Тәрәз төбем гөлбакча

Лимон

Лимон үсемлеге җимешләнсен өчен аны дөрес итеп тәрбияләү зарур. Беренчедән, лимонны озак еллар дәвамында гел бер чүлмәктә, гел бер туфракта үстерергә ярамый. Ике-өч ел узгач башка савытка, дөрес катнашмалы туфракка күчереп утырту сорала. Мәсәлән, кальций күбәйгән туфракта гөл лимонлана алмый. һәм гөлдә, кагыйдә буларак, бер лимон барлыкка килсен өчен ботакта ундүрттән дә ким яфрак булмаска тиеш. Шулай  ук лимон туфрагын эт, песи кебек йорт хайваннары бәвел белән зарарлаудан да сакларга кирәк.

Цитруслы үсемлекләр урын алыштыруны һәм яктылыкка 180 градуска әйләндереп куюны да бик авыр кичерә. Аеруча зур лимон бер урында, бер борылышта үсәргә ярата. Урынын үзгәрткән очракта лимонның яфраклары коелып,  үсеше озакка туктарга мөмкин.
 

Алтын мыек

Күптөрле шифалау сыйфатына ия булган алтын мыек (золотой ус) үсемлеген халыкта бүлмә женьшене дип йөртәләр.

Алтын мыек үсемлеге биогенлы стимулятор булып тора. Билгеле булганча, организмга биогенлы стимуляторны кертү, кеше организмында матдәләр алмашы процессын яхшырта. ә бу, үз чиратында, күп кенә авыруларны дәваларга ярдәм итә. Шунлыктан бу үсемлекне дару гөле буларак үстерәләр һәм кулланалар.

Алтын мыек җылы һәм яктылык яратучан үсемлек. Кышын аз-азлап су сибәргә кирәк, әмма туфракны корытырга ярамый.
Яхшы үссен өчен гөлне кәсле җирдән, ком кушылган черемәдән торган җир катнашмасына утыртырга киңәш ителә. Җәй көне балконда тоту файдалы булачак. Сабагы нечкә һәм озын булып үссә, терәк куегыз.

Әгәр дә үсемлектә көрәнсу яфраклар барлыкка килсә, сез аны дөрес тәрбияләмисез дигән сүз. Тукландыргыч матдәләр җитмәү, бик кызу кояш яктысы яисә су җитмәүчәнлек моңа сәбәп булырга мөмкин. Көчле үсеш чорында алтын мыекны бүлмә гөлләре ашламасы белән тукландырырга кирәк. ә ачык туфракта үсемлекне тагын көл катнашмасы, тирес белән тукландыру һәм җирне даими дымлы тоту сорала. Шул кагыйдәләрне үтәгән очракта сез бик файдалы дару үсемлеге үстерәчәксез.

Без барыбыз да әфлисун ашарга яратабыз, ә әфлисун төнәтмәсе ярдәмендә бүлмә гөлләренең яфрагын ялтыратырга һәм талпан тозагыннан коткарырга мөмкин икәнлеген белмибез. Моның өчен биш-алты әфлисун кабыгын кайнап торган (2-2,5 литр) суга салып, каплагыз. ә иртән согын чыгарып, кабыкларны изгәләп алып ташлагыз. Аннары шул әфлисун төнәтмәсен гөл яфракларына, тәрәзә төбенә һәм чүлмәктәге туфракка бөркегез. Шул рәвешле бер-ике тапкыр сиптергәч, талпаннан зарарланган гөл сәламәтләнеп калачак, ә яфраклары ялтырап китәчәк.


Орхидея

Бүлмәдә үстерү өчен барлык төр орхидеялардан бары тик берсе — фаленопсис төре генә яраклы санала. Орхидеяны халыкта, чәчәкләре очып йөргән күбәләкләргә охшаш булган өчен, “күбәләкләр” дип йөртәләр. Яхшы үсеш алган зур орхидеяга ун көн дәвамында бөтенләй су сибәргә ярамый, бары тик бераз су бөркеп торырга гына кирәк. Үзенең тышкы аристократик кыяфәтенә карамастан, ул өй шартларында бер дә нәзберекләнмичә яхшы үсә. Гадәттә, бу үсемлек көйсезлегеннән түгел, кешенең чамадан тыш кайгыртучанлык күрсәтүеннән үлә.

Табигатьтә күп кенә орхидеялар туклану җирлеге булмаган, туфраксыз урында, агач ботакларында үсәләр. Бу шартларда орхидея үзенең үсеше өчен суны тамырлары белән һавадан ала. ә агачтагы корыган кайры, мүк, черегән яфраклар орхидеяның туклану чыганагы булып тора. Шунлыктан орхидеяга туфракны гади бакча җиреннән түгел, иске нарат кайрысыннан, утын күмереннән, черегән агач төбе калдыкларыннан һәм кипкән абага тамырларыннан ясарга кирәк. Орхидеяга суны аз-азлап һәм сирәк кенә (атнага бер тапкыр) сибү сорала. ә менә тирә-юнен гел дымлы итеп тоту өчен, аңа көнгә берничә тапкыр су бөркү яхшы.


Су сибү өчен бүлмә температурасындагы йомшак су кулланыгыз. Суны иртән сибү,  бөркү  кичкегә  караганда гөл өчен күпкә файдалырак. Ор­хидеяның җирлеге су сипкәннән соң тизрәк корысын өчен, аның чүлмәге төптән генә түгел, ян-яктан да тишкәләнгән булырга тиеш. Су сибүнең иң яхшы ысулы чүлмәктәге “җирлек”кә су бөркү.

Орхидея яхшы үссен өчен аңа зур яктылык төшкән һәм кышын 22 градуслы, ә җәен 20 градуслы җылылык булган идеаль температуралы, күләгәле урын булдыру зарур.

фото: https://pixabay.com

Теги: гөл

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
  • 15 сентябрь 2021 - 20:54
    Без имени
    Яраббым син тиле мэллэ .Ир диеп кем баласына ташлый Хайваннар да балаларын ташламый
    Булачак иремә мин кирәк, улым кирәкми
  • 15 сентябрь 2021 - 22:03
    Без имени
    Хатынын маржамыни?
    Әнвәр Нургалиев: «Мәхәббәтебез шушы подъездда башланды»
  • 15 сентябрь 2021 - 22:14
    Без имени
    Алла сабырлык бирсен, купме аталы ятим усэ…
     Алиментка бирсәң... 
  • 16 сентябрь 2021 - 05:32
    Без имени
    Ир дип мин баланы беркайчанда ташламас идем ин беренче урында минем балаларым тора
    Булачак иремә мин кирәк, улым кирәкми
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан