Сусаганга су бирмә икән

Бу кадәр дә ышанучан балса да булыр икән безнең халык! Инде күпме яздылар, күпме сөйләделәр, ләкин шул ук тырмага китерәләр дә басалар, китерәләр дә басалар.

Инде менә тагын бер ачыгавызын кәкре каенга терәтеп киткәннәр. Россия Эчке эшләр министрлыгының Казан шәһәре буенча идарәсенең матбугат хезмәте хәбәр итүенчә, шушы көннәрдә генә 66 яшьлек ханым үзенең 33 мең сум акчасыннан һәм бар булган зиннәтләреннән колак каккан. Сәбәбе – һаман да шул ышанучанлык.

Көпә-көндез фатир ишеген яшь кенә бер хатын-кыз шакый аның. «Бик сусадым, бер чынаяк кына су бирә алмассызмы?» – ди ул, гаять тә итәгатьле итеп. Суфи да суфи, бу хатын-кыз аннан да суфирак булып кылана. Сусаганга су бирү савап, дип уйлап, теге бичара пенсионер аны бусагасыннан уздыра, бер чынаякка агызып, су алып килеп бирә. Йотлыгып эчкән ханым аның өенә начар нияттән кергәндер дигән уй башына да килеп карамый. Ә анысы исә: «Рәхмәт яусын сезгә!» – дип, кире чынаякны бирә дә, чыгышлый: «Сезгә бик каты бозым салганнар икән. Тормышыгызның шуңа күрә рәте киткән», – ди. Пенсионер ханымның бу сүзләрдән чәчләре үрә тора. Әйтәм җирле сәламәтлеге начарланды, балаларының тормышы мәшәкатьле, өйдә тынычлык юк, акчаның бәрәкәте бетте.... Шул бозым аркасында гына инде бу! «Өегезне чистартырга кирәк», – ди кунак ханым. Кесәгезне, дип турыдан-туры әйтә алмый бит инде.

Үзегез дә чамалыйсыз булыр, «чистарту»ны мондый кешеләр һәрвакыт акчадан һәм алтын-көмештән башлыйлар. Менә-менә, кунак та өйдәге бар акчаны, зиннәтле әйберләрне бер урынга китереп өяргә боера. Үзе борын астыннан гына ниндидер догалар пышылдый. Мөгаен: «Никадәр байлык кулыма үзе агылып керергә тора бит», – дип куануы булгандыр инде. Шулай мыгырдана-мыгырдана барысын да бер гәҗиткә ипләп кенә төрә бу. Төреп бетерә дә, хуҗабикәдән тагын су сорый. Тегесе – игелекле зат, шунда ук кухняга йөгерә. Чынаяктагы суны тәмләп эчә дә кунак ханым: «Бу акчалар шушылай гәҗткә төрелгән килеш 3 көн торсын, берүк кагыла күрмәгез. Кагылсагыз, бозымны бетереп булмаячак», – дип, хәйләкәр генә елмаеп чыгып тая.

Алай да хуҗабикәнең күңеленә шом керә бит. Төргәкнең бер читен генә ачып, акчаларына, алтыннарына күз салыйм дисә... Нинди акча да, нинди алтын, ди ул?! «Тү-түт!» инде алар. Төргәктән гап-гади гәҗит кисәкләре килеп чыга.

Бу хакта ул шунда ук полициягә хәбәр итә. Әлегә мошенник ханымны эзлиләр.


 

Мондый күңелсез хәлдә калмас өчен, Казан полициясе түбәндәгеләрне киңәш итә:

Өегезгә чит кешеләрне кертмәгез!

Бозым, сихер, күз тиюләрне акча белән бетереп була дигәнгә ышанмагыз!

Социаль яки ашыгыч хезмәтләрдән дип килүчеләрнең документларын тикшерегез. Телефоннан шушы хезмәтләргә шалтыратып, чынлап та бу кешенең аларда эшләвен сорагыз.

Шушындый мошенникларның кармагына капсагыз яки үзегезне алдарга маташуларын сизсәгез, өй телефоныннан – 02, кесә телефоныннан 020 номерына шалтыратыгыз.


 







 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10433
    5
    130
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6198
    1
    85
  • 7344
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8376
    1
    48
Реклама
Соңгы комментарийлар
  • 21 сентябрь 2020 - 11:27
    Без имени
    Яхшы тәмамланды, ләкин бик кыска язма булды
    Җилбәзәкне өйләндерү
  • 20 сентябрь 2020 - 07:43
    Без имени
    Бернәнсәдә аңлашылмады, дәвамы ничек?
    Яңгыр 
  • 19 сентябрь 2020 - 07:50
    Без имени
    Минем курше авылга к лен булып тошкэн апам нэк шушындый тормыш а гомер кичерде, кайнэсе эгэр балалар га берэр кием алса апам барында мичкэ ата иде дип сойли, бер вакыт малае на бурек алып кайткан идём кулымнан тартып алдыда янып торган мичкэ а ты ди, ике каен сенелсе бар иде эти _энисе урынга калгач пинсэлэрен алдылар, э кайтып та алып китеп тэ карамадылар алар вафат инде хэзер, э апамны хэзер бик авыр чир бэреп екты шулай бер рэхэт курмэде язсан язып бетерэ торган тугел роман язырлык анын тормыш, аллам андый тормыш ны бер кемгэ дэ курсэтмэсен
    Инде минем чират...
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...