Кыйный, димәк, ярата?! 

Гөлнур Сафиуллина

Шушы көннәрдә булган бу вакыйга Төньяк Осетия халкын гына түгел, бөтен илне тетрәндерде бугай.  

 

Владикавказ шәһәрендә бер ир көпә-көндез эш урынына кереп хатынына пычак белән кадады. Бер түгел, ун мәртәбә! Ярсып-ярсып... Күкрәгенә, муенына... Республика клиник больницасының реанимация бүлегендә Регина Гагиеваның кыл өстендә торган гомерен саклап калу өчен табиблар атна буе көрәште. Аның аңына килүен, күзләрен ачуын якыннары, туганнары гына түгел, Регинаны моңарчы бөтенләй белмәгән кешеләр дә көтте. Йөзләгән, меңләгән кешеләр... Әмма өметләр акланмады... Кайдан аклансын?! Ире аның муенын пычак белән теткәләп бетергән. Йокы артериясен кискән. Табиблар: «Исән калыр дигән өмет юк дәрәҗәсендә иде», – диләр. 22 яшьлек Регина аңына да килмичә вафат булды... 

Ире Вадим белән Регина бер ел элек аерылышкан. Кул күтәрүләренә, кыйнауларына түзә алмыйча. Башта ул бу хәл турында бөтен кешедән дә яшергән.  Чыдар чамасы калмагач, хокук саклау органнарына да мөрәҗәгать иткәне булган. 2017 елда аның ирен бер тапкыр җаваплылыкка тарталар: административ хокук бозу өчен 5 мең штраф түләтәләр. Шуның белән шул! (Штраф түләп кайткач, ул чакта ире Регинаны алдагысыннан да катырак кыйнап ташлаган булмадымы икән әле? Һәрхәлдә, полициядә калдырган гаризасы өчен рәхмәт әйтмәгәндер ул аңа.) 

Кара сакалың кайда барсаң да артыңнан калмый диләрме? Элеккеге ире дә Регина өчен кара сакалга әйләнә: аерылышкач та аны тынычлыкта калдырмый. Көнләшеп үзәгенә үтә! Видеодан күренгәнчә, соңгы күрешүдә дә ул аны нәрсә өчендер битәрли. Телефонына төртеп күрсәтә-күрсәтә сөйли: Вадим гел Регинаны телефоннан кемдер белән хат язышуда гаепләгән.  

Вадим –  элеккеге полицийский. Аны эштән беренче хатынын кыйнаган өчен чыгарган булганнар. Чынлыкта, ул вакытта Вадим Техов бик җиңел котыла. «Моның өчен миңа барыбер бернәрсә дә булмый», – дигән уй аның башына шунда кереп урнашкандыр. Әйе, мескен хатын нишли ала соң: сиңа каршы кул күтәрергә – җавап бирергә көче җитми. Кара янган урыннарын кеше күзеннән яшереп, якыннарына да сиздермәскә тырышып еларга гына булдыра...  

18 яшендә кияүгә чыккан Регина да шулай яшәгән. Сабыр касәсе мөлдерәмә тулганчы... Дөньяның кансыз бер явызы белән ялгызы көрәшеп караган. Нәтиҗәсе – күз алдында.  

Элеккеге хатынын кан эчендә калдырып, Вадим чыгып китә – кача. Полиция бүлегенә икенче көнне генә килә. Регинаның туганнары ул бу юлы да судан коры чыгар дип курка.  

Чиратта кем? Регина артыннан чиратта кем?  

Узган ел гына Россиядә ире кулыннан ун меңнән артык хатын-кыз үлгән. Күз алдына китерсәң – коточкыч саннар! Һәм ул саннар кимүгә бармый... Кайбер мисалларны укысаң – җаннар өши. Курск өлкәсендә 46 яшьлек бер ир хатынын: «Ашың тәмле булмаган», – дип кыйнаган әнә. Үтергәнче...  

Хатынга кул күтәрү гадәти административ хокук бозу белән бер саналганда – якын арада берни дә үзгәрмәячәк тә, мөгаен. Гадәти административ хокук бозу, ягъни, юл йөрү кагыйдәсен бозу (әйтик, тиеш булмаган урыннан чыгу), зур булмаган күләмдә урлау (кемнеңдер кесәсенә кереп 500 сум акчасын алу), җәмәгать урыннарында зур булмаган хулиганлык кылу (исерткеч эчемлекләр эчү), бик аз күләмдә наркотиклар саклау... Хатын-кызның: «Ирем кыйный», – дигән мөрәҗәгатенә еш кына участковыйлар: «Үтермәгән бит әле. Андый хәл булса, килербез», – дип җавап бирә.  

Хокук саклау органнарында мондый битарафлык белән очрашканда, белгечләр: «Иң дөрес юл – травпунтка мөрәҗәгать итү, – диләр. – Бу очракта полиция барыбер нәрсәдер эшләргә бурычлы. Һәм ул аны эшли дә». (Кирәге чыгар димим, әмма бу киңәшне күңелегезгә салып куегыз әле. Тормыш бит – якыннарыгызга кирәк булуы бар.) 

...Бу очракта иң кызганычы – Вадим белән Регинаның өч яшьлек уллары. Ул – ятим. Әнисе дә юк, әтисе дә (кайчан да булса әтисе белән күрешсә дә, бу хәл өчен аны гафу итәрме икән?!)... Моңарчы ул Төньяк Осетиядәге тәртипләр буенча, Вадим гаиләсендә яшәгән. Әмма әнисе белән һәрвакыт аралашып торган. Хәзер Регинаның апалары аны үзләренә алырга тели.  

 

– Үзең гаепледер... Кыйный икән, димәк, сәбәбе бар! 

Кызганыч, хатын-кыз ярдәм көткәндә күп вакыт шушы сүзләрне ишетә. Хәтта кайчак якыннарыннан да. Авыр йодрыктан түгел, иң элек шушы битарафлык фаҗигагә илтә аны.  

Якыннарыбызга игътибарлырак булыйк. Соңга калмагаек...  

 

Поделиться:
Комментарийлар (3)
Cимвол калды:
  • 20 октябрь 2019 - 18:45
    Айгизә
    Аллам сакласын! Диана070, сүзләрегез белән килешми мөмкин түгел. Дөресе шул, алар безнең арабыз да яшиләр! Кыз белән егет бергә йөргән вакытта - алар йомшак куяннар, ә менә өйләнгәннән соң тормыш кемнең кем икәнен күрсәтә башлый... Минемчә, әгәр ир кеше бер тапкыр кул күтәрде икән, бу уйланырга вакыт дигән сүз...
  • 14 октябрь 2019 - 15:41
    Диана070
    Ходай курсэтмэсен... Бугенге кондэ Регина кебек хатыннар безнен арада бик куп шул...
  • 7 октябрь 2019 - 10:34
    Без имени
    Аллам сакласын! Үлгәннәрне кире кайтарып булмаса да, моны булдырмас өчен тырышлык куярга иде бит!
Хәзер укыйлар
Соңгы комментарийлар
  • 18 ноябрь 2019 - 14:10
    Фәнүзә
    Бик моңсу... Уйлап карасаң, бер гөнаһсыз күпме бала әти-әни җылысыннан ятим кала. Аларның да бит башкалар кебек үк сөеләсе, наз аласы килә. Әти-әнисе белән бер табында, бергә утырып ашыйсы килә. Ә андыйларның саны чиксез... Көнкүрештә аяныч язмышлы гаиләләр турында еш ишетелә. Ләкин, ярдәм кулы сузучылар гына санаулы. Дөньябызда киң күңелләр күбрәк булсын иде. Югыйсә, һәрберебез бәхеткә лаек...
    «Тәрбиягә бала алмакчы идем...»
  • 18 ноябрь 2019 - 14:10
    Без имени
    Елаттыгыз
    «Әни җырлап китте...»
  • 18 ноябрь 2019 - 14:10
    Фәнүзә
    Әлеге язманы укыдым да дус кызымның әтисенең әйткән сүзләре искә төште. Дус кызым йөргән егетем белән очрашуга әзерләнә. Әтисе көзге алдында ясанып торганын күрә дә, аны-моны кызыксынмый: "Аракы эчәме ул?", дип сорый. Кыз аптырап китә. "Юк", дип җавап бирә. Югыйсә, капкалап алырга яратканын бик яхшы белә. "Аракы эчә торган егет булса, йөреп тә торма. Томышыңда бик зур ялгышлык эшләрсең", дия аның әтисе. Дус кызым егетенең эчеп йөргән вакытларын зарланып миңа да сөйли иде. Әтисенең сүзен тыңлады. Һич тә үкенмәде. Аралары өзелгәч тә ул егетнең запойга китүе беленде. Шуны әйтәсе килә, кайвакытта якын кешеләребезнең сүзләренә колак салу да кирәк. Алар безгә бары яхшылык тели. Юкка гына элеккегеләр аракыны "шайтан суы" дип әйтмиләр иде. Ул суны эчкәч, дөрестән дә, шайтан котырта диярсең. Күп санлы аварияләр, фаҗигаләр, кыйнау, җәберләү... Күбесе әлеге дә баягы шайтан суына барып тоташа. Хатын-кызлар андыйлардан читтәрәк торса иде...
    Эчкән ир аракы эчмәс, хатынының күз яшен эчәр
  • 18 ноябрь 2019 - 14:10
    Без имени
    Если эта история из жизни, может Энже можно помочь найти маму и родственников через передачу " Жди меня" Чудеса в жизни бывают Так хочется, чтобы она была счастлива
    Язмышларны сайлап алмыйлар
  • 18 ноябрь 2019 - 14:10
    Без имени
    Уз баланны ничек яратмаска киряк, 13 яшьтя ул бала нярся анлый ала? Никах укытып куеп алдагы юлларын ябу була тугелмя? Кечкеня бала эни кушканны эшли, узе эле анламый бит.бэлки аны алдагы кондя зур мяхябят котядер? Ашык маска киряк,кыз чаклар болай да тиз уза. Э хязер нярся инде, егет кулга алынган,э бялякяй кыз баланын кунгеле китек. Без олылар ,тормыш тяжрибябез бар,баланын бяхетле булуы безнен кулда, укытыйк,тярбиялик,устерик язмышына аяк чалмыйк, кулына профессия бирик. Э алдагы конендя уз бяхетен табар,
    13 яшьлек кәләшме, корбанмы?