булмый. Концертлар оештыручы, алдан баручы көчле продюсер булырга тиеш! Ләкин, минемчә, ул бер җырчы белән генә эшләргә тиеш. Ни өчен дигәндә, әгәр ул 10 җырчыны алса, барысына да өлгерә алмаячак, аның вакыты җитмәячәк. Шуңа күрә, миңа калса, продюсер бер яки ике җырчы белән генә эшләргә тиеш. Шул вакытта гына әйбәт нәтиҗә булачак.

- Киләчәккә нинди планнарың?

- Киләчәккә планнарым матур. Барысы да әйбәт булыр дип ышанам. Беренче ярдәмчем, остазым - әнием. Ул иҗат иткән җырларны башкарам. Хәзерге вакытта "Сандугач" җыры белән хит-парадта катнашам. Тамашачыма яңа программа әзерлим. Сентябрьдә узачак концертыма әзерлек эшләре бара, бик күңелле булачак.

Артур Шөгаепов 1990 елның 25 июнендә Башкортстанның Нуриман районы Кызыл Яр авылында хәрби һәм биюче гаиләсендә дөньяга килгән. Гаиләдә алар ике бала, Артурның Рушан исемле энесе бар. Җырчы балачактан музыкага тартыла. "Хәтерлим, миңа 5 яшь иде. Өй янында яткан бер тактага клавишлар ясап, җыр көйләп, шунда уйнаганым исемдә. Ул вакытта көй, чынннан да, мин ясаган фортепианодан агыла кебек тоелды", - ди Артур. 



чыганак: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Төркәлү
Cимвол калды:
Хәзер укыйлар
Соңгы комментарийлар
Фотогалерея
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...
Барлык язмалар
© 2011 - 2020. Сөембикә. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Сөембикә
№ свидетельства о регистрации СМИ, дата: Эл № ФС77-67913 от 6.12.2016 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Маликова Лариса Николаевна
Адрес редакции: 420066, г. Казань, ул. Декабристов, д. 2
Телефон редакции: (843) 222-09-77
E-mail редакции: suumbike@tatmedia.com, ssuum@yandex.ru
Для сообщений о фактах коррупции suumbike.dir@tatmedia.com
Учредитель СМИ: АО «ТАТМЕДИА»
Политика о персональных данных
Антикоррупционная политика
Телефон АО «ТАТМЕДИА»: (843) 222 09 84
Яндекс.Метрика
16+