8 Мартка җырчы кызларга сөйгәннәре нәрсә бүләк иткән? (сораштыру)

Һәр елны Intertat.ru 8 март – Халыкара хатын-кызлар көне уңаеннан эстрадабызның гүзәл затлары арасында сораштыру үткәрә. Быел да укучыларыбыз игътибарына артистлар белән бәйле кызыклы сораштыру әзерләдек.


Сораулар:


1. 8 Март бәйрәменә сезгә бүләк ителгән иң истәлекле бүләк?
2. Тормышыгызда аеруча истә калган иң яхшы көн?
3. Кайсы җырыгызны сезнең тормышыгызга туры килә дип уйлыйсыз?
4. Бушка юллама тәкъдим итсәләр, кая барыр идегез?
5. Китап язсагыз, нәрсә турында булыр иде ул?
6. Кайсы танылган хатын-кыз сезнең өчен үрнәк өлгесе?
7. Иң зур һәм якты хыялыгыз?


Әлфинә Әзһәмова:



1. 8 Мартка истә калырлык бүләк әлегә бирелмәде.
2. "Төнге урам" җырына төшерелгән клипны күрсәткән көн. Шул көннән соң тормышым яхшы якка үзгәрде.
3. Җырларымның 90 проценты үземә кагыла.
4. Япониянең Токио шәһәренә барыр идем.
5. Язмас идем.
6. Бу дөньяда минем өчен андый танылган хатын-кыз юк.
7. Киләчәктә дә сәламәт булу. Яратылып яшәвем дәвамлы булсын иде.


 Иркә:



1. Миңа инә дә, дөя дә - бертигез.
2. Балаларымны дөньяга китергән көннәр.
3. Көненә карап.
4. Мальдивка. Мин анда бер булган идем, тагын бер барып кайтырга хыялланам.
5. Ир-ат белән хатын-кыз мөнәсәбәтләре, ике затның аермасы турында китап язар идем.
6. Иң танылганы, иң-иңе - минем газиз әнием.
7. Булганын Ходаем күпсенмәсен иде.


Динә Латыйпова:



1. Кызларымның балалар бакчасыннан үз куллары белән ясап алып кайткан рәсемнәре һәм аның астына төрле якка авышкан, егылган хәрефләр белән "әнием" дип язылган сүзләре.
2. Әни булган көнем.
3. "Бәхет алмагачы". Наил Төхвәтуллин сүзләре, Интал Шәйхаттаров көе.
4. Европа илләре буйлап сәяхәт кылыр идем.
5. Исемнәрне үзгәртеп үз тормышым турында язылган әсәр.
6. Фәүзия Бәйрәмова. Сәнгать әһелләреннән - София Ротару.
7. Гарәп графикасын өйрәнеп, тулысы белән Коръәнне укып чыгарга телим.


Ландыш Нигъмәтҗанова:



1. Барлык бүләкләр дә истәлекле.
2. Андый көннәрем бик күп, Аллага шөкер.
3. Бер җырым да туры килми.
4. Бармас идем, чөнки бушка кызык түгел, аның кадерен белмисең.
5. Бәхетле тормышым турында китап язар идем.
6. Минем өчен андый танылган кешеләр юк.
7. Хыялларым күп, ләкин чынга ашмаслык түгел.


Алинә Сафиуллина:



1. Чәчәкләр, алтын, сертификат - һәр бүләккә сөенәм.
2. Улым туган көн. Ул көнне мин бәхетнең җиденче катында идем.
3. Әлеге вакытта тормышыма "Юк, кирәкми" җыры туры килә.
4. Доминикана Республикасына барырга телим.
5. Китап язарлык тел байлыгым юк. Язарга туры килсә, үз тормышым турында язар идем: балачакта иптәш кызларым белән уйнау, кич чыгу, студент чаклар, гастрольгә йөрү һ.б. Гомумән, безнең эшебез бик кызыклы дип саныйм мин. Кая гына бармыйбыз, кемнәр белән генә танышмыйбыз.
6. Бу сорауга җавап бирә алмыйм.
7. Иң зур хыялым - бәхетле һәм парлы булу, улымны үстерү һәм аңа сеңелкәш алып кайту, Алла теләсә.


Люция Мусина:



1. Бик матур колье һәм алкалар.
2. Айрат улыбыз һәм Миләүшә кызыбыз туган көннәр.
3. "Язмышларым сиңа бәйләнгән". Вазыйх Фатыйхов сүзе, Айдар Тимербаев көе.
4. Майамига.
5. Үземнең тормыш юлым турында китап язар идем.
6. Алла Пугачева.
7. Җир йөзендә бер кеше дә авырмасын иде. Барлык җиһанда кешеләр бер-берсен хөрмәт итеп, яратып яшәсен иде.


Алсу Әбелханова:



1. Андый бүләгем юк.
2. Балаларым туган көннәр.
3. "Сорама хәлләремне" җыры.
4. Италиянең Венеция шәһәренә, Америкага барыр идем.
5. Китап минем гаиләм - әби-бабам, әти-әнием һәм тормышым турында булыр иде.
6. Джениффер Лопес.
7. Иң зур хыялым - кыз бала табарга телим.


Гүзәл Идрисова:



1. Студент чагымда "Гөлдания Хәйруллина" җыр-театрында эшләгәндә, 8 мартта бер авылда концерт куйдык. Шунда бәйрәм уңаеннан стена сәгате бүләк иттеләр. Һәр сәгате суккан саен берәр көй уйный иде. Мин аны өйгә алып кайтып залга элеп куйдым.
2. Туй көне һәм әни булган көннәрем.
3. "Яшьнәр чакта яшьнәгез" җыры.
4. "Баунти" төшерелгән утрауга барыр идем. Ак ком, кыргый табигать...
5. Тормышым, иҗатым, балаларым турында булыр иде ул китап. Малай тәрбияләү, үстерү, уйнату серләре белән уртаклашыр, киңәшләр бирер идем.
6. Һәр шәхеснең аерым бер сыйфаты ошый. Мәсәлән, җырчы Валериянең өч бала әнисе булып та, зифа гәүдәсенә, яшь булып калуына сокланам. Зәйнәб Фәрхетдинованың тавышы, Резеда Шәрәфиеваның имиджы ошый. Минем өчен үрнәк өлгесе ул - әнием.
7. Иң зур якты хыял - улларымны үстереп кеше итү, оныкларны үстерешү. Зур гаилә булып яшәү, күңелле мизгелләрне бергәләшеп кичерү. Күкләребез тыныч булсын, сугышлар булмасын. Сау-сәламәт балалар туып торсын. Бөтен кеше бәхетле булсын! Бәйрәм белән!


Айгөл Бариева:



1. Бер поклонникның картама кинәт акча салуы.
2. Әлбәттә, балаларым туган көннәр.
3. Һәрбер җырым диярлек тормышыма туры килә.
4. Зур пароход белән круизга.
5. Һичшиксез мәхәббәт турында!
6. Танылган хатын-кызлар арасында берсен дә аерып әйтә алмыйм, күп алар. Минем өчен үрнәк хатын-кыз - минем Әни!
7. Аллага шөкер, хыялларым күп булды. Барысы да әкренләп тормышка ашып бара. Иң зур теләгем - эчке халәтем белән тышкысы һәрвакыт тәңгәл килсен иде! Аллаһы Тәгалә күңел тынычлыгыннан һәм якын кешеләремнән аермасын!


Алсу Фазлыева:



1. Быел 8 мартка Азат бик матур пальто һәм шарф бүләк итте.
2. Әлбәттә, балаларым туган көннәр.
3. "Гөрләп кирәк яшәргә" җыры. Бу җырны үзебез теләгәнчә яздырдык. Тормышыбыз нәкъ шул җырдагыча үтә.
4. Әти-әни янына кайтыр идек.
5. Үзебез авыл балалары булгач, авыл баласының шәһәргә килеп үз урынын табуы, аның язмышы турында китап язар идем.  
6. Миңа Лилия Муллагалиева, Зөлфия Вәлиева ошый.
7. Хыяллар күп, ләкин кычкырып әйтсәң, чынга ашмаска мөмкин. Моннан берничә ел элек Азат белән хыялланган хыяллар әкренләп чынга аша бара, Аллага шөкер. 

чыганак: http://intertat.ru/tt/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9871
    5
    125
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5724
    1
    77
  • 6848
    2
    48
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7972
    1
    44
Реклама
Соңгы комментарийлар
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...