Әти ялгыш та бер назламады, әмма...  

Халисә Ширмән

– Китәрмен инде, әни. Озак тора алмыйм бит, беләсең... 

 

 Әнинең йөзенә күләгә төшә.  

– Кайчан? 

– Иртәгә иртән. Сәгать дүртләрдә...  

Минем таң белән торып юлга чыгуга әти-әни өйрәнгән инде. Юлда машиналар аз, камералар юк, рәхәтләнеп газга басарга була... Зур тизлек белән йөрү күңелгә ял бирә. Мизгелнең кадерен белергә өйрәтә: ялгыш кына бер мизгелгә юлдан игътибарны югалтсаң, мәңгелеккә очуыңны көт тә тор... Ә миңа ярамый әле. Эшлисе эшләрем күп. 

– Хәзер атаңа әйтәм алайса. 

Әни чыгып китә. Көндәлек эшләргә тотынам: ашарга пешерәсе бар, савыт-саба юасы... Эш тә юк инде. Юк-бар. Бераздан ишектән әнинең башы күренә: 

– Кызым, атаң мәтрүшкә әзерләп куйган. Өйалдына куйдым, ди. 

– Ярар, әни.  

– Метлек җыеп кайткан әле ул сиңа. Алып китәрсең. Себеркеләрне дә төреп куйган. 

– Ярар.  

– Бәрәңге алабыз хәзер.  

– Кирәкми әле, әни, бәрәңгебез бар.  

– Атаң казый инде анда! Кишер дә әзерләп куйган. Алма җыясыңмы? Атаң алмагачтан җыйсын, ди... 

– Үзебезнеке бар бит, әни... 

...Бала чакта мин әтигә үпкәли идем. Ничек инде, бердәнбер кызын бер кочаклап сөйсә, башыннан сыйпаса, ни була инде? Әнә бит, әни үбә-коча туйдырып бетерә... Ә әтидән бер наз күрмәссең... Әйтерсең мине бөтенләй яратмый инде менә... Бу үпкә әле үсмер чакта да дәвам итте. Кычкырмый, тавышын да күтәрми, ичмаса, вәт әйтеп күрсәтер идем...  

...Үсә-үсә, сабый чакта әтинең миңа авылда бердәнбер үзе сөйләшә, үзе атлап йөри торган курчак алып кайтканлыгын сөйләделәр. Ул курчакны мин бик начар хәтерлим, әмма хәтерлим. Лариса исемле иде ул. Әти бер айлык эш хакын бөтенләй диярлек шул курчакка тоткан. Әнинең кәефен күз алдына китерәм инде... Аның урынында үзем дә дулар идем. 3-4 сыйныфларда мин, яратып, класста берүзем кызыл төстәге күлмәк-форма киеп йөрдем. Искереп, кечерәеп тузганчы. Әти алып кайткан. Миңа күкрәгендә ак ромашкалы кызыл төстәгесен, әнигә – яшелне. Әни өзелеп яшел төсне ярата. Акча өчен чыккан давылны томанлы гына хәтерлим әле... Юклык чоры иде шул. Һәр тиенне санап тотканда, ир кеше айлык эш хакын кибеттә калдырып кайтсын әле! Әмма бу давылларга карап кына, әти миңа бүләк ташуын онытмады. Үсмер чакта китапларга баедым. Галактика һәм метагалактика турында, үсемлекләр, җанварлар турындагы китаплар, авылда бездән башка кеше язылмаган «Юный техник», «Юность», «Смена», «Моделист-конструктор»,  «За рулем» журналлары... Хәтта каяндыр фломастер да тапты әле ул (андый әйберләрне бик дәрәҗәле кешеләрнең балаларына чит илләрдән генә алып кайталар иде)...  

...Саубуллашырга дип, әтине үзем килеп кочаклыйм. Тартына, кулларын куя куярга белми, читкә карый. Әй, әтием! Сабый чакта сине кем назлады икән соң? Үз әтиең сугышта үлеп калгач, үги әтиеңнең сине – үги баланы яратмыйча, солдат кирза итекләре белән типкәләве турында сөйли идең бит син! Ишекне кышкы салкыннарда бикләп куйгач, сабый Тукай кебек, өйгә керә алмыйча, туңып елауларың турында сөйли идең! Ничек исән калдың икән? Нинди көчләр сине яшәтте икән? Менә мин дә үсеп җиттем, әни булдым. Мине өзелеп яратуыңны аңладым! Бу ярату мин туган көннән алып, хәзергә кадәр һәр көн йөрәгеңдә яши икән бит!  

– Мин әле тагы кайтырмын, озак тормам!  

Әтине кочагымнан җибәрмичә, озак кына кочып торам. Әнине кысып кочаклыйм. Саубуллашабыз. Машина әкрен генә иртәнге томан яткан юлга чыга. Мине өзелеп сөйгән ике кешемнең капка төбендә кул болгауларына җавап итеп, сигналга басып алам. Сау булыгыз, кадерлеләрем! Мин әле кайтырмын! Исән-сау гына торыгыз берүк!.. 

...Таулардан бөтерелеп-бөтерелеп төшкән август томаны мине үз куенына ала. Томан кебек уйларымны бераз таратып, мин Казанга – үз балаларымны кочаклап сөяргә ашыгам... Тормыш дәвам итә. Тарих кала... 

Поделиться:
Комментарийлар (5)
Cимвол калды:
  • 18 ноябрь 2019 - 09:30
    Ilnaz Fazlutdinov
    Әтиемнең сүзләре искә төшә: "...Мәңгелектән башын алган гомерем Мәңгелеккә барып тоташа."
  • 28 октябрь 2019 - 09:08
    Без имени
    Эххх шулай этиемне кысып кочаклап яратырга!!!куллары Зур Иде,кукрэгенэ кысып кочаклый Иде... юк шул...этилэр Дэ энилэр Дэ мэнгелеккэ килмэгэн шул....
  • 27 октябрь 2019 - 23:36
    Без имени
    Ярату. Монсу да, матур да.
  • 26 октябрь 2019 - 09:27
    Без имени
    Узе жэберлэнеп ускэнгэ курэ, балаларым булса, бик нык яратыр идем дип уйлаган инде бу эти...
  • 24 октябрь 2019 - 10:53
    Без имени
    Нинди гади генә язма, әмма бик мәгънәле һәм тетрәндергеч...
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7362
    0
    78
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    6762
    2
    68
  • Ялгыз торна Коллективта биш кеше, шуларның икесе генә шәһәрдә туып үскән.  Шунсы кызык – коллективта эшләүчеләрнең берсенең дә шәхси тормышы барып чыкмаган: икесе аерылган, ялгыз бала үстерәләр, өчесе бер тапкыр да кияүгә чыгып карамаган кызлар. Җәмилә арада иң олысы...
    3961
    1
    50
  • Кайту Безне ташлап киткән иремнең сөяркәсе шалтыратты...
    5744
    2
    38
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3064
    1
    35
Реклама
Соңгы комментарийлар
  • 21 май 2022 - 08:38
    Без имени
    Бәхетегеҙҙе ебәрмәге ҙ, ҡыҙығыҙ күнер, аңлар һуңлап булһала
    Кызларым каршы булса да, кияүгә чыгаргамы?
  • 21 май 2022 - 08:38
    Без имени
    Йорэгем суга башлады укый башлау бн, мин энием лечение алган да бергэ болницада ятам.. Оендэ ашарына юк шуна ияреп йори ул дие кешелэргэ.. Узе мине инде 2 ел танымый..
    «Әнине картлар йортына урнаштырырга телим!»
  • 22 май 2022 - 16:37
    Без имени
    5 оланын булганчы 1 усырак ирен булсын дилэр картлык турында уйлагыз да сезне анлыйм мин ерэгегезне тонлагыз
    Кызларым каршы булса да, кияүгә чыгаргамы?
  • 22 май 2022 - 10:16
    Без имени
    Ирегезнен урыны ожмахта булсын🙏🏻 Ана тугрылык саклап, ярты гомер яшэгэнсез, сынар канат белэн балалар устереп, аларны олы тормыш юлына бастыргансыз, инде узегез очен яши башлар вакыт, ханым! Бэхетле, яратулы картлык насыйп булсын Сезгэ, чын кунелемнэн телим🙏🏻 Олыгайган конегездэ ялгыз калмавыгызга ирегезнен рухы да шат булыр дип уйлыйм! Бэхетегезне кулдан ычкындырмагыз!
    Кызларым каршы булса да, кияүгә чыгаргамы?
  • 22 май 2022 - 10:24
    Без имени
    Кызлар, матур язасыз, элбэттэ. Но ир-егетлэрне дэ анлагыз. Ул бит сезне, кемнэндер калганны алган, ойлэнгэн. Сезгэ обязательно кемнэндер бала ясатып, кияугэ чыгарга кирэк идеме? Эле гаеплисез, ташлап, аерылып киткэн? Баланы ташлаган? Хурлангандыр, бэлки. Ботен кеше бертосле тугел. Хатын-кыз шулай, торле ир-егетлэр белэн йоклап йорергэ тиеш тугел, бу инде проститутка кебек була бит. Тэртибегезне яхшыртыгыз. Ничек оялмыйча егетне гаеплэргэ? Ботен егетлэр дэ бозау булмыйлар, арасында кэттэ , горур ирлэр дэ очрый, бик аз гына булса да...
    Илдар Беренче