Грозныйдан татар блогеры

Гөлнара Җәлилова

Мине күпләр татар журналисты буларак беләдер – кызганычмы, кызыкмы – татар шигъриятенең юллары гади түгел. Шигърият ул күңел халәте, камералык, серле дөнья булып кала бирә.

Заман башка дисәм, таптану булыр – әмма Хәсән Туфаннар, Сибгать Хәкимнәр, Харрас Әюпләр, Нияз Акмалларны көтеп алган кебек кайсы шагыйрьнең иҗатын тын белән суырып алалар соң бүген? Юк инде. Укымыйлар диясем килми – замана безне башка күчәргә күчерде нибары... Кулдан хатлар язу юк, «шимбә көн кич белән утырмага җыйналабыз»лар бетте, поездларны да яулык очына яшьләрне сөртә-сөртә, перроннан поезд кузгалып киткәнчегә кадәр чаба-чаба озатулар да юк ич... Тормыш телефон-гаджетларга күчү белән, үзебез дә цифрлашабыз бугай инде, тәүбә...

Ә минем юл шигърияттән башланды үзе. Шигърият журналистикага тартып китерде, аннан инде алар толымдагы чәч үрентеләре төсле, берсен-берсе тулыландырып... «Синме бу, бәхет?» китабымны кулыма алганчы, Республиканың «Алтын каләм» бәйгесендә гран-при алып, Казанымның КФУ талибәсе булу, аннан, студент чакларымда Нияз абый Акмал эшләгән «Мәдәни җомга»га урнашып, аның белән шигырьләр укудан башланган эш көннәре – практика. Аннан инде шигырьләремне укыган Харрас абый Әюпнең «Күрәсем килә ул кызны» дигән бәясен алу (йөрәк – муенга менү), аннан, аның хәер-фатихасында «Кояшлы сукмак» китабына җан өрү, Татарстан Язучылар берлегенә кабул ителү. Ээээх! Ничек тиз үтә диген гомер, ә! 

Аннан журналистика. Янып-яшьнәп, батырып, иңен-буйга иңләп. «Журналистикада – исем» дигән бәллүр каләмне алуым...

Бүгенме? Бүген мин шагыйрә, журналист булудан бигрәк... Эшем катырак (бу урында көләсе, яме?) Мин әни! Беренче көмәнем белән декретка чыккач та, бәбиләгәнче редакциядән кайтып керә алмаган, аннан, өч яшен дә тутырмаган баланы бакчага биреп, атыла-бәрелә эшкә чыккан Җәлилованы акыл дигәннәре икенче бәбиен – Әминәсен тапкач кына куып тотты бугай. Йә Ходай, мин беренче баламның үскәнен сизми дә калганмын икән бит! Әни булып өлгереп тә җитешмәгән көе, Мәрьямем белән бергә үсә-үсә, эшкә ашкынганмын... Шуңа, кирәген бирдем димме – Әминәбезгә дүрт яше тулмыйча бакча да белешмәдек. Эш икенче, бәлки, өченче, бәлки, соңгы планга күчте. Бер нәрсәне төбенә төшкәнче аңладым – хатын-кызның миссиясе бүтән! Ул башта әни! Нигә шунда кырык эш кырык якка кырылып ятмый – мин бала ихтыяҗын беренче урынга куярга тиеш. Эшкә соңга калам, тиз бул, дип, баланы бакчага ашыктырмаска, башта эш, аннан ризык пешә, диюләр архивка озатылып, гаиләнең гармония ноктасы – хатын-кыз, дигән дәәәү бер фән нигезенең мәрмәрен кимерә башлау да шул тарафлардан. Һәм, әйе, ул хәзер тормыш девизы да – хатын-кыз бөтен башлангычларның да башлангычы))

Бытылдау, язу җене, кәгазь корты синдромы узгынчы түгел икән ул үзе – икенче декретка киткәндә, язмаган тема калмаган кебек булган иде анысы. Ыхы дие – эшләми торган юк, язу – ул диагноз инде. Журналистикадан ерагая төшү шигъриятнең сулыш алу системасын яңартып җибәрде, ул инстаграм әнә үзе бер журналистика төре. Мине анда «Җәлилова тастымаллары» аша беләләр кеби...

Кыскасы, мин болай хисап тоткан кебек язмыйм үзе. Бу юлы үзең белән таныштыр, дигәнгә генә шулай яздым. Болай үзе нормаль генә язадырыемсана... Кыска түгел. Әмма күңелсез дә түгел инде... Шуңа, «Сөембикә» блогеры бул, дигән тәкъдим килеп ирешкәәәч...

Шуңа, яңабаштан – Гөлнара Җәлилова, шагыйрә, журналист, блогер. Казан-Грозный. Ә Грозный дигәне, бөтенләй башка тарих инде. Икенче тарих, яме?..    
 

Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11389
    5
    142
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7003
    1
    92
  • 7970
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9013
    1
    50
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...