Бакча җиләгенең 6 капризы

Бакча җиләге үстермибез, аның эше күп, ә җиләге аз була, дип әйтүчеләр бар. 
Әйе, нәзберегрәк үсемлек ул, җаеннан торганны ярата. Менә шул җаен бер белеп алсаң, аны үстерүнең бер кыенлыгы да юк.

Бакча җиләген яз көне яки август ахырында утырталар. Элек бу түтәлдә кайсы яшелчә үсүе аның өчен бик мөһим. Ул борчак, фасоль, укроп, салат үскән түтәлне ярата. Ә менә помидор, борыч, бәрәңгедән соң начар үсә. 

Бер урында җиләк 3-4 ел үсә ала. Аннары куаклар картая, җиләкләре вагая, түтәлне чүп баса башлый. Яңарту өчен йә үз куакларыңның мыекчаларын үрчетәсең, йә җәй башында рассадага яңа орлыклар чәчәсең. Хәзер чәчсәгез, көз башында түтәлгә күчереп утыртырлык булып җитешәчәкләр. 

Җиләк су ярата. Бигрәк тә чәчәк аткан чорда дымга мохтаҗ ул. Дым җитмәсә, чәчәкләрен коя. Көннәр коры торса, аны атнага бер тапкыр бик яхшылап сугарыгыз. 

Җиләкне без генә түгел, әкәм-төкәм, лайлачлар да бик ярата. Алардан котылу өчен, җиләк түтәлен пычкы чүбе белән мүлчәләгез. Алар пычкы чүбеннән үрмәли алмыйлар. 
 
Ә менә җиләк үзе бал ярата. Чәчәк аткан чорда, аңа баллы су бөркегез. Бу умарта кортларын җәлеп итәчәк, ә алар чәчәкләрне серкәләндерә. 

Төрле чирләрдән арыныр өчен, җиләккә ат кузгалагы төнәтмәсе ярдәм итә. 10 литрлы чиләкне ат кузгалагы яфраклары белән тутырыгыз да, өстенә чыкканчы су агызыгыз. Бер-ике атнадан төнәтмә әзер. Сиптергән вакытта бераз сыек сабын кушарга кирәк. 

 

фото: https://pixabay.com/ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8286
    1
    106
  • 8786
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9754
    1
    55
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...