Элвин Грей белән Гөлназ Асаева кызыл келәмнән бергә узды - Башкортстандагы татар җырчылары очрашуыннан эксклюзив репортаж



Уфа шәһәрендә "Туган тел" музыкаль каналы тарафыннан оештырылган татар-башкорт артистларының грандиоз чарасы узды. TTstarparty исемле ябык кичә - Уфада беренче тапкыр үткәрелде. Intertat.ru - бәйрәмгә чакырылган бердәнбер массакүләм мәгълүмат чарасы иде.

 

Уфада Intertat.ru хәбәрчесен Башкортстанның танылган җырчысы Марат Шәйбәков каршы алды. Җирле сәгать белән төн уртасы булуына карамастан, Марат һәм аның мөлаем тормыш иптәше Ләйсән безне җылы каршы алды, кунак итте. Хәер, бу хакта һәм Маратның әле тамашачы белмәгән сыйфатлары турында аерым язмабыз булачак.


 

"Туган тел" каналының ябык кичәсендә артистлар беренче тапкыр кызыл келәмнән узды. Шуңамы, бирегә килгәч, күбесе нык дулкынланды, борчылды. Бәйрәмгә барлыгы 80 артист чакырылган булган, әмма аларның барысы да килмәгән. Без - Татарстан тамашачыларына таныш йөзләр дә бар иде: Айдар Галимов, Гүзәл Әхмәтова, Зифа Нагаева, Ризван Хәкимов, Әнвәр Нургалиев, Илмир Газизуллин, Илшат Вәлиев, Илшат Яппаров, Идрис Кәлимуллин, Идрис Газиев, Лилия Биктимерова, Фәдис Ганиев, Мирхәт Гайсин, Фәридә һәм Роберт Тимербаевлар, Рөстәм Шакиров, Флорида Исмәгыйлева, Марат Шәйбәков, Резеда Байтирәкова, Инсаф Галимов, Искәндәр Газизов, Алмаз һәм Айдар Юнысовлар, Ләйлә һәм Рөстәм Галиевлар, Флера Шәрипова, Наил Шәймәрданов һәм башкалар.





 

Җырчылар кызыл келәмгә чит ил машиналарында килеп туктады. Шунысы гаҗәп: артистларны машиналарга бик кызыклы составта утыртканнар. Әйтик, Элвин Грей (Радик Юльякшин) белән Гөлназ Асаева кызыл келәмнән бергә узды. "Кызыл келәмнән икәү узачагыбызны ахырга кадәр белмәдек. Радик - якын дустым булгач, моңа сөендем, әлбәттә", - диде бу хакта Гөлназ. Яшьләр өстәл артында бергә утырды. Ә менә Гүзәл Әхмәтова Әнвәр Нургалиев һәм Марат Шәйбәков белән бер машинада килде. Имеш-мимешләр буенча, Гүзәл белән Марат яшь чакта очрашып йөргән булган. Сүз уңаеннан, Гүзәл Әхмәтова октябрь аенда әни булырга җыена. "Йөклелек чоры яхшы уза, гел хәрәкәттә мин, чабып йөрим. Малаймы, кызмы икәне әлегә сер", - диде Гүзәл.





 

Артист халкы кызыл келәмнән бер төрле күлмәктән узса, банкетка барысы да киемен алыштырып керде. Мөгаен, үзара сөйләшеп шулай эшләнгәндер дигән фикер туды. Табын артына утырганчы, җырчылар кызыл келәмгә килгән фанатлары белән фотога төште, "Туган тел" телеканалына интервью бирде, ял итте, хәтта массаж ясатты. Әйе, биредә җырчыларга массаж хезмәте дә күрсәтелде. Фанатлар дигәннән, әллә чара узган урын шәһәрдән ерак булу, әллә эш көненә туры килү сәбәпле, тамашачылар саны аз иде. Аннан соң бу бит ябык кичә, шуңа да аның турында алдан реклама булмаган. Шулай булгач уфалылар бу грандиоз чара турында белми дә калгандыр.





Банкетны "Туган тел" каналының алып баручылары Айгөл Габдуллина, Лилиана Ирназарова, Роза Хәйруллина һәм Диләрә Хәбибуллина алып барды. Бу кызлар - уникаль: алып та баралар, менә дигән итеп җырлый да беләләр! Гомумән, Башкортстанда җырлый белмәүче җырчы бар микән ул? Алар талантлы булулары өстенә бердәм, дус булуларын да күрсәтте. Гел җырчылар гына булгач, һәркайсы җырлап калырга ашыкты, микрофонга чиратка бастылар. Алып баручы Айгөл "Айдар Галимов беренче тапкыр банкет ахырына кадәр утырды", диде. Айдар бу кичәдә актив кунаклар рәтендә булды, кич буе тирләп-пешеп биеде!.. Гомумән, артистлар ашау-эчүне онытып, рәхәтләнеп биеп күңел ачты. Ашау дигәннән, табын мулдан корылган иде, оештыручылар ул яктан да сынатмаган.



 

"Мондый форматта, шушындый атмосферада коллегаларымны күрергә шат. Без кайда гына очрашмыйбыз! Әмма сәхнә ул сәхнә, корпоратив ул корпоратив. Кунаклар ролендә - без, игътибар безгә юнәлтелгән булуына без өйрәнмәгән дә шикелле. Шуңа күрә башта үзебезгә сәерсенеп тә карап тордык", - диде Айдар Галимов.

 

Зифа Нагаева исә бу чараның күркәм традициягә әверелүен теләде. "Яшел яки зәңгәр келәмнән узсак та, бик күңелле, рәхәт безгә! Күптән шулай җыеласы иде!" - диде Зифа ханым. "Киенеп килергә дигәч, өйдән үк бизәнеп, ясанып, киенеп килдек. Подъезддан чыкканны күргән кеше сәер итеп карагандыр инде. Тулаем алганда, кәеф күтәренке! Бу кичә соңгысы булмасын иде!" - диде Фәдис Ганиев.



"Туган тел" ачылган көннән бирле аның белән хезмәттәшлек итәм. Ул - минем беренче сукмагым. Җитәкчеләргә, артистларга - һәркайсына рәхмәтемне белдерәм. Бу чараның дәвамлы булуын телим. Банкет оештыру димәгән, җыелышып табигатькә чыгарга, ауга яки балыкка барырга да мөмкин. "Туган тел"гә якты киләчәк телим!" - диде Элвин Грей. Монда да Радик популяр икән: ул җырлый башлагач, барысы да диярлек телефонына ябышты. Читтән караганда, Элвин Грей фанатлары белән фотога төшә сыман тоелды.



Шушы искиткеч бәйрәмне оештырган "Туган тел" телеканалының генераль директоры Азат Вахитов белән дә аралашып алдык. Ул бирегә тормыш иптәше Эльвира ханым белән килгән. "Каналга тиздән 9 яшь тула, мин исә аны 5 елдан артык җитәклим. Биредә 15ләп кеше хезмәт куя. Рус телендә дә тапшырулар эшләп килә ,чөнки бездә рус телендә җырлаучылар да бар. Хәзерге вакытта артистлар катнашында сериал төшерәбез. Аны октябрь аенда күрә алачаксыз.



 

Кичәгә килгәндә, аның идеясен телеканалның баш редакторы, җырчы Лилиана Ирназарова тәкъдим итте. Артистларның канәгать булуы йөзләренә чыккан. Бу көн тарихка кереп калачак, диделәр. Гадәттә, артистлар кеше күңелен күрә, бүген исә без аларның күңелен ачтык. Икенчедән, артистларга безнең белән бергә булганнары өчен бу рәвешле рәхмәт белдердек. Бу чарага бер артисттан да акча алынмады. Ә инде чыгымнарга килгәндә, без аны санап тормадык, якынча 200-300 мең сум. Дөресен генә әйткәндә, анысы мөһим дә түгел. "Туган тел" - дәүләтнеке түгел, үз көнен үзе күрә. Сер түгел, мәдәният белән акча эшләп булмый, безнең максат - милләтне, сәнгатьне күтәрү", - диде Азат Вахитов.





Аның сүзләренчә, тиздән Казанда "Туган тел" телеканалының офисы ачылачак. Ул август ахырында тәкъдим ителер дип көтелә. "Уфа артистлары катнашында концерт куячакбыз. Бездә алар танылган, популяр булса да, Татарстан тамашачысы аларны белми әле. Шуңа күрә мин Татарстан артистларын кертмәскә тырышам, чөнки аларның барысын да күрсәтә башласак, үзебезнекеләргә игътибар кимиячәк. Нәкъ шул сәбәпле, бүгенге кичәгә, Илшат Вәлиевтан кала, бары тик Уфада яшәүче артистларны гына чакырдык", - диде "Туган тел" җитәкчесе.



Азат Вахитов Казанда ачылачак филиалда Татарстан артистлары белән дә эшләргә теләвен белдерде. "Мин Казанда эшләүче ТМТВ һәм "Мәйдан" каналларын күзәтеп барам. Алар да, "Туган тел" дә бер-берсеннән бик нык аерыла, хәтта җырлары да башка төрле. Һәркайсының үз тамашачысы. Әйтик, безне күбрәк өлкән буын карый. Башкортстанда безне 80 процент халык карый дип әйтә алам. Аллага шөкер, рейтингыбыз яхшы, әлегә безнең көндәшләребез юк. Әлбәттә, без Татарстан каналлары белән көч сынаша алмыйбыз, чөнки анда безне карый башладылар гына әле. Безнең "Туган тел. Концерт каналы" исемле каналыбыз да бар. Планнарыбыз зурдан. Күптән түгел продюсерлык үзәгенә нигез салынды. Киләчәктә яшь талантлы башкаручыларны халыкка танытырга телибез", - диде ул.



 

Азат Галянурович "гадәттә, артистлар кеше күңелен күрә, бүген исә без аларның күңелен ачтык" дисә дә, кайбер җырчылар чыдый алмады: күрше залда һөнәри бәйрәмнәрен билгеләп үтүче ЮХИДИ хезмәткәрләренең күңелен күреп, җыр аша котлап чыкты.

 

 

Матур кичәнең күңелле мизгеле ул, әлбәттә, бәйрәм торты! "Туган тел" дип язылган зур тортның беренче кисәге Азат Галянуровичка насыйп булды. TTstarparty "И, туган тел" җыры белән тәмамланды. Урамда бәйрәм салюты аттырылды.

 

 

Эльвира ШАКИРОВА, автор фотолары

 

 

 




 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7083
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4431
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2897
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9536
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4606
    0
    33
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда