Ир-ат синең белән араны өзәргә теләсә үзен ничек тота?

–  Гафу ит, билгеле... Әмма безнең арада берни дә була алмый...


Ир-атның бик сирәге генә күзгә карап менә шулай турыдан-туры дөресен әйтергә сәләтле. Гадәттә, мөнәсәбәтләргә нокта куярга уйлаганда аларның күбесе үзләрен гел бертөрле тота. Хәтта стандарт схема буенча дип әйтергә дә мөмкин. Бу схемаларны ничек танырга һәм аның аерылышырга карар иткәнен ничек аңларга? Хәлләр шулайга таба борылган икән, нәрсә эшләргә? Дөресрәге, нәрсә эшләмәскә? Сүз – сезнең күңел тынычлыгы турында бара бит...  

Ир-атлар мондый четерекле хәлдә бик еш кала: арадан берәүгә күзләре төшә дә, алар күңелләренә ошаган шул нәфис затка сүз каталар, аралаша башлыйлар. Ә аннан кинәт... күңелләре суына: йә ялгышканнарын аңлыйлар, йә башка берәүгә гашыйк булып куялар. Инде сезнең белән әле яңа гына башланган мөнәсәбәтләрне  ничек тә өзәргә, туктатырга кирәк аларга. 

Әйткәнебезчә, турыдан ярып:
– Безнең берни дә килеп чыкмый... Мин бераз ашыкканмын, – диючеләре дә очрый.
Әмма мондыйлар бармак белән генә санарлык. 

Калганнар исә мондый очракларда үзләрен ничек тота соң?
Гадәттә, алар гел бер-берсен кабатлый һәм моны араны өзүнең иң дөрес юлы дип саный. 

«Мин сиңа туры килмим» дип исбатларга тырыша ул. 
– Син миннән әйбәтрәккә лаек...
– Сиңа мин түгел, башка берәү кирәк...
– Гафу ит, проблемаларым бик күбәйде, мин аларны үзем генә хәл итәргә тиеш...

Башаягы белән гашыйк булырга өлгергән хатын-кыз моны ир-атның үз-үзенә ышанып бетмәве дип кабул итә һәм аны «син ялгышасың» дип инандырырга тырыша.
– Юк, юк, син миңа бик тә туры киләсең!..
– Үзеңнең нинди әйбәтлегеңне син белмисең генә!
– Күрерсең, безнең барысы да әйбәт булачак! – ди ул.
«Син нинди булсаң, мин сине шул килеш кабул итәргә әзер», дип ышандырмакчы була ул аны.   

Ир-ат: «Сизеп торам, син мине яратмыйсың», «Беләм, мин синең парың түгел», дип әйтеп карый. Хатын-кыз шунда ук каршы төшә: «Мин сине яратам! Бик яратам!» – дип, мәхәббәте хакына барысына да әзер икәнен раслый башлый. 

Ир-ат үзе башлаган бу спектакльне дәвам итә: холыксызлана, юк сәбәп табып бәйләнә, көнләшкән булып кылана. Һәм һаман үз «җырын җырлый»: «Без бергә була алмыйбыз... Иң яхшысы – син үзең беренче булып мине ташла!» – ди. Ә хатын-кыз һаман барысына да түзә: аерылышу турындагы уйны башына да кертми. 

Ир-ат шушы сүзләреннән соң китеп югалса, хатын-кыз: «Мин аңа яратуымны аңлата алмадым», «Ышандыра белмәдем», «Ул мине  аңламады...» – дип, бик озак үзен газаплаячак әле. Аңа кайсы авыррак булачагын әйтү дә кыен: яраткан кешесенең: «Син миңа ошамыйсың», – дип турыдан ярып әйтеп китүеме, әллә менә шулай «аңлаша алмадык» дип уйлап бәргәләнүме? 

Артык сүз әйтүдән, мөнәсәбәтләр ачыклау башланудан куркып, ир-ат күп очракта башка юл сайлый: ул сезнең тормыштан әкрен генә югала. Шалтыратулар, «смс»лар язу күзгә күренеп кими, очрашулар сирәгәя. Шул ук вакытта ул әле сезнең тормышта бар да кебек: социаль челтәрләрдә сезнең постларга лайклар куюны дәвам итә, смайликлардан гына торган комментарийлар да калдыра. «Мин бар, беркая да китмәдем, әмма вакытым бик тыгыз», дип әйтмәкче була ул. Күрешкәннән соң, икенче тапкыр кайчан  очрашачагыгыз турында ул ачык кына берни дә әйтми: «шалтыратышырбыз», «язышырбыз», «очрашырга вакыт тапкан өчен рәхмәт, уңышлар сиңа», ди ул. 

Әгәр хатын-кыз һаман да нәрсә булганын аңламаса һәм моны аңлатуны ир-аттан таләп итә башласа, ул очрашу билгеләргә, әмма соңгы минутта: «Килә алмыйм», – дияргә мөмкин. Мең төрле сәбәп табачак: ашыгыч эше килеп чыккан, көтелмәгән хәл булган, бик арыган... Ул бу сүзләрне һәрвакыт кат-кат гафу үтенеп, үкенеп әйтәчәк, бик җылы сөйләшәчәк. Күңелегез тагын эредеме? Әмма иң элек календарьга карагыз әле: соңгы тапкыр кайчан очрашкан идегез? Өч атна элекме, әллә бер ай элекме? Соң шулай булгач... Ир-атның күңелендә сезгә карата хисләр бар икән, ул моның кадәр очрашмый тормаячак. Димәк, аны көтеп вакытыгызны юкка үткәрәсез. 

 Ә кайчак ир-ат көтелмәгәнчә хәл итә: ул сезне дуслар исемлегендә калдырырга тели. Мондый очракта ул сездән әкрен-әкрен читләшә башлый: элеккечә кәефегез белән кызыксынмый, хәлләрегезне белешми, туган көнегез белән берничә көн узгач кына котлый... Кагылулар, якын итеп елмаюлар бетә. Берәр җитди проблемагыз булса, ул, әлбәттә, ярдәм итәчәк һәм аннан соң тагын элеккечә читләшәчәк. Вакытлар узгач, сез ешрак та аралашырга мөмкинсез, әмма гашыйклык билгеләре инде булмаячак.  

Теле белән әйтмәсә дә, «Дус булып калабыз, әмма миннән башканы көтмә», дияргә теләве көн кебек ачык бит. Хәзер барысы да сезнең үзегездән тора. Менә яңадан аралаша башлыйбыз да, ул миңа кабат гашыйк булачак дип өметләнергә кирәкме икән?  Андый хәл, бәлки, булырга да мөмкиндер, әмма көтеп вакыт кына үткәрүегез дә бар. 

Сездән котылырга теләүләрен аңлыйсыз икән, үзегезне төрлечә тотарга мөмкин: барысына да кул селтәп, борылып та карамыйча китеп барырга да була, аның уенына кушылып уйнарга да, барысы хакында ачыктан-ачык сөйләшергә дә... Әмма араларны бәйләп торган җепләр сүтелә башлаган – хисләр кабынырга да өлгермичә сүнгән икән, аларны кабат кабызырга тырышу, үзеңне бертуктаусыз газаплау кирәкме икән? Сезнең мөнәсәбәтләр әле тирәнгә китмәгән, әле бер-берегезгә чынлап торып ияләшергә, якынаерга да өлгермәгәнсез, димәк, дөнья беткәндәй үкенергә дә урын юк. 

Фото: Изображение от yanalya на Freepik

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14952
    1
    84
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11280
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5527
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5043
    3
    41
Реклама
Соңгы комментарийлар
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
  • 30 гыйнвар 2023 - 20:45
    Без имени
    Мин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.
    Эчкече иргә сабыр итәргәме?
  • 30 гыйнвар 2023 - 17:52
    Без имени
    Бэхетегезгэ куз тимэсен, матурларым.
    Икесе — бербөтен (видео)
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр