Журналыбызны тагын да кызыклырак, баерак итеп чыгарырга сез дә үз өлешегезне кертә аласыз. Үзегезгә кызыклы тоелган темаларны редакциягә юллагыз да, без ул темаларны фотогыз белән бергә сайтыбызга урнаштырырбыз. Җиңүчеләрне исә онлайн-тавыш бирү юлы белән бергәләп ачыкларбыз.
Бәйгедә катнашу өчен «Сөембикә» журналының быелгы ноябрь санында 19 биттә басылган «Укучы анкетасы»ндагы сорауларга җавап биреп, 15 декабрьгә кадәр безгә юлларга гына кирәк. Хатыгызга үзегезнең фотосурәтегез белән, киләсе яртыеллыкка журналга язылу турындагы квитанциягезнең күчермәсен дә салырга онытмагыз. Анкетада язган җавапларыгыз сайтка куелмый, алары – редакция өчен генә.
Иң күп тавыш җыючыларны бүләкләр көтә. Беренче урынны алучы кеше «Казан Ривьерасы»на ике кешелек сәяхәт сертификаты белән бүләкләнәчәк. Әлеге сертификат дүрт йолдызлы «Ривьера» кунакханәсенең панорама күренешле иң яхшы номерында ике кешегә бер тәүлек яшәү, «Аморе» ресторанында иртәнге аш, «Ривьера» аквапаркында көне буе күңел ачу, 5D форматындагы кинотеатрда кино карау хокукы бирә.
«Сөембикә» журналы абунәчеләре арасында узучы
«Кызыклы тема» конкурсының
шартнамәсе
Оештыручысы: «Сөембикә» журналы
Хокукый документ: Конкурсның шартнамәсе
Таләпләр:
«Сөембикә» журналының ноябрь санында 19 биттә басылган «Укучы анкетасы»ндагы сорауларга җавап биреп, анкетаны редакциягә юллагыз. Хатыгызга үзегезнең фотосурәтегезне һәм 2016 елның беренче яртыеллыгы өчен журналга язылу турындагы квитанциягезнең күчермәсен дә салырга онытмагыз.
Конкурска кызыклы, үзенчәлекле, яңа темалар кабул ителә.
Аларны түбәндәге адреска җибәрегез:
420066, Казан шәһәре, Декабристлар урамы, 2 нче йорт.
e-mail: ssuum@yandex.ru (яңа темалар бәйгесенә дип тамгалагыз)
Конкурсның максатлары һәм бурычлары: укучыларыбызны кызыксындырган темаларны барлау, журналыбызны укучыга тагын да кызыклырак итү, укучыларыбыз даирәсен ачыклау, «Сөембикә» журналының абунәчеләре санын арттыру.
Конкурста җиңү яулаучыларга бүләкләр биреләчәк, беренче урын алучыга «Казан Ривьерасы»на сәяхәт сертификаты тапшырылачак.
Катнашучылар: «Сөембикә» журналы абунәчеләре.
Конкурсны үткәрү вакыты:
Конкурс 2015 елның ноябреннән шул ук елның 15 декабренә кадәр дәвам итә.
Җиңүчеләр 20-25 декабрь көннәрендә сайтыбызда онлайн тавыш бирү юлы белән ачыкланачак.
Конкурска йомгак 2015 елның 30 декабренә кадәр ясалып, җиңүчеләр турында мәгълүмат «Сөембикә» сайтында урнаштырылачак. Бүләкләү исә 2016 елның 20 гыйнварына кадәр «Сөембикә» журналының редакциясендә узачак.
Сездән хатлар көтеп калабыз!
Следите за самым важным и интересным в Telegram-каналеТатмедиа
Комментарий юк