Безнекеләр марафонда!

Гөлназ Сәфәрова – Татарстанның атказанган артисты.



Моңа кадәр дә марафоннарда катнашканыгыз бар идеме? 
Мәктәп, университет күләмендә узучы марафоннарда катнашканым бар иде.

Гадәти тормышта да йөгерү белән шөгыльләнәсезме?
Юк, дөресен генә әйткәндә, йөгерергә яратмыйм, миңа көч куеп эшли торган физик күнегүләр ошый төшә (силовая нагрузка, урысча әйтсәк).

Әйбәтрәк йөгерү өчен үзегез генә белгән берәр серегез юкмы?
Андый серем юк.

Сез нинди дистанциягә йөгерәчәксез?
Өч чакрымга йөгерергә уйлыйм.

Сезнең җанатарларыгыз да киләчәкме? 
Әйе. Дусларым, гаиләм киләчәк, хәтта Мәскәү, Санкт-Петербургтан кайткан гаилә дусларыбыз да булачак.

Йөгерү өчен сезгә нәрсә көч бирә: берәр дога, талисман, беренче урынны яулау теләге, кеше алдында хурлыкка калмау? 
Лә-Илләхү илләлләхү догасын укыйм да чабам, Аллаһ боерса. Соңгы булып киләсе килми инде, әлбәттә. Лидерлык минем канымда. Ләкин быел минем травма булган иде, шуңа табиплар бөтенләй  йөгермәскә киңәш итте. Ләкин мин мондый чарадан баш тарта алмыйм, җайлап кына йөгерергә тырышырмын.

Татарстанның халык артисты Илдус Габдрахманов, Г. Камал исемендәге татар дәүләт академия театры сәхнәсендә 1990 елдан бирле.

Моңа кадәр дә марафоннарда катнашканыгыз бар идеме?
Бер тапкыр катнашып караганым булды.
Гадәти тормышта да йөгерү белән шөгыльләнәсезме?
Тормыш йөгертә: фитнесска да йөрим, эштә дә шактый йөгерергә туры килә
Әйбәтрәк йөгерү өчен үзегез генә белгән берәр серегез юкмы?
Бер серем дә юк
Сез нинди дистанциягә йөгерәчәксез?
3 чакрымга чабам.
Сезнең җанатарларыгыз да киләчәкме?
Килерләрме-юкмы, әйтә алмыйм, шулай да чакырам.
Йөгерү өчен сезгә нәрсә көч бирә: талисман? Беренче урынны яулау теләге? Кеше алдында хурлыкка калмау? Әллә башка берәр нәрсәме?
Әлбәттә, беренче урын!!!!!! Сәламәтлекне талисман белән генә саклап булмый. Күнегүләр эшләргә кирәк.
Марафонда катнашуыгызның мотивациясе нәрсә?
Сәламәт булу.


Алмаз Сабирҗанов – Татарстанның атказанган артисты, Г. Камал исемендәге татар дәүләт академия театры сәхнәсендә 2006 елдан бирле уйный.



Моңа кадәр дә марафоннарда катнашканыгыз бар идеме?
Мәктәп елларында йөгерү буенча эстафеталарда катнашканым булды, җиңмәсәм дә, иң арттан килүче дә түгел идем.

Гадәти тормышта да йөгерү белән шөгыльләнәсезме?
Гадәти тормышта гел йөгермәсәм дә, күп очракта җәяү йөрергә тырышам.

Әйбәтрәк йөгерү өчен үзегез генә белгән берәр серегез юкмы? 
Иң мөһиме – йөгерү вакытында тизлекне әкренләп кенә арттырырга кирәк.

Сез нинди дистанциягә йөгерәчәксез?
3 чакрымга.

Сезнең җанатарларыгыз да киләчәкме?
Киләчәк, билгеле. Минем өчен гаиләм җан ата, һәм, әлбәттә, Камал театры.

Марафонда катнашуыгызның мотивациясе нәрсә? 
Команда рухы һәм сәламәт яшәү рәвеше.




Илнур Закиров – Г. Камал исемендәге татар дәүләт академия театры сәхнәсендә 2008 елдан бирле уйный.



Моңа кадәр дә марафоннарда катнашканыгыз бар идеме?
Быел 1 нче тапкыр катнашуым! Бөтен дөнья йөгергәндә ник мин дә йөгермәскә тиеш соң дигән уй мизгел эчендә баш мием аша сызгырып үтте дә, катнашырга  теләк белдердем.

Гадәти тормышта да йөгерү белән шөгыльләнәсезме?
Йөгерү белән артык мавыккан юк иде, бәлки, ошап китәр. Без сәламәт яшәү рәвешен хуплыйбыз.

Әйбәтрәк йөгерү өчен үзегез генә белгән берәр серегез юкмы? 
Нияткә ирешү өчен үзем генә белгән бер догам бар. Талисманым да янымда гына.

Сез нинди дистанциягә йөгерәчәксез?
Өч чакрымга ниятләп торам.

Сезнең җанатарларыгыз да киләчәкме?
Җанатарларны белмим, киләме-юкмы, һәркемнең үз эше!


Ләйсән Фәйзуллина – Г. Камал исемендәге татар дәүләт академия театры сәхнәсендә 2008 елдан бирле уйный. 



Моңа кадәр дә марафоннарда катнашканыгыз бар идеме? 
Мәктәптә укыганда чаба идем.

Гадәти тормышта да йөгерү белән шөгыльләнәсезме?
Әлмәттә яшәгәндә өем янында стадион бар иде. Классташ кыз белән шунда иртән бераз тренировкага чыга идек, үзебезчә. Хәзер инде спортзалда кардиотренажерда гына шөгыльләнәм.

Әйбәтрәк йөгерү өчен үзегез генә белгән берәр серегез юкмы?
Бернинди дә сер юк, әмма берүзем генә йөгерергә яратмыйм мин.

Сез нинди дистанциягә йөгерәчәксез?
Әле анысын да белмим. Театрдан, чабарсың, диделәр, мин риза булдым. 

Сезнең җанатарларыгыз да киләчәкме? 
Юк, беркемне дә чакырмадым. Кирәкми, йөрмәсеннәр. Мин үзем өчен генә чабам.

Йөгерү өчен сезгә нәрсә көч бирә: берәр дога, талисман, беренче урынны яулау теләге, кеше алдында хурлыкка калмау? 
Миңа беренче урын кирәкми, мин бит спортчы түгел. 


Эмиль Талипов – Г. Камал исемендәге татар дәүләт академия театры сәхнәсендә – 2008 елдан бирле уйный. Татарстанның М. Җәлил исемендәге республика бүләге лауреаты. 



Моңа кадәр дә марафоннарда катнашканыгыз бар идеме? 
Катнашканым бар иде. Менә монысында да теләкне үзем белдердем. Андый-мондый быел чапсалар, миңа да әйтегез дип, алдан ук кисәтеп куйдым.

Гадәти тормышта да йөгерү белән шөгыльләнәсезме?
Шөгыльләнәм. Мәктәптә укыганда да, студент вакытта да чаптым, хәзер дә иртә-кич чабам.

Әйбәтрәк йөгерү өчен үзегез генә белгән берәр серегез юкмы?
Ул сер – чабу. Чапсаң – була, чапмасаң – юк. Арганчы чабабыз.

Сез нинди дистанциягә йөгерәчәксез?
3 чакрымга йөгерәбез, диделәр. 

Сезнең җанатарларыгыз да киләчәкме?
Җанатарлар да килә. Алар үзләре дә йөгерә.

Йөгерү өчен сезгә нәрсә көч бирә: берәр дога, талисман, беренче урынны яулау теләге, кеше алдында хурлыкка калмау? 
Нәрсә көч бирәме? Беркем бернәрсә бирми. Үзем чабам. Хур булмабыз, Аллаһ боерса, чөнки инде беренче мәртәбә генә йөгерешкә чыгу түгел бит.

Марафонда катнашуыгызның мотивациясе нәрсә? 
Мотивация – чабу теләге. Гомумән, спортны пропагандалау яхшы әйбер. Сәламәт булыйк.

Артистлар Булат Бәйрәмов һәм Ләйсән Гыймаева


Моңа кадәр дә марафоннарда катнашканыгыз бар идеме?
Икебез дә беренче тапкыр катнашабыз. Куркып кына риза булдык.
Гадәти тормышта да йөгерү белән шөгыльләнәсезме?
Моңарчы шөгыльләнгән булмады. (Ләйсән: «Балачакта да, яшүсмер вакытта да йөгерүне гомумән «җенем сөймәде».) Спортзалга йөрибез инде йөрүен. Без урман янында гына торабыз. Менә әле яңарак кына йөгерергә дә чыккалый башалдык. Бик ошый.
Әйбәтрәк йөгерү өчен үзегез генә белгән берәр серегез юкмы?
Күп ашамаска кирәк. Аннары яхшы разминка, мускулларны кыздырырга. Чаба башлагач, баштарак акрын йөгерергә, башта ук каты чабып, көчне бетермәскә. Без бу серне тренердан да сораган идек, ул бернинди дә сере юк аның, диде.
Сез нинди дистанциягә йөгерәчәксез?
Әлегә 3 чакрымга гына.
Сезнең җанатарларыгыз да киләчәкме?
Кызларыбыз, билгеле.
Йөгерү өчен сезгә нәрсә көч бирә: талисман? Беренче урынны яулау теләге? Кеше алдында хурлыкка калмау? Әллә башка берәр нәрсәме?
Без үзебезне сынап карарага телибез, тикшереп карарга. Үзебезгә, йөгереп карыйк әле, дип максат куйдык.
Марафонда катнашуыгызның мотивациясе нәрсә?
Сәламәт яшәү рәвешен популярлаштыру. Билгеле, үз гаиләбезне дә танытасыбыз килә.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7075
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4425
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2893
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9528
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4572
    0
    33
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда