Песиләр ни өчен кеше өстенә менеп йоклый? 5 сәбәбе бар

Интернет төрле фаразлар белән чуарланган. Магик-эзотерик характердагылары аеруча популяр. Җан, аура дип гоманлаулар кызык, әлбәттә. Ләкин песи сезне мендәр итеп файдалануның 5 сәбәбе бар. 

1) Песи җылы ярата, ә кеше батарейдан да шәбрәк ул. Мәчеләрнең авырткан урынга ятуы да хак. Ләкин һич тә безнең авырту аурасын тойганнан түгел. Авырткан җир гәүдәнең башка урыннарына караганда җылырак. Менә шуңа песиләр тәннең иң кайнар өлешенә ята. 

2) Хуҗа үзе дә мәчеләр иерархиясенә баш песи кебек кереп китә. Вожагы янында булу теләсә кайсы мәче өчен дә дәрәҗә, шуңа ул үз өенең башлыгы белән бергә йокларга омтыла. 

3) Песигә игътибар җитми. Әйе-әйе, ул әрсез җаннар да үзләрен ялгыз хис итә! Хуҗасы көне буе эштә булгач, төнне булса да аның янында буласы килә. 

4) Хуҗа мияубикәнең үз милке диярсең. Шуңа ул үз тәпиләрендәге тир бизләре сере белән бүлешә: хуҗасының тәнен тапалап бетерә. Ул бик көнчел, үзе юкта башка песиләр хуҗасына сырпаланмасын өчен шулай эшли. Аңардан сеңеп калган ис башка песиләргә икенче хуҗаны эзләгез дип «кисәтә». 

5) Хуҗасы янында ятканда песигә бернинди куркыныч янамый. Чыннан да, кешедән башка кем сакласын аны? Бәлки, киресенчәдер дә әле: койрыклы дустыгыз үзе сезне саклыйдыр. «Йоклаучы кеше-йоклаучы песи» симбиозында бар да үзен хәвефсез хис итә. 

Песиегез белән бергә ятасыгыз килмәсә, аңа җайлы урын хәстәрләгез. Йокы бүлмәсенә грелка әзерләп куегыз, сезнең исне тойсын өчен үзегезнең футболканы янына куегыз. Һаман сезнең ястык янында бөтерелә икән, димәк, үзегез гаепле: песи баласы чагында аны гел үз караватыгызга ала торган булгансыз. Ә ул үзен куркынычсыз һәм җылы урында тоеп үскән.    

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 7 гыйнвар 2021 - 11:53
    Без имени
    Ни язса да, Эл*мираны укырга бик яратам. Рәхмәт.
Хәзер укыйлар
Реклама
Соңгы комментарийлар
  • 17 июнь 2021 - 15:15
    Без имени
    Бик тиз баеганнар ьылар
    «Мин сине башкага бирмим...»
  • 17 июнь 2021 - 17:16
    Без имени
    Рэхмэт язучым,куз яшьлэрсез укып булмады,эй бу язмыш .
    Сыңар алкалар
  • 16 июнь 2021 - 16:43
    Без имени
    Баштан утте.
    Чират
  • 16 июнь 2021 - 21:06
    Без имени
    Бала белән әти арасына кермәгез инде, зинхар. Ул аның әтисе. Ул карамаса аны кем карасын.
    Баладан көнләшәм
  • 17 июнь 2021 - 06:01
    Без имени
    Бик яхшы ир, мин конлэшер идем может повод белэн чакврадыр кешенекен белмисен. Тунрылы булсын
    Баладан көнләшәм
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан