Лев Толстойның «Анна Каренина» романы турында кызыклы фактлар

1. Американың атаклы язучысы, Нобель премиясе лауреаты Уильям Фолкнердан дөнья әдәбиятыннан 3 иң яхшы әсәрне атавын сораганнар. Ул ике дә уйлап тормыйча: «Анна Каренина», «Анна Каренина» һәм тагын бер тапкыр «Анна Каренина» дип җавап биргән.

2. Язучы «Анна Каренина» романын 1877 елның 17 апрелендә язып төгәлләгән. Бөек рус классигы «Война и мир»ны «үткәннәр турындагы китап» дип атаса, «Анна Каренина»ны «заман тормышы романы» дип саный.

3. Каренин фамилиясе грекча «каренон», ягъни «баш» дигәннән алынган. Лев Толстойның Гомерны укып сокланган чаклары! Ул үзе бу хакта: «Аннаның ире Каренин хис түгел, акыл кешесе, шуңа шундый фамилия», – дип аңлаткан.

4. Толстой үзләренең якын танышларының гаилә драмасын романга нигез итеп ала. Толстойның дусты Дьяковның кыз туганы, ире белән аерылышып, башкага кияүгә чыга. «Анна Каренина»ны язарга алынырга бер ел кала, Анна Степановна Пирогова, яраткан кешесе ташлап китү хурлыгыннан, Ясная Поляна янында поезд астына ташлана. Толстойның күршесе А. Н. Бибиков Пирогованың сөяркәсе була. Мәетнең коточкыч гарипләндерелгән гәүдәсен күргән Толстой бу хәлне авыр кичерә.

5. Анна Каренинаның прототибы – А. С. Пушкинның кызы Мария Гартун. Персонажның характеры да, тышкы кыяфәте дә Гартунныкына охшаган.

6. Хатыны Софья Андреевна һәм улы Сергей Львович истәлекләре буенча, Лев Толстой «Анна Каренина»ны яза башлыйсы иртәдә очраклы рәвештә генә Пушкин томнарын актарып утыра һәм бер өзекне укып: «Менә ничек язарга кирәк!» – дип соклана. Пушкин прозасыннан илһамланып, ике атнада тәмамлыйм дип тотынган Толстой «Анна Каренина»ны 4 ел дәвамында яза.

7. 1874 елның ахырында романның беренче бүлекләрен «Русский вестник» журналына бирә. Бөтен Россия яңа бүлекләрне түземсезләнеп көтә башлый. Толстойга тиз арада дәвамын язарга кирәк була. Кайчак – яратып, илһамланып эшли, ә кайчакларда «Тәмам ялкытты!» яки «Минем Аннам ачы торма кебек туйдырды инде!» – дип зарлана.

8. Толстойлар нәселендә ирләреннән сөяркәләренә киткән ике хатын-кыз була инде. Әдәбият белгечләре фикеренчә, аларның язмышы да Каренина образын һәм характерын ачарга булышкан.

9. Роман кулъязмасы каралама хәлендә «Молодец баба» дип атала әле, төп герой да башта Татьяна, аннары Нана (Анастасия), соңыннан гына Анна була.

10. Константин Лёвин – язучы иҗатындагы катлаулы автобиографик образ. «Анна Каренина»ны язган вакытта Толстой көндәлекләр алып барудан да тукталып тора. Бөтен иҗат егәре шушы провинциаль алпавыт образын тудыруга китә. Хәзер Лёвин фамилиясен «е» авазы белән әйтәләр, Толстой үзе «ё» белән әйткән. Замандашлары Толстойны да Лев дип түгел, Лёв дип йөрткән. Лёвин образында язучының үзен тану кыен түгел.

11. «Анна Каренина» романы 41 телгә тәрҗемә ителә. Әсәр буенча 30 дан артык нәфис фильм төшерелгән. Бу эшкә Россия, АКШ, Бөекбритания,Франция, Италия, Венгрия, Австралия, Һиндстан, Бразилия, Куба, Япония, Испания, Аргентина кинорежиссерлары алына.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9460
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9589
    8
    78
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5273
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4055
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6474
    2
    30
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан