Камырсыз чизкейк

Чизкейк – бүгенге көндә иң популяр десертларның берсе. Аны чәй яки каһвә янына куялар. Чизкейк әзерләү фуд блогерларның яраткан шөгыле. Ниндиен генә уйлап тапмыйлар! Ә безгә аның камырсыз гына, тиз арада печеньедан әзерләнә торганын декрет ялында да мең төрле шөгыль табып яшәүче яшь әни Айгөл ТАҖИЕВА өлгертте. Айгөл – Башкортстан кызы. Һөнәре буенча – педиатр. Сөләйман һәм Кәрим исемле уллары – нәни ярдәмчеләре үсеп килә. Аш бүлмәсендә бергәләп тәм-томнар пешерергә яраталар. «Кич йокларга ятар алдыннан төрле рецептлар укыйм, өйдәгеләргә һәрвакыт яңа ризык әзерләргә тырышам», – ди Айгөл. Туган көннәрдә, төрле бәйрәмнәрдә табын яме булырлык татлы ризыкны, әйдәгез, бергәләп әзерләп карыйк.

Кирәк

  • 400 г эремчекле сыр;
  • 10 г желатин;
  • 200 г печенье;
  • 150 г куертылган сөт (майлылыгы югарырак булган саен, тәмлерәк);
  • 150 г шикәр комы;
  • 70 мл су (желатинны эретер өчен);
  • 80 г атланмай.

Эш барышы

  • Желатинны суга салып җебетергә, бүрттерергә куябыз.
  • Печеньены блендер яки уклау белән әйбәтләп ваклыйбыз.
  • Атланмайны микроволновка мичендә яки май салынган савытны кайнар суга куеп эретәбез.
  • Эрегән майны вакланган печенье өстенә салабыз да чәнечке белән изеп, әйбәтләп болгатабыз. 
  • Чизкейк пешерү өчен боҗра рәвешендәге махсус форма кулланыла. Кайберәүләр аны фольгадан үзләре дә ясый ала. Тигез өслеккә (тәлинкә, түгәрәк поднос кулланырга була) шул форманы куябыз һәм печенье белән май кушылмасын салып, тигезләп җәябез. Тыгызлансын өчен төйгеч белән бастырып чыгабыз.
  • Барысы да әзер булгач, 10–15 минутка суыткычка куябыз. Ул арада чизкейкның өске өлешен әзерлик.
  • Эремчекле (сливочный) сырга куертылган сөт, шикәр комын кушып, тиешенчә болгатабыз. 
  • Желатин эретмәсен утка куеп, болгаткалап торабыз. Әмма ул кайнап чыгарга тиеш түгел. Желатин эреп беткәч, төерләр калмаслык итеп туглап, сырлы кушылмага салабыз. Тигез масса килеп чыгарга тиеш.
  • Суыткычтан печеньелы форманы алып, шуның өстенә сырлы массаны тигезләп агызабыз һәм 3-4 сәгатькә кабат суыткычка урнаштырабыз. Процессны тизләтер өчен 40–50 минутка суыткычның катыра торган бүлегенә куеп торырга да була. Иң яхшысы – төнгә салкын урында калдыру. 
  • Чизкейкның өске ягына бармак белән басып карап та аның әзер булу-булмавын белеп була. Бармак ябышмаса һәм сыгылмалы булса – әзер дигән сүз! Чизкейкны формадан бозмыйча гына матурлап алыр өчен юка озын пычак кулланабыз. Аны кайнар суга манып алабыз да тиз генә сөлге белән корытып, формадан чизкейкны аралыйбыз.
  • Чизкейкны табынга чыгарганчы киви, җиләк, вакланган шоколад, чикләвек белән матурлап бизәргә дә була. Шуны исегездә тотыгыз: чизкейкны чәй янына чыгарыр алдыннан гына суыткычтан алалар. Бүлмә температурасында озак торса, ул җебергә мөмкин!

Чәйләрегез – чизкейклы, көннәрегез ямьле булсын, дуслар!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1904
    26
    209
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5740
    2
    81
Реклама
Соңгы комментарийлар
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
  • 20 октябрь 2021 - 07:38
    Без имени
    Менэ шул инде ул,гонахларын очен бу доньяда ук жэзасын алу,балан да,гаилэн дэ юк.Картлыгында берузен каласын.Бу зина кылу дип атала,Раббым,узен сакла балаларыбызны,оныкларыбызны шундый гонахтан!!!
    Көтеп яшәү
  • 20 октябрь 2021 - 08:42
    Без имени
    Аллааа, бигрэк эчтэлекле хикэя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан