Сез әйбәт хуҗабикәме?

Реклама

Түбәндәге сорауларга җавап биреп карагыз әле: алар сезнең нинди хуҗабикә
икәнне, хуҗалыкны алып барырга сәләтлеме-түгелме икәнне күрсәтәчәк.

1. Сезнең өйдә суыткыч та, кер юуу машинасы да, телевизор да юк ди,
өстәвенә үзегезгә яңа пальто да кирәк. Әмма сез бу минуттта бары тик
аларның берсен генә ала аласыз. Сез аларның кайсын сайлыйсыз?
а) суыткыч 30 очко;
б) телевизор 5 очко;
в) кер юуу машинасы 20 очко;
г) пальто 10 очко.

2. Шкафларыгызда сез еш тәртип саласызмы? Әйе – 20. Юк –10

3. Сез өегезне атна саен гел бер үк көнне җыештырырга гадәтләнгәнме?
Әйе – 20. Юк – 5

4. Кунаклар киләсе булса, почмак яктан чыкмыйча әзерләнәсезме?
Әйе – 8. Юк – 20

5. Өсте көебрәк киткән бәлешегезне кунакларга чыгарырга йөрәгегез
җитәме?
Әйе – 15. Юк – 6

6. Аш-су тирәсендә кайнашу сезгә рәхәтлек бирәме?
Әйе – 20. Юк – 3

7. Кибеткә чыгар алдыннан сез ниләр алырга кирәк икәнлеге язылган
исемлек әзерлисезме?
Әйе – 20. Юк – 3

8. Яратып әзерли торган «фирменный» ризыгыгыз бармы?
Әйе – 15. Юк – 8

9. Кулинария буенча журналларда басылган рецептларны җыеп барасызмы?
Әйе – 12. Юк – 6

10. Өй эшләрендә ирегез сезгә булышамы?
Әйе – 12. Юк – 6

11. Һәр кастрюлегезнең үз урыны бармы сезнең?
Әйе – 25. Юк – 5

12. Хуҗалыкта иң кирәк әйбер – суыткыч дип саныйсызмы?
Әйе – 4. Юк – 16


Ә хәзер җыйган очколарыгызны санагыз.

155 очкога кадәр.
Кызганычка каршы, сезне уңган хуҗабикә дип мактап булмый, вакытыгызны
дөрес бүлә белмисез.

156-185 очко.
Сез бик тырыш һәм бик нык оешкан хуҗабикә. Кайчакта хуҗалыкта ниндидер
чатаклыклар килеп чыга икән – бу, гадәттә, өйдәгеләрегез аркасында. Әмма
моңа сез үзегез гаепле: аларны тәртипкә өйрәтмәгәнсез, барысын да үз өстегезгә
алгансыз. Бу хәлне хәзер ничек төзәтеп була, уйлагыз.

186 очко һәм аннан да күбрәк.
Сезнең өйдә идеал тәртип! Бертуктамый нидер эшлисез: юасыз, чистартасыз,
ялтыратасыз... Әмма... Өен тәртиптә тотуны тормыштагы бердәнбер максаты
дип санаган хатын-кызны булдыклы хуҗабикә дип әйтеп булмый шул... Сезгә
туктарга вакыт! Ул идәнне күпме юарга була?! Болай да бар җирегез тәртиптә,
бер тузан бөртеге юк. Ниһаять, башка нәрсәләр турындла да уйлагыз әле.
Дөньяда бит театр да бар, китаплар да!
фото: https://pixabay.com

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 20 февраль 2020 - 22:57
    Без имени
    Эсэр бик эчтэлекле язылган,аерылып булмый укудан.Рэхмэт сезгэ.
    Ай сылуы-5
  • 20 февраль 2020 - 11:28
    Без имени
    Нигэ 15 ел 19 ел нишлэп ул хашэрэтлэрне тотып атмыйлар яки пожизненно бирмилэр. Мина калса алар аннан ерткыч булып чыгалар. Э 16 яшлек кызны нишлэп утыртканнар нигэ самозащиты дип кабул итмэгэннэр?
    ​Мәхәббәт «уеннары»
  • 20 февраль 2020 - 11:44
    Без имени
    Оятсыз хатын башта балага ата кирэк биргэн булып причина эзлэгэн Аннан сон калдырган баласын.
    Каты режимлы «никах»
  • 20 февраль 2020 - 15:33
    Без имени
    Искитке
    Ике туй – бер ир
  • 19 февраль 2020 - 10:08
    Без имени
    Елый елый укыдым.Ул баланын урыннары жэннэттэ булсын.Калганнарга сабырлык, озын гомэрлэр бирсен ходаем.
    Бу дөньяның бар чәчкәсе – сиңа
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...